ಸೋಮವಾರ ಬೆಳಿಗ್ಗೆಯೂ ಭುಜ್‌ನಲ್ಲಿ 4.5 ತೀವ್ರತೆಯ ಭೂಕಂಪ

ನವದೆಹಲಿ : ಪ್ರಕೃತಿಯ ಅವಕೃಪೆಗೆ ಪಾತ್ರವಾಗಿರುವ ಗುಜರಾತ್‌ನ ಭುಜ್‌ ಪ್ರದೇಶದಲ್ಲಿ ಭೂಕಂಪಗಳ ಹಾವಳಿ ಮುಂದುವರಿದಿದ್ದು , ಸೋಮವಾರ ರಾತ್ರಿ 3.3 ರ ತೀವ್ರತೆಯ ಹಾಗೂ ಮಂಗಳವಾರ ಬೆಳಿಗ್ಗೆ 4.5 ರ ತೀವ್ರತೆಯ ಭೂಕಂಪಗಳು ಸಂಭವಿಸಿವೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.

ಜನವರಿ 26 ರ ಭೀಕರ ಭೂಕಂಪದ ನಂತರ ಭುಜ್‌ನ 150ರಿಂದ 200 ಕಿ.ಮೀ. ವ್ಯಾಪ್ತಿಯಲ್ಲಿ ಸುಮಾರು 100 ಲಘು ಭೂಕಂಪಗಳು(ರಿಕ್ಟರ್‌ ಮಾಪಕದಲ್ಲಿ 3 ರ ತೀವ್ರತೆ) ಸಂಭವಿಸಿವೆ. ಇದಕ್ಕಿಂತಲೂ ಕಡಿಮೆ ತೀವ್ರತೆಯ ಸುಮಾರು 300 ಕಂಪನಗಳು ಭುಜ್‌ ವ್ಯಾಪ್ತಿಯಲ್ಲಿ ಸಂಭವಿಸಿವೆ.

ಮಸಣದಲ್ಲಿ ಮೋಸಗಾರರು : ಹೆಜ್ಜೆ ಹೆಜ್ಜೆಗೂ ಹೆಣಗಳೂ ತೊಡರುವ ಮಸಣ ಸದೃಶ ಪ್ರದೇಶದಲ್ಲೂ ಸಮಯ ಸಾಧಕರು ತಮ್ಮ ಕೈ ಚಳಕ ತೋರಿಸುತ್ತಿದ್ದಾರೆ. ಮುರುಕು ಮನೆಗಳಿಗೆ ನುಗ್ಗಿ ದರೋಡೆಕೋರರು ಜನರನ್ನು ಸುಲಿಯುತ್ತಿದ್ದಾರೆ, ಚಾಕು ಚೂರಿ ಹಿಡಿದು ಬೆದರಿಸುತ್ತಿದ್ದಾರೆ. ಮನ್‌ಫಾರಾ ಗ್ರಾಮದ ಸುರೇಶ್‌ ಭಾಯ್‌ ಥಾಕೋರ್‌ ಎಂಬುವರ ಕುಸಿದು ಬಿದ್ದ ಅಂಗಡಿಯಿಂದ 75 ಲಕ್ಷ ರುಪಾಯಿ ದೋಚಲಾಗಿದೆ.

(ಯುಎನ್‌ಐ)