ಅಲ್ಪಸಂಖ್ಯಾತನಾದ್ದರಿಂದ ರಾಜೀನಾಮೆ ನೀಡಬೇಕಾಯಿತು -ಟಿ.ಜಾನ್‌

ಬೆಂಗಳೂರು : ನಾನು ಅಲ್ಪಸಂಖ್ಯಾತ ವರ್ಗದಿಂದ ಬಂದ ಮಂತ್ರಿಯಾಗಿರುವುದರಿಂದ ರಾಜೀನಾಮೆ ನೀಡಬೇಕಾಯಿತು ಎಂದು ಇತ್ತೀಚೆಗೆ ಗುಜರಾತ್‌ ಭೂಕಂಪದ ಬಗ್ಗೆ ವಿವಾದಿತ ಹೇಳಿಕೆ ನೀಡಿ ಸಚಿ-ವ ಸ್ಥಾನ ಕಳ-ಕೊಂ-ಡ ಟಿ.ಜಾನ್‌ ಹೇಳಿದ್ದಾರೆ.

ದೇಶದ ಇತರ ರಾಜಕಾರಣಿಗಳು ಇನ್ನಷ್ಟು ವಿವಾದಾಸ್ಪದ ಕೋಮುವಾದಿ ಹೇಳಿಕೆಗಳನ್ನು ನೀಡಿದ್ದರೂ ಅವರ ವಿರುದ್ಧ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಅವರು ಆಪಾದಿಸಿದರು. ತಾವು ನೀಡಿರುವ ಹೇಳಿಕೆಯಿಂದಾಗಿ ಕಾಂಗ್ರೆಸ್‌ ಸರಕಾರಕ್ಕೆ ಯಾವುದೇ ರೀತಿಯ ಮುಜುಗರವಾಗಬಾರದು ಎಂಬ ಕಾರಣಕ್ಕೆ ಕ್ಷಮೆ ಕೇಳಿ, ರಾಜೀನಾಮೆ ನೀಡಿದ್ದೇನೆ. ಇದಕ್ಕೂ ಹೆಚ್ಚು ತಾನೇನು ಮಾಡಲು ಸಾಧ್ಯ ಎಂದು ಪ್ರಶ್ನಿಸಿದ ಜಾನ್‌, ಬಿಜೆಪಿ ನಾಯಕರು ತಮ್ಮನ್ನು ಬಂಧಿಸಬೇಕೆಂದು ಒತ್ತಾಯಿಸುತ್ತಿರುವುದು ತಮ್ಮ ವಿರುದ್ಧ ನಡೆಸುತ್ತಿರುವ ಪಿತೂರಿ ಎಂದರು.

ಈ ಪ್ರಕರಣದ ಮೂಲಕ ಕ್ರಿಶ್ಚಿಯನ್‌ ಸಮುದಾಯದ ದ್ವನಿಯನ್ನು ಒತ್ತಿ ಹಿಡಿಯಲಾಗುತ್ತಿದೆ ಎಂದು ಜಾನ್‌ ಬಣ್ಣಿಸಿದರು. ಶಾಲೆಯಲ್ಲಿ ಮಾಡಿದ ಭಾಷಣದಲ್ಲಿ ತಾನು ಏನು ಹೇಳಿದ್ದೇನೆ ಎನ್ನುವುದು ಸರಿಯಾಗಿ ನೆನಪಿಲ್ಲ . ಆದರೆ ಮಕ್ಕಳಲ್ಲಿ ದೇವರ ಭಯ ಹುಟ್ಟಿಸುವ ಬಗ್ಗೆ ತಾನು ಮಾತಾಡಿದ್ದೇನೆ. ತಾವು ಅಲ್ಪ ಸಂಖ್ಯಾತ ವರ್ಗದವರಾದ್ದರಿಂದ ಪ್ರಕರಣವನ್ನು ಬೆಳೆಸಲಾಗಿದೆ ಎಂದು ಜಾನ್‌ ಹೇಳಿ-ದ-ರು.

ತಮ್ಮ ರಾಜೀನಾಮೆಯಿಂದಾಗಿ ಕರ್ನಾಟಕದ ಕ್ರಿಶ್ಚಿಯನ್‌ ಸ--ಮುದಾಯ ತೀರಾ ಕಳವಳಕ್ಕೀಡಾಗಿದೆ . ಕ್ರಿಶ್ಚಿಯನ್‌ ಅಸೋಸಿಯೇಷನ್‌ಗಳು ರಾಜ್ಯ ಮಟ್ಟದ ಪ್ರತಿಭಟನೆ ನಡೆಸಲು ಮುಂದಾಗಿದ್ದಾಗ, ತಾವೇ ಅವರನ್ನು ತಡೆದಿರುವುದಾಗಿ ಜಾನ್‌ ವಿವರಿಸಿದರು. ತನ್ನ ವಿರುದ್ಧ ದಾಖಲಿಸಲಾದ ಮೊಕದ್ದಮೆಯನ್ನು ಹಿಂದೆಗೆದುಕೊಳ್ಳುವರೇ ಎಂದು ಸ್ವಲ್ಪ ಸಮಯ ಕಾದು ನೋಡಿ ನಂತರ ತಾವೂ ಕಾನೂನಿನ ಸಹಾಯ ಪಡೆಯುವುದಾಗಿ ಅವರು ಹೇಳಿದರು.

ಈ -ನ-ಡು-ವೆ, ಇಡೀ ಪ್ರಕರಣದಿಂದ ಕ್ರೆೃಸ್ತ ಸಮುದಾಯ ಕಳವಳಗೊಂಡಿರುವುದು ನಿಜ ಎಂದು ನಗರದ ಆರ್ಚ್‌ ಬಿಷಪ್‌ ಇಗ್ನೇಷಿಯಸ್‌ ಪಿಂಟೋ ಹೇಳಿದ್ದಾರೆ.

(ಇನ್ಫೋ ವಾರ್ತೆ)