ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಗುಜರಾತ್‌ : ಭೂಕಂಪದಲ್ಲಿ ಸತ್ತವರ ಸಂಖ್ಯೆ 4000 ಕ್ಕೆ ಏರಿಕೆ

By Staff
|
Google Oneindia Kannada News

ಅಹಮದಾಬಾದ್‌ : ಇನ್ನೂರು ವರ್ಷಗಳಲ್ಲಿ ದೇಶ ಕಂಡರಿಯದ ಭೀಕರ ಭೂಕಂಪಕ್ಕೆ ಗುಜರಾತ್‌ನಲ್ಲಿ ಕನಿಷ್ಠ 4000 ಮಂದಿ ಬಲಿಯಾಗಿದ್ದಾರೆ ಹಾಗೂ 3500 ಮಂದಿ ಗಾಯಗೊಂಡಿದ್ದಾರೆ. ಸತ್ತವರ ಸಂಖ್ಯೆ 6 ಸಾವಿರ ದಾಟುವ ಅಂದಾಜಿದೆ.

ಅಹಮದಾಬಾದ್‌ ನಗರವೊಂದರಲ್ಲೇ ಕನಿಷ್ಠ 300 ಜನ ಸತ್ತಿದ್ದರೆ, ಭೂಕಂಪದ ತೀವ್ರತೆಯ ಕೇಂದ್ರವಾದ ಭುಜ್‌ನಲ್ಲಿ ಕನಿಷ್ಠ 650 ಜನ ಸತ್ತಿದ್ದಾರೆ. ಸತ್ತವರ ಸಂಖ್ಯೆ ಕ್ಷಣದಿಂದ ಕ್ಷಣಕ್ಕೆ ಹೆಚ್ಚುತ್ತಲೇ ಇದ್ದು , ಕಟ್ಟಡದ ಅವಶೇಷಗಳಿಂದ ಹೆಣಗಳನ್ನು ತೆಗೆಯುವ ಕಾರ್ಯ ಗುಜರಾತ್‌ ರಾಜ್ಯಾದ್ಯಂತ ಭರದಿಂದ ನಡೆಯುತ್ತಿದೆ.

ಸಾರ್ವಜನಿಕ ಆಸ್ಪತ್ರೆಗಳು ಕೂಡ ಭೂಕಂಪದ ತೀವ್ರತೆಯಿಂದ ಹಾನಿ ಅನುಭವಿಸಿದ್ದು , ಸಾವಿರಾರು ಮಂದಿ ಗಾಯಾಳುಗಳು ಚಿಕಿತ್ಸೆ ಲಭ್ಯವಿರುವ ಮಿಲಿಟರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಶುಕ್ರವಾರ ಮುಂಜಾನೆ ಕೆಲಸಕ್ಕೆ ಒಡ್ಡಿಕೊಂಡ ಸರ್ಜನ್‌ಗಳು ಕ್ಷಣವೂ ಬಿಡುವಿಲ್ಲದಂತೆ ದುಡಿಯುತ್ತಿದ್ದಾರೆ. ಆಪರೇಷನ್‌ ಥಿಯೇಟರ್‌ಗಳು ಈವರೆಗೂ ಬಿಡುವಾಗಿಲ್ಲ ಎಂದು ಎನ್‌ಡಿ ಟಿವಿ ವರದಿ ತಿಳಿಸಿದೆ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X