ತಿಮ್ಮಂಡಳ್ಳಿಯಲ್ಲಿ ಗಣಪತಿ, ಅನ್ನಪೂಣೇಶ್ವರಿ ಪ್ರತಿಷ್ಠಾಪನೋತ್ಸವ

ವರ್ತೂರು : ಬೆಂಗಳೂರು ಗ್ರಾಮಾಂತರ ಜಿಲ್ಲೆ , ಮುತ್ಸಂದ್ರ ಅಂಚೆ ಕಚೇರಿ ವ್ಯಾಪ್ತಿಯ ತಿಮ್ಮಂಡಹಳ್ಳಿಯಲ್ಲಿ (ದೇವನಾಡು) ಜ.26ರಿಂದ ಮೂರು ದಿನಗಳ ಕಾಲ ವರ ಮಹಾಗಣಪತಿ, ಮಾತಾ ಅನ್ನಪೂರ್ಣೇಶ್ವರಿ ಹಾಗೂ ಆಂಜನೇಯಸ್ವಾಮಿಯ 11ನೇ ವಾರ್ಷಿಕೋತ್ಸವ ಜರುಗಲಿದೆ.

ಪ್ರತಿಷ್ಠಾಪನೋತ್ಸವದ ಅಂಗವಾಗಿ ಕೂಡ್ಲಿ ಶೃಂಗೇರಿ ಸಂಸ್ಥಾನಾಧೀಶ್ವರರಾದ ಶ್ರೀ ವಿದ್ಯಾಭಿನವ ವಿದ್ಯಾರಣ್ಯ ಭಾರತಿ ಸ್ವಾಮಿಗಳು ಹಾಗೂ ದತ್ತಪೀಠ, ಮುದವಾಡಿಯ ಶ್ರೀ ವಿರಾಜಾನಂದ ಸ್ವಾಮಿಗಳ ಸಾನ್ನಿಧ್ಯದಲ್ಲಿ ಮೋದಕ ಹೋಮ, ಚಂಡಿಹೋಮ, ಗಿರಿಜಾ ಕಲ್ಯಾಣ, ಲಲಿತಾ ಸಹಸ್ರನಾಮ ಮೊದಲಾದ ಧಾರ್ಮಿಕ ಕಾರ್ಯಕ್ರಮಗಳು ಜರುಗಲಿವೆ.

ಸ್ವಾಮಿಗಳಿಂದ ಪ್ರವಚನ, ತ್ರಿವೇಣಿ ಸಂಘದವರಿಂದ ಸೌಂದರ್ಯ ಲಹರಿ ಹಾಗೂ ಅನ್ನ ಸಂತರ್ಪಣೆಯನ್ನೂ ಏರ್ಪಡಿಸಲಾಗಿದೆ ಎಂದು ವರಮಹಾಗಣಪತಿ ಸೇವಾ ಸಮಿತಿಯ ಪ್ರಕಟಣೆ ತಿಳಿಸಿದೆ. ಬೆಂಗಳೂರಿನ ಕೃಷ್ಣರಾಜ ಮಾರುಕಟ್ಟೆಯಿಂದ - ಹಾರೋಹಳ್ಳಿ ಮಾರ್ಗವಾಗಿ ಬಸ್‌ ಸೌಲಭ್ಯ ಇದೆ. ಮಾರ್ಗ ಸಂಖ್ಯೆ 325.