ಮಾಗಡಿ ಶ್ರೀನಿವಾಸಸ್ವಾಮಿ ಬ್ರಹ್ಮ ರಥೋತ್ಸವ ಮಂಗಳವಾರ

ಮಾಗಡಿ : ಮಂಗಳವಾರ ಮಾಗಡಿಯ ತಿರುಮಲೆ ಶ್ರೀನಿವಾಸಸ್ವಾಮಿ ದೇವಾಲಯದಲ್ಲಿ 15ನೇ ಬ್ರಹ್ಮ ರಥೋತ್ಸವ ಜರುಗಲಿದೆ. ರಥೋತ್ಸವದ ಅಂಗವಾಗಿ ವಿವಿಧ ಧಾರ್ಮಿಕ ವಿಧಿಗಳು ಸೋಮವಾರದಿಂದಲೇ ಆರಂಭವಾಗಲಿವೆ. ಗಜೇಂದ್ರ ಮೋಕ್ಷ, ಅಭಿಷೇಕ ಮುಂತಾದ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದು ದೇವಾಲಯದ ಟ್ರಸ್ಟಿ ಟಿ.ವಿ. ಶ್ರೀನಿವಾಸ ಅಯ್ಯಂಗಾರ್‌ ತಿಳಿಸಿದ್ದಾರೆ.

ಲಕ್ಷಾರ್ಚನೆ: ವಿಶ್ವ ಕಲ್ಯಾಣಾರ್ಥವಾಗಿ ಈ ಸಂದರ್ಭದಲ್ಲಿ ಇಲ್ಲಿನ ಶ್ರೀರಾಮ ಮಂದಿರದಲ್ಲಿ ಮಾಘಮಾಸವಿಡೀ ಶ್ರೀರಾಮ ಮಂದಿರ ಸಮಿತಿ, ಶ್ರೀ ಮಾತಾ ಮಹಿಳಾ ಮಂಡಲಿ, ಶ್ರೀ ಶಂಕರ ಸೇವಾ ಸಮಿತಿ, ಶ್ರೀರಾಮ ಯುವಕ ಮಂಡಲಿ, ಬ್ರಾಹ್ಮಣ ಮಹಾಸಭಾ ಮುಂತಾದ ಸಂಘನೆಗಳ ಸಂಯುಕ್ತಾಶ್ರಯದಲ್ಲಿ ಲಕ್ಷಾರ್ಚನೆ ಕಾರ್ಯಕ್ರಮ ಸಹ ನಡೆಯುತ್ತಿದೆ. ಈ ವಿಷಯವನ್ನು ಲಕ್ಷಾರ್ಚನೆ ಕಾರ್ಯಕ್ರಮದ ಸಂಘಟಕರಾದ ಟಿ.ಕೆ. ಹಿರಿಯಣ್ಣ ತಿಳಿಸಿದ್ದಾರೆ.