ಮನೆ ಕಳಕೊಂಡವರಿಗೆ ನೆರವಿಗೆ ಎನ್‌ಎಚ್‌ಬಿ

ನವದೆಹಲಿ : ಗುಜರಾತಿನ ಭೂಕಂಪ ಗ್ರಸ್ತ ರಿಗೆ ಮನೆ ಕಟ್ಟಿಕೊಳ್ಳುವ ಸಲುವಾಗಿ ಕಡಿಮೆ ಬಡ್ಡಿ ದರದಲ್ಲಿ ಸಾಲ ನೀಡುವ ಎರಡು ವಿಶೇಷ ಯೋಜನೆಗಳನ್ನು ನ್ಯಾಶನಲ್‌ ಹೌಸಿಂಗ್‌ ಬ್ಯಾಂಕ್‌ ಪ್ರಕಟಿಸಿದೆ.

300 ಕೋಟಿ ರುಪಾಯಿಗಳ ಯೋಜನೆಯಲ್ಲಿ ಮನೆಯ ಪುನರ್‌ ನಿರ್ಮಾಣ, ರಿಪೇರಿ, ಹೊಸ ಮನೆ ನಿರ್ಮಾಣ ಕಾಮಗಾರಿಗಳಿಗೆ ರು. 5 ಲಕ್ಷ ರುಪಾಯಿಗಳವರೆಗೆ ಬ್ಯಾಂಕು ಸಾಲ ನೀಡುವುದು. ಸಾಲವನ್ನು ಮರು ಪಾವತಿಸಲು 15 ವರ್ಷಗಳ ಕಾಲಾವಕಾಶವಿದೆ ಎಂದು ಬ್ಯಾಂಕ್‌ನ ಅಧ್ಯಕ್ಷ ಪಿ.ಪಿ. ವೋರಾ ಸೋಮವಾರ ಸುದ್ದಿಗಾರರಿಗೆ ತಿಳಿಸಿದರು.

ಕೆಲವು ಸಂಘ ಸಂಸ್ಥೆಗಳ ಸಹಯೋಗದಲ್ಲಿ ರೂಪಿಸಿರುವ 200 ಕೋಟಿ ರುಪಾಯಿಗಳ ಮತ್ತೊಂದು ಯೋಜನೆಯಲ್ಲಿ , ಎರಡು ಲಕ್ಷ ರುಪಾಯಿಗಳವರೆಗೆ ಹೊಸ ಸಾಲಗಳನ್ನು ನೀಡಲಾಗುವುದು. ಈ ಯೋಜನೆಯ ಸಾಲ ಮರು ಪಾವತಿಗೂ 15 ವರ್ಷಗಳ ಅವಧಿಯಿದೆ. ಬಡ್ಡಿಯ ದರವನ್ನು ಇನ್ನೂ ನಿರ್ಧರಿಸಿಲ್ಲ . ರಾಜ್ಯ ಸರ್ಕಾರದೊಂದಿಗಿನ ಚರ್ಚೆಯ ನಂತರ ನಿರ್ಧರಿಸಲಾಗುವುದು ಎಂದು ವೋರಾ ತಿಳಿಸಿದ್ದಾರೆ.

(ಯುಎನ್‌ಐ)