ವೀರಪ್ಪನ್‌ ವಿರುದ್ಧ ವೈಜ್ಞಾನಿಕ ಕಾರ್ಯಾಚರಣೆ - ಆರ್‌. ರಾಜಗೋಪಾಲನ್‌

ಚೆನ್ನೈ : ಉಭಯ ರಾಜ್ಯಗಳ ಎಸ್‌ಟಿಎಫ್‌ ಪಡೆ ಹಾಗೂ ಗಡಿ ಭದ್ರತಾ ಪಡೆಗಳ ನಡುವೆ ಅತ್ಯುತ್ತಮ ಹೊಂದಾಣಿಕೆಯಿದೆ ಹಾಗೂ ವೀರಪ್ಪನ್‌ ಶಿಕಾರಿ ಈ ಬಾರಿ ಹಿಂದೆಂದಿಗಿಂತಲೂ ಹೆಚ್ಚು ವೈಜ್ಞಾನಿಕವಾಗಿ ನಡೆಯುತ್ತಿದೆ ಎಂದು ತಮಿಳುನಾಡು ಪೊಲೀಸ್‌ ಮಹಾ ನಿರ್ದೇಶಕ ಆರ್‌. ರಾಜಗೋಪಾಲನ್‌ ಹೇಳಿದ್ದಾರೆ.

ಇತ್ತೀಚೆಗೆ ಕೇರಳದ ಎಸ್‌ಟಿಎಫ್‌ ಕೂಡ ವೀರಪ್ಪನ್‌ ಶಿಕಾರಿಗೆ ಕೈ ಜೋಡಿಸಿರುವ ಕುರಿತು ಸಂತಸ ವ್ಯಕ್ತಪಡಿಸಿದ ಅವರು, ಈ ಬಾರಿಯ ಕಾರ್ಯಾಚರಣೆಯಲ್ಲಿ ಯಶಸ್ಸಿನ ಬಗ್ಗೆ ನಾವು ಪೂರ್ಣ ವಿಶ್ವಾಸದಿಂದಿದ್ದೇವೆ ಎಂದರು. ವೆಲ್ಲೂರಿನಲ್ಲಿ ಸೋಮವಾರ ನಡೆದ ಪೊಲೀಸ್‌ ಅಧಿಕಾರಿಗಳ ಸನ್ಮಾನ ಕಾರ್ಯಕ್ರಮದಲ್ಲಿ ಅವರು ಭಾಗವಹಿಸಿ ಮಾತನಾಡುತ್ತಿದ್ದರು.

ತಮಿಳುನಾಡಿನ ಅರಣ್ಯದಿಂದ ನರಹಂತಕ ವೀರಪ್ಪನ್‌ ಕೇರಳದ ಕಾಡಿಗೆ ಜಾರಿಕೊಂಡಿದ್ದಾನೆ ಎನ್ನುವ ವರದಿಗಳನ್ನು ನಿರಾಕರಿಸಿದ ಅವರು, ಈ ವಿಷಯ ತಮಗೆ ಗೊತ್ತಾದದ್ದು ಮಾಧ್ಯಮಗಳಿಂದಲೇ ಎಂದರು.

(ಯುಎನ್‌ಐ)