ಪಿಕ್‌ನಿಕ್‌ ಹೋದ ಬೆಂಗಳೂರಿನ 6 ಯುವಕರು ಕಾವೇರಿ ಪಾಲು

ಟಿ.ನರಸೀಪುರ : ಇಡೀ ದೇಶದ ಜನಮನ ಭಾರತದಲ್ಲಿ ಸಂಭವಿಸಿರುವ ಭೂಕಂಪನದ ತೀವ್ರತೆಯ ಕಡೆಗಿರುವ ಸಂದರ್ಭದಲ್ಲೇ ಬೆಂಗಳೂರಿನ 6 ಯುವಕರು ಶುಕ್ರವಾರ ಕಾವೇರಿ ನದಿಯಲ್ಲಿ ಕೊಚ್ಚಿಕೊಂಡು ಹೋಗಿದ್ದಾರೆ.

ಶುಕ್ರವಾರ ಗಣ ರಾಜ್ಯೋತ್ಸವದ ರಜಾ ಪ್ರಯುಕ್ತ ಪಿಕ್‌ನಿಕ್‌ಗೆ ಬಂದ 14 ಯುವಕರ ತಂಡದ ಈ ನತದೃಷ್ಟರೆಂದರೆ- ಗುರುಪ್ರಸಾದ್‌ (24), ಗೋಪಿನಾಥ (24), ನಾಗೇಂದ್ರ (25), ರವಿಕುಮಾರ್‌ (24), ಮಹೇಶ್‌ (24) ಹಾಗೂ ಮಂಜುನಾಥ್‌ (24). ಕಾಲು ಜಾರಿ ನದಿಯಲ್ಲಿ ಮುಳುಗಿ ಹೋಗುತ್ತಿದ್ದ ಒಬ್ಬನನ್ನು ಕಾಪಾಡಲು ಹೋಗಿ ಇನ್ನೂ ಐವರೂ ಕೊಚ್ಚಿಹೋಗಿದ್ದಾರೆ. ಎದು ಮೈಸೂರು ಜಿಲ್ಲಾ ಪೊಲೀಸರು ತಿಳಿಸಿದ್ದಾರೆ.

ಪರಿಣತ ಈಜುಗಾರರು ಕೊಚ್ಚಿಹೋದ ಹೆಣಗಳ ಹೊರತೆಗೆಯಲು ಶುಕ್ರವಾರ ಸಂಜೆಯಿಂದ ರಾತ್ರಿವರೆಗೂ ಶತಾಯ ಗತಾಯ ಯತ್ನಿಸಿದರು. ಆದರೆ ಅವರ ಯತ್ನ ಫಲ ನೀಡಲಿಲ್ಲ.

(ಇನ್ಫೋ ವಾರ್ತೆ)