ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಹೊಸ ಸಂಬಂಧಗಳಿಗೆ ಹಾತೊರೆಯುತ್ತಿದ್ದೀರಿ. ವಾತಾವರಣವೂ ನಿಮಗೆ ಅನುಕೂಲಕರವಾಗಿಯೇ ಇದೆ. ಆದರೆ, ಈ ಮೊದಲು ಅವರೊಂದಿಗಿನ ನಿಮ್ಮ ನಡವಳಿಕೆಗಳ ಬಗ್ಗೆ ವಿಮರ್ಶಿಸಿಕೊಳ್ಳುವುದು ಅತ್ಯವಶ್ಯ.

ವೃಷಭ : ಅಧ್ಯಾತ್ಮಿಕ ಬದುಕಿನ ಬಗ್ಗೆ ಹೆಚ್ಚು ಯೋಚಿಸುತ್ತೀರಿ. ಇಷ್ಟಕ್ಕೂ ನಿಮ್ಮ ಸುತ್ತಲಿನ ಹವಾ ಇರುವುದೇ ಹಾಗೆ. ಆದರೆ, ನಿಮ್ಮದು ಅಭಾವ ವೈರಾಗ್ಯ. ಬಂಧು ಮಿತ್ರರ ಆಗಮನ ಮತ್ತೆ ಚೈತನ್ಯ ತುಂಬುತ್ತದೆ.

ಮಿಥುನ : ಯಶಸ್ಸು ನಿಮ್ಮ ಕೈಯ್ಯಲ್ಲೇ ಇದೆ. ಕಳೆದದ್ದರ ಬಗ್ಗೆ ಕೊರಗುವುದು ವ್ಯರ್ಥ ಅನ್ನುವುದು ನಿಮಗೂ ಗೊತ್ತು . ಹೊಸ ಸವಾಲುಗಳು ಎದುರಿಗಿರುವಾಗ ನೀವು ಗಟ್ಟಿಯಾಗುವುದು ಅವಶ್ಯ. ಬೆಳಕಿನ ಬಗ್ಗೆ ಭರವಸೆಯಿರಲಿ.

ಕಟಕ : ಅವರು ಮಾಡುವ ತಪ್ಪನ್ನು ಎತ್ತಿ ತೋರಿಸುತ್ತಿದ್ದೀರಿ. ಪ್ರೇಮ ಕಲಹಕ್ಕೆ ಕಾರಣ ಇದುವೇನೆ. ಅವರ ಸ್ಥಾನದಲ್ಲಿ ನಿಮ್ಮನ್ನೇ ಒಮ್ಮೆ ಕಲ್ಪಿಸಿಕೊಂಡು ನೋಡಿ. ಈ ಜಗಳಗಳೆಲ್ಲಾ ಎಷ್ಟು ಪೊಳ್ಳೆನ್ನುವುದು ಅರ್ಥವಾಗುತ್ತೆ.

ಸಿಂಹ : ಹೊಸ ಬೌದ್ಧಿಕ ಚಟುವಟಿಕೆಗಳನ್ನು ಆರಂಭಿಸಲಿದು ಸಕಾಲ. ಆದರೆ, ಒಮ್ಮೆಗೇ ಪಥ ಬದಲಾವಣೆ ಬೇಡ. ಹಳೆಯ ವ್ಯಾಜ್ಯವೊಂದರಲ್ಲಿ ಜಯ ಕಾಣಲಿದ್ದೀರಿ.

ಕನ್ಯಾ : ಹೊಸತನ್ನು ಕಲಿಯುವ ನಿಮ್ಮ ಮನೋಭಾವಕ್ಕೆ ಕಚೇರಿಯಲ್ಲಿ ಅವಕಾಶವೊಂದು ಕಾಯುತ್ತಿದೆ. ಇದರಿಂದಾಗಿ ಭವಿಷ್ಯಕ್ಕೂ ಅನುಕೂಲವಾದೀತು. ವಿದೇಶ ಯೋಗವೂ ಸಾಧ್ಯವಾದೀತು.

ತುಲಾ : ಖಾಸಗಿ ಸಂಬಂಧಗಳನ್ನು ಕಾಯ್ದುಕೊಳ್ಳಲು ಹೆಚ್ಚಿನ ಎಚ್ಚರಿಕೆ ವಹಿಸಿ. ಮನೆ ಮುರುಕರು ಪಕ್ಕದಲ್ಲಿಯೇ ಇದ್ದಾರು. ಧನಾತ್ಮಕವಾಗಿ ಯೋಚಿಸುವ ಮೂಲಕ ನಿಮ್ಮನ್ನು ಕ್ರಿಯಾಶೀಲವಾಗಿರಿಸಿಕೊಳ್ಳಿ.

ವೃಶ್ಚಿಕ : ಅತಿಯಾದ ಸ್ವಾರ್ಥ ಹಾಗೂ ಹೊಯ್ದಾಟಗಳು ನಿಮ್ಮನ್ನು ಸದಾ ಅಸಂತುಷ್ಟಿಯಲ್ಲಿಡುತ್ತೆ . ಈ ದಿನ ನಿಮ್ಮ ನಾಲಗೆ ಚಪಲಕ್ಕೆ ಸೊಗಸಾದ ಅವಕಾಶವೊಂದು ಕಾದಿದೆ.

ಧನಸ್ಸು : ಆರೋಗ್ಯ ಏರುಪೇರಾಗಲು ಗ್ರಹಗತಿಗಳು ಕಾರಣವಲ್ಲ . ಹವೆಯಲ್ಲಾದ ಏರುಪೇರಿಗೆ ಆಸ್ಪತ್ರೆಗೆ ಹೋಗುವುದೇ ಒಳ್ಳೆಯದು. ಕುಟುಂಬದಲ್ಲಿ ನೆಮ್ಮದಿ ಕಾಣುತ್ತೀರಿ.

ಮಕರ : ಧನಲಾಭ, ಸೃಜನಾತ್ಮಕ ಚಟುವಟಿಕೆಗಳಲ್ಲಿ ಪ್ರಗತಿ. ಇಷ್ಟಿದ್ದೂ ಈ ದಿನ ನೀವು ಅಶಾಂತಿಯಿಂದ ಕುದ್ದರೆ ಅದಕ್ಕೆ ನಿಮ್ಮ ತಿಕ್ಕಲುತನವಲ್ಲದೆ ಮತ್ತೇನೂ ಕಾರಣವಾಗದು.

ಕುಂಭ : ಎಲ್ಲವೂ ಹಿತಕರವಾಗಿಯೇ ಸಾಗುತ್ತದೆ. ಗೆಳೆಯರ ಸುತ್ತಿನಲ್ಲಿ ನೀವೇ ಕೇಂದ್ರ ಬಿಂದು. ತೀರಾ ವ್ಯವಹಾರಿಕತೆಯಿಂದ ವರ್ತಿಸಿದರೆ ಗೆಳೆಯರಿಂದ ಲೇವಡಿಗೊಳಗಾಗುತ್ತೀರಿ.

ಮೀನ : ಈ ದಿನ ಖುಷಿಯ ಲಹರಿಯಲ್ಲಿದ್ದೀರಿ. ಆದರೆ, ಇದು ಅಕಾರಣವಾದದ್ದೇನೊ ಅನ್ನುವ ಗೊಂದಲ ನಿಮ್ಮಲ್ಲಿ ಮೂಡಿ ಬಂದರೆ, ಒಮ್ಮೆ ಆತ್ಮಾವಲೋಕನ ಮಾಡಿಕೊಳ್ಳಲು ಹಿಂಜರಿಯಬೇಡಿ.