• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಗಂಡಾಂತರದಲ್ಲಿ 27 ಮೆಗಾಸಿಟಿಗಳು : ಆ ಲಿಸ್ಟಿನಲ್ಲಿ ಕೋಲ್ಕತಾ

By Staff
|

ನವದೆಹಲಿ : ಮುಂದಿನ 25 ವರ್ಷಗಳಲ್ಲಿ ಮೂರು ಮೆಗಾಸಿಟಿಗಳು ಭೂಕಂಪದ ಹೊಡೆತಕ್ಕೆ ಗುರಿಯಾಗುವ ಸಾಧ್ಯತೆಯಿದ್ದು , ಅಂದಾಜು 30 ಲಕ್ಷ ಜನರು ಈ ಭೂಕಂಪಗಳಿಗೆ ಬಲಿಯಾಗುವ ಶಂಕೆಯಿರುವುದಾಗಿ ಭೂ ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಈ ಲಿಸ್ಟಿನಲ್ಲಿ ಬೆಂಗಳೂರು ಸೇರ್ಪಡೆಯಾಗಿಲ್ಲ.

ವಾಸ್ತವವಾಗಿ ಈ ಮೊದಲು ಸಂಭವಿಸಿದ ಭೂಕಂಪಗಳಿಗೂ ಮುಂದೆ ಸಂಭವಿಸಬಹುದಾದ ಕಂಪನಗಳಿಗೂ ಅಂಥಾ ವ್ಯತ್ಯಾಸವೇನಿಲ್ಲ . ಆದರೆ, ಅತ್ಯಧಿಕ ಪ್ರಮಾಣದ ಜನಸಂಖ್ಯೆ ಭೂಕಂಪದ ಸಾಧ್ಯತೆ ಹೆಚ್ಚಿರುವಂತಹ ಕರಾವಳಿ ಪ್ರದೇಶಗಳಲ್ಲಿ ಕೇಂದ್ರೀಕೃತವಾಗಿರುವುದರಿಂದ ಸಾವಿನ ಸಂಖ್ಯೆ ಹೆಚ್ಚಾಗುವುದು ನಿಶ್ಚಿತ ಅನ್ನುವುದು ತಜ್ಞರ ಅಭಿಮತ.

ಜಗತ್ತಿನ ಮೂರನೇ ಒಂದು ಭಾಗದಷ್ಟು ಜನಸಂಖ್ಯೆ ಕರಾವಳಿ ತೀರದ 60 ಕಿಮೀ ಆಸುಪಾಸಿನಲ್ಲೇ ಇರುವುದು ಗಮನಾರ್ಹ. ಚಂಡಮಾರುತ, ಭೂಕಂಪದಂತಹ ಸಮೂಹ ನಾಶದ ಪ್ರಕೃತಿ ವಿಕೋಪಗಳ ತೀವ್ರತೆ ಹೆಚ್ಚಿರುವುದು ಇಂತಹ ಪ್ರದೇಶಗಳಲ್ಲೇ ಹೆಚ್ಚು ಎಂದು ತಜ್ಞರು ಹೇಳಿದ್ದಾರೆ. ಜನಸಂಖ್ಯಾ ಸ್ಫೋಟ ಕೂಡ ಭೂಕಂಪದ ತೀವ್ರತೆಗೆ ಕಾರಣವಾಗುತ್ತಿದೆ. ಹೆಚ್ಚುತ್ತಿರುವ ಜನಸಂಖ್ಯೆ ನಗರ ಪ್ರದೇಶಗಳಿಗೆ ವಲಸೆ ಬರುವುದರಿಂದ ನಗರಗಳ ಮೇಲೆ ಅಸಹಜ ಒತ್ತಡ ಉಂಟಾಗುತ್ತಿದೆ.

