5 ವರ್ಷಗಳ ಬಳಿಕ ಬಾಲಕಿಯರ ಷಾಟ್‌ಪಟ್‌ನಲ್ಲಿ ಕರ್ನಾಟಕಕ್ಕೆ ಚಿನ್ನ

ಬೆಂಗಳೂರು : 16ನೇ ರಾಷ್ಟ್ರೀಯ ಜೂನಿಯರ್‌ ವಯೋವರ್ಗ ಅಥ್ಲೆಟಿಕ್‌ ಚಾಂಪಿಯನ್‌ ಷಿಪ್‌ನ 18 ವರ್ಷ ವಯಸ್ಸಿನೊಳಗಿನವರ ಬಾಲಕಿಯರ ಷಾಟ್‌ ಫಟ್‌ ಸ್ಪರ್ಧೆಯಲ್ಲಿ ಉಡುಪಿಯ ಸಾಂಡ್ರಾ ಡಿಸೋಜಾ ಚಿನ್ನದ ಪದಕ ಗೆದ್ದಿದ್ದಾರೆ.

ಕಳೆದ ಐದು ವರ್ಷಗಳಲ್ಲಿ ಷಾಟ್‌ಪಟ್‌ ಸ್ಪರ್ಧೆಯಲ್ಲಿ ಕರ್ನಾಟಕ್ಕೆ ಚಿನ್ನದ ಪದಕ ಬಂದಿರುವುದು ಇದೇ ಮೊದಲು. ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಸ್ಪರ್ಧೆಯಲ್ಲಿ ಸಾಂಡ್ರಾ ಅವರು ಕಬ್ಬಿಣದ ಗುಂಡನ್ನು 10.58 ಮೀಟರ್‌ ದೂರ ಎಸೆದು ತಮ್ಮ ಸಮೀಪದ ಸ್ಪರ್ಧಿ ತಮಿಳುನಾಡಿನ ಅಮ್ಮು ಅವರನ್ನು 0.17 ಮೀಟರ್‌ ಅಂತರದಿಂದ ಸೋಲಿಸಿದರು.

16 ವರ್ಷ ವಯಸ್ಸಿನೊಳಗಿನ ಬಾಲಕಿಯರ 2000 ಮೀಟರ್‌ ಓಟದ ಸ್ಪರ್ಧೆಯಲ್ಲಿ ಕರ್ನಾಟಕದ ಎಚ್‌.ಎಸ್‌. ಗ್ರೀಷ್ಮಾ ಚಿನ್ನ ಗೆದ್ದರು. ಮಂಗಳೂರು ಗೋಕರ್ಣನಾಥೇಶ್ವರ ಕಾಲೇಜಿನ ವಿದ್ಯಾರ್ಥಿನಿ ಸಹನಾ ಕುಮಾರಿ 1.73ಮೀಟರ್‌ ಎತ್ತರ ಹಾರಿ ಕೇರಳದ ಪಿ.ಎಸ್‌ . ಬಿಂದು ಅವರ ದಾಖಲೆಯನ್ನು ಸರಿಗಟ್ಟಿ , ರಾಜ್ಯಕ್ಕೆ ಚಿನ್ನ ತಂದಿತ್ತರು.

(ಇನ್ಫೋ ವಾರ್ತೆ)