• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕಾಂಕ್ರೀಟ್‌ ಸಾಗರದ ಪುಷ್ಪ ದ್ವೀಪ

By Staff
|

ಬೆಂಗಳೂರಿನ ಹೆಮ್ಮೆಯ ಲಾಲ್‌ಬಾಗ್‌ ಅನ್ನು ಉದ್ಯಾನಗಳ ಹಾರದ ಪದಕ ಎಂದು ಬಣ್ಣಿಸಲಾಗಿದೆ. ಇದು ಭವ್ಯ ನಗರದ ಶ್ವಾಸಕೋಶ, ನೀಳವಾಗಿ, ಆಳವಾಗಿ ಉಸಿರಾಡಿ. ಇಲ್ಲಿ ಆಮ್ಲಜನಕ ಉಚಿತ ಎಂಬ ಫಲಕವೂ ಇಲ್ಲಿದೆ. ಒಳಗೆ ಬಂದ ಮೇಲೆ ನಿಮಗೆ ಆಮ್ಲಜನಕ ಉಚಿತವಾಗಿ ಸಿಗಬಹುದು. ಆದರೆ ಒಳಗೆ ಬರಲು ನೀವು ಹಣ ತೆರಬೇಕು.

ಲಾಲ್‌ಬಾಗ್‌ ಸಸ್ಯಗಳ ಆಗರ. 97 ಹೆಕ್ಟೇರ್‌ ಅಥವಾ 240 ಎಕರೆ ಪ್ರದೇಶದಲ್ಲಿ ಸಸ್ಯರಾಶಿ ಮೈಚಾಚಿದೆ. ಲಾಲ್‌ಬಾಗ್‌ನಲ್ಲಿ ಮುಖ್ಯವಾಗಿ ನೋಡಬೇಕಾದ್ದು, ಗಾಜಿನ ಮನೆ, ಜಯಚಾಮರಾಜೇಂದ್ರ ಒಡೆಯರ ಪ್ರತಿಮೆ, ಸರಕಾರಿ ಮತ್ಸ್ಯಾಗಾರ, ಸುಂದರವಾದ ಹೂ ಗಡಿಯಾರ, ಶಿಲ್ಪೋದ್ಯಾನ, ಗುಲಾಬಿ ವನ, ಕೆಂಪೇಗೌಡರ ಗೋಪುರ, ಬೃಹತ್‌ಬಂಡೆ, ಮಿಲಿಯ ವರ್ಷಗಳ ಹಿಂದಿನ ವೃಕ್ಷದ ಪಳೆಯುಳಿಕೆ, ಬೇಸಿಗೆಯಲ್ಲೂ ತಂಪಾಗಿರುವ ತಂಡಿ ಸಡಕ್‌, ಲಾಲ್‌ಬಾಗ್‌ ಕೆರೆ ಹಾಗೂ ದ್ವೀಪ. ನೋಡುವುದು ಬೇಕಾದಷ್ಟಿದ್ದರೆ ಮೆಲ್ಲುವುದಕ್ಕೆ ಇರುವುದೆರೆಡೇ ಎರಡು. ಕಡ್ಳೆಕಾಯಿ, ಸುಟ್ಟ ಮೆಕ್ಕಜೋಳ. ಇನ್ನೂ ಬೇಕಿದ್ದರೆ ತೋಟದ ಆಚೆ ಎಂಟಿಆರ್‌ ಇದ್ದೇ ಇದೆ.

ಹೂವು ಚೆಲುವೆಲ್ಲ ತಂದೆಂದಿತು... ಹೂವಿನ ಚೆಲುವೆ ಚೆಲುವು. ಅದಕ್ಕೇ ಕವಿ ಹೂವೂ ಚೆಲುವೆಲ್ಲ ತಂದೆಂದಿತು ಎಂದು ಹಾಡಿದ್ದು.... ವಿವಿಧ ಬಗೆಯ ಹೂವುಗಳನ್ನು ಸುಂದರವಾಗಿ ಜೋಡಿಸಿಟ್ಟರೆ ನೋಡಲು ಇನ್ನೂ ಚೆನ್ನ . ಪ್ರತಿವರ್ಷ ಸ್ವಾತಂತ್ರ್ಯ ದಿನಾಚರಣೆ ಹಾಗೂ ಗಣರಾಜ್ಯೋತ್ಸವ ಸಂದರ್ಭಗಳಲ್ಲಿ ಪುಷ್ಪ ಪ್ರಿಯರು ಲಾಲ್‌ಬಾಗ್‌ನಲ್ಲಿ ಸುಂದರವಾಗಿ ಜೋಡಿಸಿಟ್ಟ ಹೂ - ಹಣ್ಣುಗಳನ್ನು ನೋಡಬಹುದು.

ಈ ಬಾರಿ ಜನವರಿ 19ರಿಂದ ಲಾಲ್‌ಬಾಗ್‌ನಲ್ಲಿ ಪುಷ್ಪಪ್ರದರ್ಶನ ಆರಂಭ. ಪ್ರದರ್ಶನದಲ್ಲಿ ಹೂಗಳಷ್ಟೇ ಅಲ್ಲದೆ ಅನೇಕ ವಿಧದ ಹಣ್ಣು ಮತ್ತು ತರಕಾರಿಗಳ ಪ್ರದರ್ಶನ ಮತ್ತು ಮಾರಾಟ ವ್ಯವಸ್ಥೆಯೂ ಇರುತ್ತದೆ. ಉದ್ಯಾನ ಕಲಾ ವಿನ್ಯಾಸದಲ್ಲಿ ಬಳಸುವ ಅಮೃತ ಶಿಲೆ ವಿಗ್ರಹ, ಹೂಕುಂಡಗಳ ಪ್ರದರ್ಶನ, ಕೃತಕ ಬೆಳಕಿನಿಂದ ಗಿಡ ಬೆಳೆಸುವ ವಿಧಾನದ ಬೆಳಕಿನಂಗಳದ ತೋಟ, ಬಿಡಿ ಹೂಗಳು ಮತ್ತು ವಿಶೇಷ ಜಾತಿಯ ಎಲೆ ಗಿಡಗಳ ಆಕರ್ಷಕ ಜೋಡಣೆಯೂ ಇದೆ.