ಮೆಗಾಸಿಟಿಗಳಿಗೆ ಉಳಿಗಾಲ ಕಷ್ಟ : ಡಾ. ಬಿಹಾಂ ಅನ್ನುವ ತಜ್ಞರ ಅಧ್ಯಯನದ ಪ್ರಕಾರ- ಪ್ರಸ್ತುತ ಜಗತ್ತಿನಲ್ಲಿ 27 ಮೆಗಾಸಿಟಿಗಳಿದ್ದು , ಇವುಗಳಲ್ಲಿ ಮೂರನೇ ಒಂದು ಭಾಗದಷ್ಟು ನಗರಗಳು ಕರಾವಳಿಗೆ ಹೊಂದಿಕೊಂಡಿವೆ. ಪ್ರತಿಯಾಂದು ಮೆಗಾಸಿಟಿಯಲ್ಲೂ ಸರಾಸರಿ 80 ಲಕ್ಷ ಮಂದಿ ವಾಸವಿದ್ದಾರೆ. ಉದಾಹರಣೆಗೆ ಭಾರತವನ್ನು ಹೆಸರಿಸುವುದಾದರೆ, ಕಲ್ಕತ್ತಾ ನಗರಕ್ಕೆ ಭೂಕಂಪ ಅಪಾಯದ ಸಂಭವ ಹೆಚ್ಚು . ತಮಾಷೆಯೆಂದರೆ, ಮಹಾ ನಗರಗಳಲ್ಲಿ ಉಂಟಾಗುವ ಸಾವಿನ ಸಂಖ್ಯೆಗೆ ಭೂಕಂಪಕ್ಕಿಂತಲೂ ಹೆಚ್ಚಿನ ಪಾಲು ಮಾನವ ನಿರ್ಮಿತ ಕಟ್ಟಡಗಳೆ ಕಾರಣವಾಗಿರುತ್ತವೆ. ಕಟ್ಟಡಗಳ ನಿರ್ಮಾಣದಲ್ಲಿ ಗುಣಮಟ್ಟವನ್ನು ಮತ್ತಷ್ಟು ಹೆಚ್ಚಿಸುವುದು ಅನಾಹುತವನ್ನು ಕಡಿಮೆ ಮಾಡುವ ಏಕೈಕ ದಾರಿ.

ಇದೆಲ್ಲಾ ಸರಿ, ಭೂಕಂಪಕ್ಕೆ ಕಾರಣಗಳೇನು ? ಉತ್ತರ ಹೇಳುವುದು ಬಲು ಕಷ್ಟ . ಗುಜರಾತ್‌ ಭೂಕಂಪವನ್ನೇ ತೆಗೆದುಕೊಳ್ಳಿ. ತಜ್ಞರಲ್ಲಿ ಒಮ್ಮತವಿಲ್ಲ . ಒಬ್ಬ ತಜ್ಞರು ಭಾರತದಲ್ಲಿ ನಡೆಸಿದ ಅಣುಸ್ಫೋಟವೇ ಭೂಕಂಪಕ್ಕೆ ಕಾರಣ ಅಂದರೆ, ಮತ್ತೊಬ್ಬರು ಅದು ಅಸಂಬದ್ಧ , ಭೂಮಿಯಾಳಗಿನ ಲೆಕ್ಕಾಚಾರ ನಮ್ಮ ಗ್ರಹಿಕೆಗೆ ದಕ್ಕದು ಅನ್ನುತ್ತಾರೆ. ಅದೇನೇ ಇರಲಿ, ಮನುಕುಲಕ್ಕೆ ಮುಂದೆ ಎರಗುವ ಪ್ರತಿ ಸಣ್ಣ ಗಂಡಾಂತರವೂ ದೊಡ್ಡ ಪ್ರಮಾಣದ ಹಾನಿಗೆ ಕಾರಣವಾಗುತ್ತದೆ. ಅನಾಹುತಕ್ಕೆ ಮನುಷ್ಯ ನಿರ್ಮಿತ ಆಕೃತಿಗಳು ಕಾರಣವಾಗುತ್ತಿರುವುದರಿಂದ ಆಧುನಿಕತೆಯ ಹೆಜ್ಜೆಯನ್ನು ಪದೇ ಪದೇ ವಿಮರ್ಶಿಸಿಕೊಳ್ಳಬೇಕಾದ ಹೊತ್ತು ಬಂದಿದೆ.

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X

Loksabha Results

PartyLWT
BJP+8346354
CONG+38790
OTH89098

Arunachal Pradesh

PartyLWT
BJP33033
JDU178
OTH3811

Sikkim

PartyWT
SKM01717
SDF01515
OTH000

Odisha

PartyLWT
BJD7042112
BJP16723
OTH8311

Andhra Pradesh

PartyLWT
YSRCP0150150
TDP02424
OTH011

-
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more