ಕ್ಷಯ ರೋಗಿಗೆ ಗಂಗೂಲಿ ನೆರವು : ಜ.30ರಂದು ಬ್ಯಾಟುಗಳ ಹರಾಜು

ಕೋಲ್ಕೊಟ : ದುಡ್ಡಿಗಾಗಿ ಪ್ರಾಮಾಣಿಕತೆಯನ್ನೇ ಮಾರಿಕೊಂಡಿರುವ ಕ್ರಿಕೆಟಿಗರ ದೊಡ್ಡ ಸಾಲೇ ಪತ್ತೆಯಾಗುತ್ತಿರುವ ಇವತ್ತಿನ ಪರಿಸ್ಥಿತಿಯಲ್ಲಿ ಕಷ್ಟದಲ್ಲಿರುವವರಿಗೆ ನೆರವಾಗುವ ಮನಸ್ಸನ್ನ ಮಾಡುವ ಕ್ರಿಕೆಟಿಗರೂ ಇದ್ದಾರೆಯೇ ? ಹೌದು ಎಂದು ಮುಂದೆ ಬಂದಿದ್ದಾರೆ ಭಾರತ ಕ್ರಿಕೆಟ್‌ ತಂಡದ ನಾಯಕ ಸೌರವ್‌ ಗಂಗೂಲಿ.

ಕ್ಷಯ ರೋಗದಿಂದ ಬಳಲುತ್ತಿರುವ ಬಿದುರಿನ್‌ ಚಕ್ರವರ್ತಿ ಎಂಬ 10 ವರ್ಷದ ಹುಡುಗ ಟಾಟಾ ಸ್ಮರಣಾರ್ಥ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಮೂಳೆಯಾಳಗಿನ ಕೊಬ್ಬಿನಂಶವನ್ನು ಸೇರಿಸುವ ಕೆಲಸ ತುರ್ತಾಗಿ ಆಗಬೇಕಿದೆ. ಆತನಿಗೆ ನೆರವು ಸಲ್ಲಿಸುವ ಸಲುವಾಗಿ ಗಂಗೂಲಿ, ತಮ್ಮ ಕೆಲವು ಬ್ಯಾಟ್‌ಗಳು ಹಾಗೂ ಇತರೆ ಕ್ರಿಕೆಟ್‌ ಸಲಕರಣೆಗಳನ್ನು ಜನವರಿ 30ರಂದು ಹರಾಜು ಹಾಕಲಿದ್ದಾರೆ. ಬರುವ ಹಣವನ್ನು ಚಕ್ರವರ್ತಿ ಚಿಕಿತ್ಸೆಗೆ.

(ಯುಎನ್‌ಐ)