ಸುತ್ತೂರಿನಲ್ಲಿ ಸರಳ - ಸಂಭ್ರಮದ ಸಾಮೂಹಿಕ ವಿವಾಹ

ಮೈಸೂರು : ಜಗದ್ಗುರು ಶ್ರೀ ಶಿವರಾತ್ರೀಶ್ವರ ಶಿವಯೋಗಿಗಳ ಜಾತ್ರಾ ಮಹೋತ್ಸವದ ಅಂಗವಾಗಿ ಜ. 25ರ ಗುರುವಾರ ಸುತ್ತೂರು ಶ್ರೀ ಕ್ಷೇತ್ರದಲ್ಲಿ ಏರ್ಪಡಿಸಲಾಗಿದ್ದ ಸಾಮೂಹಿಕ ವಿವಾಹ ಅತ್ಯಂತ ಸರಳ ಹಾಗೂ ಸಂಭ್ರಮದಿಂದ ಜರುಗಿತು. ಎಲ್ಲ ವರ್ಗದವರಿಗೂ ಈ ಸಾಮೂಹಿಕ ವಿವಾಹ ಕಾರ್ಯಕ್ರಮದಲ್ಲಿ ಮುಕ್ತ ಅವಕಾಶ ನೀಡಲಾಗಿತ್ತು.

ಪರಿಶಿಷ್ಟ ಜಾತಿ, ಪಂಗಡದ 8 ಜೋಡಿಗಳೂ ಸೇರಿದಂತೆ ಒಟ್ಟು 18 ಜೋಡಿಗಳು ಈ ಸಾಮೂಹಿಕ ವಿವಾಹದಲ್ಲಿ ಸತಿ- ಪತಿಗಳಾಗಿ ಸಪ್ತ ಪದಿ ತುಳಿದರು. ವಧೂವರರಿಗೆ ಸೀರೆ, ರವಿಕೆ, ಪಂಚೆ, ಶಲ್ಯವೇ ಅಲ್ಲದೆ ಮಾಂಗಲ್ಯವನ್ನು ಸಹ ಉಚಿತವಾಗಿ ನೀಡಲಾಯಿತು.

ಹೊಸ ಬಾಳಿನ ಹೊಸಿಲಲಿ ನಿಂತ ಜೋಡಿಗಳನ್ನು ಹರಸಲು ಬಂದ ಬಂಧು -ಬಾಂಧವರಿಗೆ ಉಚಿತ ಊಟ ಹಾಗೂ ವಸತಿಯ ವ್ಯವಸ್ಥೆಯನ್ನೂ ಮಾಡಲಾಗಿತ್ತು. ಜಗದ್ಗುರು ಶ್ರೀ ಶಿವರಾತ್ರೀಶ್ವರ ವಿವಾಹ ವೇದಿಕೆ ಈ ಸಾಮೂಹಿಕ ವಿವಾಹವನ್ನು ಏರ್ಪಡಿಸಿತ್ತು.