ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಅದುಮಿಟ್ಟಿಕೊಂಡಿರುವ ವಿಷಯ ಮನದಲ್ಲಿ ಗುನುಗುನಿಸಿ, ಏನೂ ಮಾಡಗೊಡುತ್ತಿಲ್ಲ. ಸಾಕು, ಯಾರೊಬ್ಬರನ್ನಾದರೂ ನಂಬಿ ಹೇಳಿಬಿಡಿ.

ವೃಷಭ : ಲಾಟರಿ ಹೊಡೆಯುವ ಛಾನ್ಸಿದೆ. ಅದರ ಬೆನ್ನಲ್ಲೇ ಒಂದು ಕೆಟ್ಟ ಸುದ್ದಿಯೂ ಕೇಳಿಬರುವ ಅಪಾಯ. ಹಾಗಂತ ತಲೆಕೆಡಿಸಿಕೊಳ್ಳಬೇಕಿಲ್ಲ. ಥಿಂಕ್‌ ಎ ವೈಲ್‌ ಬಿಫೋರ್‌ ಟೇಕಿಂಗ್‌ ಎ ಡಿಸಿಷನ್‌.

ಮಿಥುನ : ಅತ್ತದ್ದು ಸಾಕು. ಸದ್ಯಕ್ಕೆ ಬತ್ತಿರೋದು ಕಣ್ಣಷ್ಟೇ. ಜೀವನಕ್ಕೂ ಅದೇ ಗತಿ ತರಬೇಡಿ. ಮೇಲೇಳಿ. ನೆಮ್ಮದಿಯ ನಾಳೆ ನಿಮ್ಮದಾಗಲಿದೆ.

ಕಟಕ : ಎದೆಯ ಕಸವನು ಗುಡಿಸಿ, ರಂಗವಲ್ಲಿಯನಿರಿಸುವ ಆ ಜೀವ ಗೇಣಷ್ಟೇ ದೂರ. ಜಡ ತಂದಿರುವ ಜಂಜಡ ತೊಳೆಯಲು ಜಳಕಿಸುವ ಆ ಜೀವವನ್ನು ತುಂಬು ಮನಸ್ಸಿಂದ ಬರಮಾಡಿಕೊಳ್ಳಿ.

ಸಿಂಹ : ಕಂಪ್ಯೂಟರ್‌ ಕೀಲಿಗಳ ನಡುವೆ ಕಳೆದು ಹೋಗುವ ನೀವು ಆಪ್ತರಿಗೆ ಮಾಡಿರುವ ಪ್ರಾಮಿಸ್‌ ಮರೆತುಹೋಗುವ ಸಂಭವ ಇದೆ. ಒಂದು ಚೀಟಿಯಲ್ಲಿ ಬರೆದಿಟ್ಟುಕೊಳ್ಳಿ.

ಕನ್ಯಾ : ಕಲಿತ ಲಲಿತ ಕಲೆಯಿಂದ ನಿಮಗೆ ಸಾರ್ಥಕ್ಯಭಾವ. ಬಹು ದಿನಗಳ ತಾಲೀಮು ನೀವು ಅಂದುಕೊಂಡಿರುವವರನ್ನು ಮೆಚ್ಚಿಸಲಿದೆ. ಕೀಪ್‌ ಇಟ್‌ ಅಪ್‌.

ತುಲಾ : ಷೇರುಗಳ ತಲೆನೋವಲ್ಲಿ ಮುಖ್ಯವಾದ ಬಿಜಿನೆಸ್ಸನ್ನೇ ಮರೆತಿರುವಿರಿ. ಒಂದು ದಿನದ ಮಟ್ಟಿಗಾದರೂ ಷೇರುಗಳನ್ನು ಒತ್ತಟ್ಟಿಗಿರಿಸಿ, ಹರಿದು ಬರೋ ಲಕ್ಷ್ಮಿಯನ್ನು ಮನೆತುಂಬಿಸಿಕೊಳ್ಳಿ.

ವೃಶ್ಚಿಕ : ಕೂದಲೆಳೆಯಷ್ಟೇ ಅಂತರದಲ್ಲಿ ನಿಮಗಿಂದು ಸೋಲು. ಅದು ಯಾವ ಕ್ಷೇತ್ರದಲ್ಲಾದರೂ ಆಗಿರಬಹುದು. ಮನೆಯಲ್ಲಿಷ್ಟು ನೆಮ್ಮದಿ ಸಿಗಲಿದ್ದು, ಅದು ಎಲ್ಲವನ್ನೂ ಮರೆಸಲಿದೆ.

ಧನಸ್ಸು : ಅಭ್ಯಾಗತರ ಆಗಮನ. ನಿಮ್ಮ ಪ್ರೋಗ್ರಾಂ ಟುಸ್ಸು. ಇರೋದರಲ್ಲೇ ಖುಷಿ ಕಂಡುಕೊಳ್ಳಿ ಅಂತ ಹೇಳೋದು ಬಿಟ್ಟರೆ, ನಿಮ್ಮ ವಿಷಯದಲ್ಲಿ ನಮಗೆ ಬೇರೇನೂ ತೋಚುತ್ತಿಲ್ಲ.

ಮಕರ : ಮತ್ತದೇ ಬೇಸರ, ಅದೇ ಸಂಜೆ, ಅದೇ ಏಕಾಂತ. ಮನಸ್ಸಲ್ಲಿ ಹೊಯ್ದಾಡುತ್ತಿರುವ ಸಾಲುಗಳನ್ನು ಕವನವಾಗಿಸಿ. ಬಹುದಿನಗಳ ತುಮುಲ ತೀರೀತು.

ಕುಂಭ : ಬಿಸಿ ತುಪ್ಪ ಬಾಯಲ್ಲಿ. ಸ್ವಲ್ಪ ಏಮಾರಿದ್ದಕ್ಕೆ ದೊಡ್ಡ ದಂಡವನ್ನೇ ತೆರುತ್ತಿರುವಿರಿ. ಸ್ವಲ್ಪ ತಾಳೆ ಹಾಕಿ, ನಿಮ್ಮ ಕಾರ್ಯತಂತ್ರ ಬದಲಿಸಿ. ಪರಿಸ್ಥಿತಿ ತಿಳಿಯಾಗುತ್ತೆ.

ಮೀನ : ಗಂಟಲಲ್ಲಿ ಸಿಕ್ಕಿರುವ ಗುಕ್ಕು ಸರಾಗ ಒಳ ಹರಿಯಲಿದೆ. ಇಷ್ಟು ದಿನ ನೀವು ಹೇಳಲು ಚಡಪಡಿಸುತ್ತಿರುವುದನ್ನು ಇವತ್ತು ಭಂಡ ಧೈರ್ಯ ಮಾಡಿ ಹೇಳಿಬಿಡುತ್ತೀರಿ.