ಲಾಲ್‌ಬಾಗ್‌ ಸಸ್ಯ ತೋಟದ ನಡುವೆ ಇರುವ ಗಾಜಿನ ಮನೆಯಲ್ಲಿ ವಿವಿಧ ಆಕಾರ, ವಿನ್ಯಾಸಗಳಲ್ಲಿ ಜೋಡಿಸಲಾಗುತ್ತದೆ. ಮೈಸೂರು ಉದ್ಯಾನ ಕಲಾ ಸಂಘದ ಆಶ್ರಯದಲ್ಲಿ ಹಾಗೂ ತೋಟಗಾರಿಕೆ ಇಲಾಖೆ ಉಸ್ತುವಾರಿಯಲ್ಲಿ ನಡೆಯಲಿರುವ ಪ್ರದರ್ಶನ ಮತ್ತು ಸ್ಪರ್ಧೆಯಲ್ಲಿ ವ್ಯಕ್ತಿಗಳು ಹಾಗೂ ಸಂಘ - ಸಂಸ್ಥೆಗಳು ಪಾಲ್ಗೊಳ್ಳುತ್ತಿವೆ.

ಪ್ರದರ್ಶನ ವ್ಯಾಪಕವಾಗಿ ಜನಮನ ಗೆದ್ದಿರುವುದರಿಂದ ಪ್ರದರ್ಶನಕ್ಕೆ ಪ್ರವೇಶ ಶುಲ್ಕವಿರುತ್ತದೆ. ಈ ಸಂದರ್ಭದಲ್ಲಿ ಉದ್ಯಾನಕ್ಕೆ ಲಕ್ಷಾಂತರ ವೀಕ್ಷಕರು ಭೇಟಿ ನೀಡುತ್ತಾರೆ. ಪ್ರದರ್ಶನ ಸಂದರ್ಭದಲ್ಲಿ ಕುಡಿಯುವ ನೀರೂ ಸೇರಿದಂತೆ ಎಲ್ಲ ರೀತಿಯ ವಿಶೇಷ ವ್ಯವಸ್ಥೆಗಳನ್ನೂ ಮಾಡಲಾಗುತ್ತದೆ. ಶಾಲಾ ಮಕ್ಕಳಿಗೆ ಮಾತ್ರ ಜ.25ರಂದು ಅರ್ಧ ದಿನ ಉಚಿತ ಪ್ರವೇಶ.

ಪ್ರದರ್ಶನದಲ್ಲಿ ಹೆಬ್ಬೆಟ್ಟಿನ ಗಾತ್ರದ ಹೂವಿನಿಂದ ಹಿಡಿದು ಬಾಳೆ ಎಲೆ ಅಗಲದ ಹೂವುಗಳೂ ಇರುತ್ತವೆ. ವಿಶೇಷ ಜಾತಿಯ ಹೂಗಳಷ್ಟೇ ಅಲ್ಲದೆ ಅಪರೂಪದ , ಆಮದು ತಳಿಗಳು ಹಾಗೂ ಹೈಬ್ರಿಡ್‌ ತಳಿಗಳ ಕಾಯಿ, ಹಣ್ಣಗಳು ನೋಡುವುದಕ್ಕಷ್ಟೇ ಅಲ್ಲ ಕೊಂಡುಕೊಳ್ಳಲೂ ಲಭ್ಯ. ಈ ಹೂಗಳ ಜಾತ್ರೆಯಲ್ಲಿ ವರ್ಷಕ್ಕೊಮ್ಮೆ ತಿರುಗಾಡಬಹುದಾದ, ಬಹುಕಾಲ ನೆನಪನಲ್ಲುಳಿಯುವ ಈ ವಾರ್ಷಿಕ ಹಬ್ಬವನ್ನು ಮಿಸ್‌ ಮಾಡಿಕೊಂಡರೆ ಮತ್ತೊಂದು ಪ್ರದರ್ಶನದವರೆಗೆ ಕಾಯಬೇಕಾಗುತ್ತದೆ.

ಒಂದು ವಾರದ ಕಾಲ ಲಾಲ್‌ಬಾಗಿನ ಹಸಿರು ತೋಟದ ನಡುವೆ ನಲಿವ ಕೆಂಪು, ನೀಲಿ ಹೂವು ಗಾಜಿನ ಮನೆಯ ಅಂದವನ್ನು ಮತ್ತಷ್ಟು ವೃದ್ಧಿಸುತ್ತದೆ. ಬಿಡುವು ಮಾಡಿಕೊಂಡು ಒಂದು ರೌಂಡು ಹೋಗಿ ಬನ್ನಿ . ಮಡದಿ ಮಕ್ಕಳೊಂದಿಗೆ ಸುತ್ತಾಡಿ ಬರಲು ಇದು ಸುಂದರ ಪ್ರದೇಶ.

ವಾರ್ತಾ ಸಂಚಯ
ಮುಖಪುಟ / ನೋಡು ಬಾ ನಮ್ಮೂರ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more