• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಶಬರಿಮಲೆ : ಲಕ್ಷಾಂತರ ಭಕ್ತರಿಂದ ಮಕರ ಜ್ಯೋತಿ ದರ್ಶನ

By Staff
|

ಶಬರಿಮಲೆ : ಮಕರ ಸಂಕ್ರಮಣದ ಪವಿತ್ರದಿನವಾದ ಭಾನುವಾರ ಕುಂಭಮೇಳದಲ್ಲಿ 50 ಲಕ್ಷಕ್ಕೂ ಹೆಚ್ಚು ಭಕ್ತಾದಿಗಳು ಪವಿತ್ರ ಗಂಗಾಸ್ನಾನ ಮಾಡಿದರೆ, ಇತ್ತ ದಕ್ಷಿಣದ ಪವಿತ್ರ ಕ್ಷೇತ್ರ ಶಬರಿಮಲೆಯ ಅಯ್ಯಪ್ಪನ್ನ ಸನ್ನಿಧಿಯಲ್ಲಿ ಲಕ್ಷಾಂತರ ಭಕ್ತಾದಿಗಳು ಮಕರ ಜ್ಯೋತಿಯ ದರ್ಶನ ಮಾಡಿದರು.

ಪೊನ್ನಂಬಲಮೇಡು ಬೆಟ್ಟಗಳ ಮಧ್ಯೆ ದಿಗಂತದಲ್ಲಿ ಸಂಜೆ ಸೂರ್ಯಾಸ್ತವಾದ ಬಳಿಕ ಪ್ರಕಟಗೊಂಡ ಪವಿತ್ರ ಜ್ಯೋತಿಯನ್ನು ದರ್ಶಿಸಿದ, ಭಕ್ತಾದಿಗಳು ಸ್ವಾಮಿಯೇ ಶರಣಂ ಅಯ್ಯಪ್ಪ ಎಂದು ಕೂಗುತ್ತಾ, ಭಕ್ತಿ ಪರವಶರಾಗಿ ಎರಡೂ ಕೈಗಳನ್ನು ಮೇಲೆತ್ತಿ, ಕೈ ಮುಗಿದು ನರ್ತಿಸಿದರು. ಜ್ಯೋತಿ ದರ್ಶನದಿಂದ ತಮ್ಮ ಬಾಳು ಕೃತಾರ್ಥವಾಯಿತೆಂಬ ಭಾವ ಎಲ್ಲರ ಮುಖದಲ್ಲೂ ಪ್ರಕಟಗೊಂಡಿತ್ತು.

ನವೆಂಬರ್‌ ತಿಂಗಳಿನಿಂದಲೇ ಸ್ವಾಮಿಯ ದರ್ಶನಕ್ಕೆ ತಂಡೋಪತಂಡವಾಗಿ ಜನರು ಬರುತ್ತಿದ್ದರಾದರೂ, ಮಕರ ಸಂಕ್ರಮಣದ ದಿನವಾದ ಭಾನುವಾರ ಶಬರಿಗಿರಿಯಲ್ಲಿ ಕಾಲಿಡಲೂ ಸ್ಥಳವಿಲ್ಲದಷ್ಟು ಭಕ್ತರು ನೆರೆದಿದ್ದರು. ದೇವಸ್ಥಾನದ ಅಧಿಕಾರಿಗಳ ರೀತ್ಯ ಭಾನುವಾರ 3 ಲಕ್ಷಕ್ಕೂ ಹೆಚ್ಚು ಜನರು ಗಿರಿಗೆ ಆಗಮಿಸಿದ್ದರು.

ಮಕರ ಸಂಕ್ರಮಣದ ದಿನ ಪವಿತ್ರ ಪಂಪಾ ನದಿಯಲ್ಲಿ ಮಿಂದು ಭಕ್ತರು ಜ್ಯೋತಿಯ ದರ್ಶನ ಮಾಡಿದರು. ಲಕ್ಷಾಂತರ ಸಂಖ್ಯೆಯಲ್ಲಿ ಆಗಮಿಸಿದ್ದ ಭಕ್ತರನ್ನು ನಿಯಂತ್ರಿಸಲು, ತಿರುವಾಂಕೂರು ದೇವಸ್ವಂ ಮಂಡಳಿ, ದೇವಸ್ಥಾನದ ಸಮಿತಿ, ಪೊಲೀಸರು ವಿಶೇಷ ಬಿಗಿ ಬಂದೋಬಸ್ತ್‌ ಮಾಡಿದ್ದರು.

ಕಳೆದ ವರ್ಷ ಜ್ಯೋತಿಯ ದರ್ಶನ ಸಂದರ್ಭದಲ್ಲಿ ಉಂಟಾಗಿದ್ದ ಅಪಘಾತಗಳ ಹಿನ್ನೆಲೆಯಲ್ಲಿ ಈ ಬಾರಿ ಭಾರಿ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲಾಗಿತ್ತು. ಇದೇ ತಿಂಗಳ 20ರಂದು ಅಯ್ಯಪ್ಪನ ದೇವಾಲಯದ ಬಾಗಿಲನ್ನು ಮುಚ್ಚಲಾಗುತ್ತದೆ.

ಕುಂಭ ಸ್ನಾನ : ಅಲಹಾಬಾದ್‌ನ ತ್ರಿವೇಣಿ ಸಂಗಮದಲ್ಲಿ ತ್ರಿಶೂಲ, ಖಡ್ಗ ಹಿಡಿದ ಸಾವಿರಾರು ಸಂತರು, ಸಾಧುಗಳು, ವಿದೇಶೀಯರು, ಲಕ್ಷಾಂತರ ಮಂದಿ ಭಕ್ತಾಧಿಗಳು ಪವಿತ್ರ ಸ್ನಾನ ಮಾಡಿದರು. 12 ವರ್ಷಗಳಿಗೊಮ್ಮೆ ಬರುವ ಮಹಾ ಕುಂಭ ಮೇಳದಲ್ಲಿ ಸ್ನಾನ ಮಾಡಿ ತಮ್ಮ ಜೀವನವನ್ನು ಸಾರ್ಥಕ ಪಡಿಸಿಕೊಳ್ಳಲು ದೇಶದ ಮೂಲೆ ಮೂಲೆಗಳಿಂದ ಭಕ್ತಾದಿಗಳು ಆಗಮಿಸಿದ್ದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more