ಕಾರ್ಕಳ : ನಾಲ್ಕು ಕೋತಿಗಳ ಸಾವು, ಜನರಲ್ಲಿ ಮಂಗನಕಾಯಿಲೆ ಭೀತಿ

ಉಡುಪಿ : ಕಾರ್ಕಳ ತಾಲ್ಲೂಕಿನ ದೊಡ್ಡಬೆಟ್ಟುವಿನಲ್ಲಿ ಕಳೆದ ವಾರ ಸಂಭವಿಸಿದ ನಾಲ್ಕು ಕೋತಿಗಳ ಸಾವು, ಸುತ್ತಮುತ್ತಲ ಗ್ರಾಮಗಳ ನಿವಾಸಿಗಳಲ್ಲಿ ಮಂಗನ ಕಾಯಿಲೆ (ಮೆದುಳು ಜ್ವರ)ಯ ಭೀತಿ ಮೂಡಿಸಿದೆ.

ಜನವರಿ 31 ಹಾಗೂ ಫೆ.1 ರಂದು ಕೋತಿಗಳ ಸಾವು ಸಂಭವಿಸಿದೆ. ಉಡುಪಿ ಜಿಲ್ಲಾ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳು, ಜಿಲ್ಲಾ ಮಲೇರಿಯಾ ಅಧಿಕಾರಿ ಹಾಗೂ ಕಾರ್ಕಳ ತಾಲ್ಲೂಕು ಅಧಿಕಾರಿಗಳೊಂದಿಗೆ ಸ್ಥಳಕ್ಕೆ ಧಾವಿಸಿ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಮಂಗನಕಾಯಿಲೆಯ ಲಕ್ಷಣಗಳು ಯಾರಲ್ಲೂ ಇಲ್ಲ ಎಂದು ಖಚಿತಪಡಿಸಿದ್ದಾರೆ. ಈ ಪ್ರದೇಶಗಳ ಜನರು ತಮ್ಮ ನಿತ್ಯದ ಕಾರ್ಯಗಳಿಗಾಗಿ ಅರಣ್ಯಕ್ಕೆ ತೆರಳುವ ಸಂದರ್ಭದಲ್ಲಿ ಸುರಕ್ಷತಾ ಕ್ರಮಗಳನ್ನು ಅನುಸರಿಸಬೇಕೆಂದು ಅವರು ಎಚ್ಚರಿಕೆ ನೀಡಿದ್ದಾರೆ.

ಸತ್ತ ಕೋತಿಯ ಶವವೊಂದನ್ನು ಮರಣೋತ್ತರ ಪರೀಕ್ಷೆಗಾಗಿ ಶಿವಮೊಗ್ಗದಲ್ಲಿನ ವೈರಸ್‌ ತಪಾಸಣಾ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ. ಉಳಿದ ಕೋತಿಗಳ ಶವವನ್ನು ಮುಂಜಾಗರೂಕತಾ ಕ್ರಮವಾಗಿ ಸುಡಲಾಗಿದೆ. ಕೋತಿಗಳ ಸಾವು ಕಂಡುಬಂದ ಸ್ಥಳದ 50 ಮೀಟರ್‌ಗಳ ಸುತ್ತಮುತ್ತ ಕ್ರಿಮಿನಾಶಕ ಸಿಂಪಡಿಸಲಾಗಿದೆ ಎಂದು ಅಧಿಕಾರಿಯಾಬ್ಬರು ತಿಳಿಸಿದ್ದಾರೆ.

(ಯುಎನ್‌ಐ)