• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

21 ನೇ ಶತಮಾನವೆಂದರೆ.. ಮನ- ಮನೋಗುರಿ ನಡುವಣ ಯುದ್ಧ

By Staff
|

ಮಣಿಪಾಲ : ಇಪ್ಪತ್ತೊಂದನೇ ಶತಮಾನದಲ್ಲಿ ಮನಸ್ಸು ಹಾಗೂ ಮನೋಗುರಿಯ ನಡುವೆ ನೈಜ ಯುದ್ಧ ನಡೆಯಲಿದೆ ಎಂದು ವೈಜ್ಞಾನಿಕ ಹಾಗೂ ಕೈಗಾರಿಕಾ ಸಂಶೋಧನಾ ಸಮಿತಿಯ ಪ್ರಧಾನ ನಿರ್ದೇಶಕ ಡಾ.ಆರ್‌. ಎ. ಮಶೇಲ್ಕರ್‌ ಬುಧವಾರ ಹೇಳಿದ್ದಾರೆ.

ಟಿ.ಎ.ಪೈ ಅವರ 18ನೇ ವರ್ಷದ ಸ್ಮರಣಾರ್ಥ ಉಪನ್ಯಾಸ ಕಾರ್ಯಕ್ರಮದಲ್ಲಿ ‘ಬೌದ್ಧಿಕ ಸಂಪತ್ತು- ಅಭಿವೃದ್ಧಿ ಹೊಂದುತ್ತಿರುವ ದೇಶದ ಭವಿತವ್ಯ’ ಎಂಬ ವಿಷಯ ಕುರಿತು ಅವರು ಮಾತನಾಡುತ್ತಿದ್ದರು. ಟಿ.ಎ.ಪೈ ಸ್ಮರಣ ಸಮಿತಿ ಹಾಗೂ ಟಿ.ಎ.ಪೈ ಮೇನೇಜ್‌ಮೆಂಟ್‌ ಇನ್‌ಸ್ಟಿಟ್ಯೂಟ್‌ ಆಯೋಜಿಸಿದ್ದ ಈ ಕಾರ್ಯಕ್ರಮದಲ್ಲಿ , ಭಾರತೀಯನ ಜೀನ್‌ಗಳಲ್ಲಿ ಅದ್ಭುತ ಶಕ್ತಿ ಇದೆ. ವೈಜ್ಞಾನಿಕವಾಗಿ ಆಲೋಚಿಸುವ, ತಾಂತ್ರಿಕವಾಗಿ ಮುಂದುವರಿಯುವ ಬೌದ್ಧಿಕ ತಾಕತ್ತು ನಮ್ಮ ಮಂದಿಯಲ್ಲಿದೆ. ಮುಂದೆ ನಮ್ಮ ದೇಶ ನಿರೀಕ್ಷೆಗೂ ಮೀರಿ ಮುಂದುವರೆಯಲು ಇದು ಧನಾತ್ಮಕ ಅಂಶವೂ ಹೌದು ಎಂದು ಮಶೇಲ್ಕರ್‌ ಅಭಿಪ್ರಾಯ ಪಟ್ಟರು.

ನಮ್ಮಲ್ಲಿ ಸಾಂಪ್ರದಾಯಿಕ ಜ್ಞಾನಕ್ಕೆ ಕೊರತೆಯಿಲ್ಲ. ಆದರೆ ಅದನ್ನು ನಿರ್ದಿಷ್ಟ ರೀತಿಯಲ್ಲಿ ಭಟ್ಟಿ ಇಳಿಸುವಂಥ ಹೊಸ ಆಲೋಚನೆ ಬೆಳೆಯಬೇಕಿದೆ. ಹೀಗಾದಲ್ಲಿ ಮಿದುಳಿನಲ್ಲಿ ಹುದುಗಿರುವ ಜ್ಞಾನದ ತಿರುಳನ್ನು ಜನೋಪಯೋಗಿ ಅಸ್ತ್ರವಾಗಿ ಬಳಸಿಕೊಳ್ಳಲು ಸಾಧ್ಯ ಎಂಬ ಸಂದೇಶ ಕೊಟ್ಟರು.

ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಇಲಾಖೆಯ ಕಾರ್ಯದರ್ಶಿಯೂ ಆಗಿರುವ ಡಾ. ಮಶೇಲ್ಕರ್‌, ನಮ್ಮ ಹೊಸತನಗಳನ್ನು ರಾಷ್ಟ್ರೀಯ ದಾಖಲೆಗೆ ಸೇರಿಸಿ ಸಂರಕ್ಷಿಸಬೇಕು. ಹೀಗೆ ಮಾಡಿದಲ್ಲಿ ನಮ್ಮ ಬೌದ್ಧಿಕ ಹಕ್ಕುಗಳು ಹಾಗೂ ಪೇಟೆಂಟ್‌ಗೆ ಭದ್ರತೆ ದೊರೆಯುತ್ತದೆ. ಭಾರತೀಯ ಸಾಂಪ್ರದಾಯಿಕ ವೈದ್ಯಕೀಯ ಪದ್ಧತಿಗಳನ್ನೂ ಡಿಜಿಟಲ್‌ ಗ್ರಂಥಾಲಯಗಳಲ್ಲಿ ಕಾಪಿಡಬೇಕು. ನಮ್ಮ ಸಾಂಪ್ರದಾಯಿಕ ವೈದ್ಯಕೀಯ ಪದ್ಧತಿಗಳ ಗೌಪ್ಯ ಹೊರಗೆಡವಿ ಈಗಾಗಲೇ 102ಕ್ಕೂ ಹೆಚ್ಚು ಪದ್ಧತಿಗಳನ್ನು ಕಳಕೊಂಡಿದ್ದೇವೆ. 1990ರಲ್ಲಿ ಯಾವ ಪೇಟೆಂಟ್‌ ಕೂಡ ಹೊಂದಿರದ ನಾವು ಪ್ರಸ್ತುತ 100 ಪೇಟೆಂಟ್‌ಗಳನ್ನು ಹೊಂದಿದ್ದೇವೆ. ಇದೊಂದೇ ಸಮಾಧಾನಕರ ಎಂದರು.

ಅರಿಶಿನ, ಬಾಸುಮತಿ ಹಾಗೂ ಬೇವಿನ ಪೇಟೆಂಟ್‌ ಕುರಿತಂತೆ ಭಾರತ ಎತ್ತುತ್ತಿರುವ ಸೊಲ್ಲು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಇತರ ದೇಶಗಳನ್ನ ಬಡಿದೆಬ್ಬಿಸಿದೆ. ತಮ್ಮ ಸಾಂಪ್ರದಾಯಿಕ ಪದ್ಧತಿಗಳ ಪೇಟೆಂಟ್‌ ಕುರಿತು ಯೋಚನೆಗೆ ಹಚ್ಚಿದೆ ಎಂದು ಮಶೇಲ್ಕರ್‌ ಹೇಳಿದರು.

(ಯುಎನ್‌ಐ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more