ಏಸುವಿನ ಹಾಗೂ ಕರ್ನಾಟಕದ ಕೀರ್ತಿಯನ್ನ ಗಾಳಿಗೆ ತೂರಿದ ಜಾನ್‌

ಮಾನ್ಯರೆ,

ಅಲ್ಲಿ ಪ್ರಕೃತಿ ಮತ್ತೆ ವಿಕೋಪಕ್ಕೆ ತುತ್ತಾಗಿ, ಮಡಿದ ಜನರಿಗೆ ಇಡೀ ಭಾರತವೇ ಕಂಬನಿ ಸುರಿಸುತ್ತಿದ್ದರೆ ಇಲ್ಲಿ ನಮ್ಮ ರಾಜ್ಯದ ಮಂತ್ರಿ ಎನಿಸಿಕೊಂಡಿರುವ ಕೇರಳ ತನಯ ಜಾನ್‌ ಹೇಳಿಕೆ ಓದಿ ನಿಜಕ್ಕೂ ಹೇಸಿಗೆಯಾಯಿತು.

ಒಬ್ಬ ಭಾರತೀಯ ಪ್ರಜೆಯಾಗಿ, ಹೋಗಲಿ, ಒಬ್ಬ ಮನುಷ್ಯನಾಗಿ ತನ್ನ ಕೈಲಾದ ಸಹಾಯ ಮಾಡುವ ಬದಲು, ಅದು ಕ್ರೆೃಸ್ತ ಜನರ ಮೇಲೆ ನಡೆದ ಆಕ್ರಮಣಕ್ಕೆ ಉತ್ತರ ಎಂಬ ಹೇಳಿಕೆ ನೀಡಿರುವುದು ನಾಚಿಕೆಗೇಡಿನ ಸಂಗತಿ.

ನಮ್ಮ ಪ್ರಾರ್ಥನೆ ದೇವರು ಕೇಳಿಸಿಕೊಂಡ. ಅಂದರೆ ಏನು ಅರ್ಥ ? ಇಷ್ಟು ದಿನ ಭೂಕಂಪ ಆಗಲಿ ಅಂತ ಪ್ರಾರ್ಥನೆ ಮಾಡುತ್ತಿದ್ದರು ಅಂತನ ಅರ್ಥ ? ಯಾವ ಧರ್ಮ ಏಸು, ಥೆರೆಸಾ ಅಂತ ಮಹಾನ್‌ ಪುರುಷರನ್ನು ಮಾನವ ಕುಲಕ್ಕೆ ಕೊಟ್ಟಿತೋ ಅಂತಹ ಮತಕ್ಕೆ ಇಂತಹ ಅಯೋಗ್ಯರು ಒಂದು ಕಳಂಕ.

ಇವರ ಜಾತಕ ನೋಡಿದರೆ, ನಿಜಕ್ಕೂ ಜಿಗುಪ್ಸೆ ಉಂಟಾಗುತ್ತದೆ. ಇವರೊಬ್ಬ ಕರ್ನಾಟಕದ ಮಂತ್ರಿ ಎನ್ನಲು ಅವಮಾನ. ಇಂತಹ ಪುಣ್ಯಾತ್ಮರನ್ನು ಶಾಲಾ ಸಮಾರಂಭಕ್ಕೆ ಕರೆದ ಪುಣ್ಯವಂತರಿಗೆ ನನ್ನ ನಮನವು.

--------- -Qsax

ವಾರ್ತಾಸಂಚಯ
ಮುಖಪುಟ