ಅಜರ್- ಜಡೇಜ ದೂರವಾಣಿ ಕರೆಗಳ ಜಾಡು ಹಿಡಿದು...
*ಸುರೇಶ್ ಪರೇಖ್
ರಾಜ್ಕೋಟ್ : 1996ರಲ್ಲಿ ದಕ್ಷಿಣ ಆಫ್ರಿಕ ವಿರುದ್ಧದ ಒಂದು ದಿನದ ಪಂದ್ಯದ ಸಂದರ್ಭದಲ್ಲಿ ತಾವು ತಂಗಿದ್ದ ಸಿಲ್ವರ್ ಪ್ಯಾಲೇಸ್ ಹೊಟೇಲಿನಿಂದ ಅಜರ್ ಹಾಗೂ ಜಡೇಜ ಮಾಡಿದ್ದ ದೂರವಾಣಿ ಕರೆಗಳ ಪಟ್ಟಿಯಲ್ಲಿನ ಕೆಲ ಹೆಸರುಗಳ ಜಾಡು ಹಿಡಿದು ರಾಜ್ಕೋಟ್ ಪೊಲೀಸರು ಮುಂಬೈಗೆ ತೆರಳಲಿದ್ದಾರೆ.
ರಾಜ್ಕೋಟ್ ಪೊಲೀಸ್ ಕಮಿಷನರ್ ಸುಧೀರ್ ಸಿನ್ಹ ಗುರುವಾರ ಇಂಡಿಯಾ ಇನ್ಫೋಗೆ ಈ ವಿಷಯ ತಿಳಿಸಿದ್ದಾರೆ. ಅಜರ್ ಮಾಡಿರುವ ಕರೆಗಳಿಂದ 6 ಹೆಸರುಗಳು ಸಿಕ್ಕಿವೆ. ಜಡೇಜ ಕೂಡ ಕೆಲವು ಕರೆಗಳನ್ನು ಮಾಡಿದ್ದು, ಪ್ರಾಯಶಃ ಅವುಗಳು ತಮ್ಮ ನಿವಾಸಕ್ಕೆ ಮಾಡಿರುವಂತಹವು. ಸಿಬಿಐ ವರದಿಯ ಪ್ರಕಾರ 1996ರ ಆ ಪಂದ್ಯದಲ್ಲಿ ಕಳ್ಳಾಟ ನಡೆದಿದ್ದು, ರಾಜ್ಕೋಟ್ನ ಅಸಂಖ್ಯಾತ ಕ್ರಿಕೆಟ್ ಅಭಿಮಾನಿಗಳಿಗೆ ಮೋಸವಾಗಿದೆ. ಹಾಗಾಗಿ ಈ ಪ್ರಕರಣದ ತನಿಖೆಯಾಗಬೇಕೆಂದು ವಕೀಲ ಸಂಜಯ್ ವ್ಯಾಸ್ ಅರ್ಜಿ ಸಲ್ಲಿಸಿರುವುದರಿಂದ ನಾವು ಈ ಪ್ರಕರಣವನ್ನು ಕೈಗ್ತೆತಿಕೊಂಡಿದ್ದೇವೆ ಎಂದು ರಾಜ್ಕೋಟ್ ಪೊಲೀಸರು ತಿಳಿಸಿದ್ದಾರೆ.
ಸಿಬಿಐ ಸಲ್ಲಿಸಿರುವ ಕಳ್ಳಾಟದ ವರದಿಯ ಪ್ರತಿಯನ್ನೂ ನಾವು ಕೇಳಿದ್ದು, ಈವರೆಗೆ ಸಿಬಿಐನಿಂದ ಯಾವುದೇ ಉತ್ತರ ಸಿಕ್ಕಿಲ್ಲ. ಕೇಂದ್ರ ಸರ್ಕಾರಕ್ಕೆ ನಮ್ಮ ತನಿಖೆ ಬಗ್ಗೆ ಸಿಬಿಐ ತಿಳಿಸಿದ್ದು, ನಮಗೆ ವರದಿಯ ಪ್ರತಿ ಒದಗಿಸಲು ಅನುಮತಿಗಾಗಿ ಕಾಯುತ್ತಿದೆ. ನಮ್ಮ ತನಿಖೆ ಸುಗಮವಾಗಬೇಕಿದ್ದಲ್ಲಿ ಆ ವರದಿ ಅತಿ ಮುಖ್ಯ ಎಂದು ಸಿನ್ಹ ಹೇಳಿದರು.
(ಇನ್ಫೋ ವಾರ್ತೆ)