ಈ ಮಾಜಿ ಯೋಧ ಹೂತ ಹೆಣ ತೆಗೆದು ಕಾಳಿದೇವಿಗೊಪ್ಪಿಸುತ್ತಿದ್ದ

ತಂಜಾವೂರು : ಹೂತ ಹೆಂಗಸೊಬ್ಬರ ಹೆಣವನ್ನು 5 ದಿನಗಳ ನಂತರ ಹೊರ ತೆಗೆದು, ಕಾಳೀಮಾತೆಗೆ ಒಪ್ಪಿಸುತ್ತಿದ್ದ ಹುಚ್ಚು ಆಸಾಮಿಯಾಬ್ಬನನ್ನು ಪೊಲೀಸರು ಬಂಧಿಸಿದ್ದಾರೆ.

ರಾಗಮ್ಮಾಳ್‌ ಎಂಬ ಹೆಂಗಸು ಜನವರಿ 13ರಂದು ಬಸ್‌ ಅಪಘಾತದಿಂದಾಗಿ ಸಾವನ್ನಪ್ಪಿದ್ದಳು. ಆ ದಿನವೇ ಆಕೆಯ ಅಂತ್ಯಕ್ರಿಯೆಯೂ ನಡೆಯಿತು. ಸ್ಥಳೀಯ ಮಸಣದಲ್ಲಿ ಹೂತಿದ್ದ ಹೆಣವನ್ನು 5 ದಿನಗಳ ನಂತರ ಹೊರ ತೆಗೆದ ಜಗದೀಶನ್‌ ಎಂಬ ಮಾಜಿ ಸೇನಾ ಯೋಧ ಕೆಲ ಕಾಲ ಅದನ್ನು ತನ್ನ ಮನೆಯಲ್ಲಿಟ್ಟುಕೊಂಡಿದ್ದನು. ನಂತರ ಅದನ್ನು ಕಾಳಿ ಮಾತೆಗೆ ಒಪ್ಪಿಸುವ ಸಲುವಾಗಿ ಕಾಳೀ ದೇವಾಲಯಕ್ಕೆ ಒಯ್ದನು.

ದೇವಾಲಯದ ಪಕ್ಕದ ಕುಟುಂಬದವರು ಕೊಳೆತ ವಾಸನೆಯ ಯಾತನೆ ಅನುಭವಿಸಲಾರದೆ ಪೊಲೀಸರಿಗೆ ದೂರು ಕೊಟ್ಟರು. ಸುಮಾರು ನಾಲ್ಕು ದಿನಗಳಿಂದ ಕೊಳೆತು ನಾರುತ್ತಿದ್ದ ಹೆಣವನ್ನು ಜಗದೀಶನ್‌ ಕಾಳಿ ದೇವಾಲಯದಲ್ಲಿ ಇಟ್ಟಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.

(ಯುಎನ್‌ಐ)