ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ವಾಣಿಜ್ಯ ವಿಷಯಗಳಲ್ಲಿ ಜಯ ನಿಮ್ಮದೆ. ಹೊಸ ಒಪ್ಪಂದಗಳಿಗೆ ಮುಂದಾಗಲೂ ಮುಹೂರ್ತ ಗಮ್ಮತ್ತಾಗಿದೆ. ಒಂದೇ ಸಮಸ್ಯೆಯೆಂದರೆ ಕುಟುಂಬದಲ್ಲಿ ತುಸು ಕಿರಿಕಿರಿ.

ವೃಷಭ : ಅಪ್ರಿಯ ಸತ್ಯಗಳನ್ನು ಹೇಳ ಹೊರಟಿರುವುದೇ ನಿಮ್ಮ ಪ್ರಣಯ ವೈಫಲ್ಯಕ್ಕೆ ಕಾರಣ. ನಿಮ್ಮ ಪ್ರಾಮಾಣಿಕತೆಯನ್ನು ಅವರಿಗೆ ಸ್ಪಷ್ಟ ಮಾಡಿಸಲು ಪ್ರಯತ್ನಿಸಿ. ಅವರು ಕೇಳಿಸಿಕೊಳ್ಳುವ ಮೂಡಿನಲ್ಲಿದ್ದಾರೆ.

ಮಿಥುನ : ಕೆಲಸ ಮಾಡುವ ಒತ್ತಡ ಎಷ್ಟಿದೆಯೆಂದರೆ ಅದರಲ್ಲಿ ನೀವು ಮುಳುಗಿ ಹೋಗುತ್ತೀರಿ. ಅಂದಹಾಗೆ, ನಿಮ್ಮ ಮಾತುಗಳಿಗೆ ನೀವು ಬದ್ಧರು ಅನ್ನುವ ಅವರ ನಂಬಿಕೆಯನ್ನು ಹುಸಿ ಮಾಡಬೇಡಿ.

ಕಟಕ : ಭವಿಷ್ಯದ ಬಗ್ಗೆ ಹೆಚ್ಚಿನ ನಿಗಾ ವಹಿಸಲಿದು ಸಕಾಲ. ನೀವು ಕುಟುಂಬಸ್ಥರಾಗಿದ್ದರಂತೂ ಈ ಬಗ್ಗೆ ತಪ್ಪದೆ ನಿಗಾ ವಹಿಸಿ. ಅತಿಥಿಗಳು ಮನೆ ಬಾಗಿಲಲ್ಲೇ ಇದ್ದಾರೆ.

ಸಿಂಹ : ನಿಮ್ಮ ಅಹಂ ಇತರರಿಗೆ ಮುಜುಗರ ತರದಂತೆ ಎಚ್ಚರಿಕೆ ವಹಿಸಿ. ನೀವು ನಿಮ್ಮ ಇತರ ಸಹೋದ್ಯೋಗಿಗಳಿಗಿಂತಲೂ ಉತ್ತಮರು ಅನ್ನುವುದು ನಿಜವಾದರೂ, ಸದ್ಯಕ್ಕೆ ರಾಜಿ ಮನೋಭಾವ ಅಗತ್ಯ.

ಕನ್ಯಾ : ಅಧಿಕಾರವನ್ನು ಸ್ವಾರ್ಥಕ್ಕೆ ಬಳಸಬೇಡಿ. ಈ ದಿನ ಅನಿರೀಕ್ಷಿತ ಧನಲಾಭ ಕಾದಿದೆ. ಕೋರ್ಟ್‌ ವ್ಯವಹಾರಗಳಲ್ಲಿ ಶುಭ ಸಮಾಚಾರ ಬಂದರೂ ಆಶ್ಚರ್ಯವಿಲ್ಲ .

ತುಲಾ : ಒಂಟಿತನ ಅನುಭವಿಸುತ್ತಿದ್ದೀರಿ. ಆದರೆ, ಈ ಒಂಟಿತನ ನಿಮಗೆ ಈ ದಿನ ಇಷ್ಟವಾಗುತ್ತಿದೆ ಅನ್ನುವುದೇ ವಿಶೇಷ. ಕ್ರಿಯಾತ್ಮಕ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳಲು ಸಕಾಲ.

ವೃಶ್ಚಿಕ : ಆರೋಗ್ಯ ಅಷ್ಟೇನೂ ಹದವಾಗಿಲ್ಲ . ಈ ಸಂದರ್ಭದಲ್ಲಿ ಮಾನಸಿಕವಾಗಿ ಗೊಂದಲಗೊಳ್ಳುವುದು ಬೇಡ. ಈ ದಿನ ನಿಮ್ಮ ಬಹು ದಿನಗಳ ಬೇಡಿಕೆಗೆ ಅವರು ಅಸ್ತು ಅನ್ನುತ್ತಾರೆ.

ಧನಸ್ಸು : ಐಡಿಯಾಗಳನ್ನು ಬದಲಿಸಿಕೊಳ್ಳುವ ಮುನ್ನ ಅವರ ಪ್ರಾಮಾಣಿಕತೆಯನ್ನು ಖಚಿತಪಡಿಸಿಕೊಳ್ಳಿ. ವೃತ್ತಿಯಲ್ಲಿ ನೀವು ತೋರುವ ಕುಶಲತೆ ಬಡ್ತಿಯ ಮತ್ತೊಂದು ಮೆಟ್ಟಿಲನ್ನು ಹತ್ತಿರ ತರುತ್ತದೆ.

ಮಕರ : ಹೊಸ ಗೆಳೆಯರನ್ನು ಕಂಡುಕೊಳ್ಳುವುದು ಅನಿವಾರ್ಯ. ಅದರ ಅಗತ್ಯ ನಿಮಗಿದೆ. ಅಂದಹಾಗೆ, ಭಾವುಕ ಗಳಿಗೆಯಾಂದರಲ್ಲಿ ನೀವು ವ್ಯಕ್ತಪಡಿಸಿದ ಭಾವನೆಗಳಿಗೆ ಅವರು ಅರ್ಹರೇ ಅನ್ನುವುದು ಪ್ರಶ್ನೆ.

ಕುಂಭ : ಹೊಸ ಐಡಿಯಾದೊಂದಿಗೆ ಬಂದಿರುವ ಗೆಳೆಯರ ಮಾತಿಗೆ ಕಿವಿಗೊಡಿ. ಆದರೆ, ನಿಮ್ಮ ಬಗೆಗಿನ ದೂರುಗಳನ್ನು ಪಕ್ಕಕ್ಕಿರಿಸಿ. ಖುಷಿಯ ದಿನ.

ಮೀನ : ಯಶಸ್ಸಿಗಾಗಿ ಅಡ್ಡದಾರಿ ಹಿಡಿಯುವುದು ಅಷ್ಟೇನೂ ಕ್ಷೇಮಕರವಲ್ಲ . ನಿಮ್ಮ ಕೆಲಸದಲ್ಲಿ ಮನಸ್ಸನ್ನು ಪೂರ್ಣವಾಗಿ ಕೇಂದ್ರೀಕರಿಸಿ. ಆಪ್ತರ ವಲಯದಲ್ಲಿ ಮನ್ನಣೆ ಗಳಿಸುತ್ತೀರಿ.