ಭಾರತದ ಐಟಿ ಪರಿಣತರ ಸಾಧನೆಗೆ ಅಮರ್ತ್ಯ ಸೇನ್‌ ಶ್ಲಾಘನೆ

ಸಾಂತ ಕ್ಲಾರಾ : ‘ಅರ್ಥ ಶಾಸ್ತ್ರದ ಪ್ರಜ್ಞೆ’ ಎಂದೇ ಗುರುತಿಸಿಕೊಂಡಿರುವ ನೋಬೆಲ್‌ ಪ್ರಶಸ್ತಿ ವಿಜೇತ ಅಮರ್ತ್ಯ ಸೇನ್‌ ಹೈಟೆಕ್‌ ಸಿಲಿಕಾನ್‌ ವ್ಯಾಲಿಯ ಸಾಧನೆಗಾಗಿ ಭಾರತೀಯ ತಂತ್ರಜ್ಞರನ್ನು ಅಭಿನಂದಿಸಿದ್ದಾರೆ.

ಅವರು ಅಮೆರಿಕಾದಲ್ಲಿ ಭಾರತ ಮತ್ತು ಅಮೆರಿಕಾ ಉದ್ಯಮಿಗಳ ಮಾಸಿಕ ಸಭೆಯಲ್ಲಿ , ‘ ಭಾರತದ ಹೆಮ್ಮೆಯ ಹೊಸ ಜಗತ್ತಿನಲ್ಲಿ ಪ್ರಜ್ಞಾವಂತರು’ ಎಂಬ ವಿಷಯದ ಬಗ್ಗೆ ಮಾತನಾಡುತ್ತಿದ್ದರು. ಈ ಸಂದರ್ಭದಲ್ಲಿ ಅವರು ಅವೈದಿಕ ಸಂಪ್ರದಾಯವನ್ನು ಪ್ರಶ್ನಿಸುವ ಭಾರತೀಯರ ಮನೋಭಾವದ ಬಗ್ಗೆ ವಿವರಿಸುತ್ತಾ , ವಿಜ್ಞಾನ, ಜೋತಿಷ್ಯ ಮತ್ತು ಗಣಿತದಲ್ಲಿ ಆಗಿರುವ ಅಭಿವೃದ್ಧಿಯನ್ನು ಉದಾಹರಿಸಿದರು.

ನಾನು ಭಾರತದ ಹೆಮ್ಮೆಯ ಪ್ರಜೆ ಮತ್ತು ಭಾರತೀಯ ಪೌರತ್ವವನ್ನು ಬಿಟ್ಟುಕೊಡುವ ಪ್ರಶ್ನೆಯೇ ಇಲ್ಲ ಎಂದು ಹೇಳಿದ ಸೇನ್‌ ಭಾರತದಲ್ಲಿನ ಧರ್ಮ ಸಹಿಷ್ಣುತೆಯ ಬಗ್ಗೆ ತಮ್ಮ ವಿಷಾದ ವ್ಯಕ್ತಪಡಿಸಿದರು. ಅರ್ಥ ಶಾಸ್ತ್ರ ಜ್ಞರು, ಭಾರತೀಯರು ತಮ್ಮ ಸಹವರ್ತಿಗಳೊಂದಿಗೆ ಸಹಿಷ್ಣುತೆಯಿಂದಿರುವುದಿಲ್ಲ ಎಂಬ ಬಗ್ಗೆ ವಿಷಾದ ವ್ಯಕ್ತಪಡಿಸುತ್ತಾರೆ. ಧಾರ್ಮಿಕ ಗುಂಪಿನಲ್ಲಿರುವ ವಂಚಕ ಮುಖಂಡರಿಂದಾಗಿ ದೇಶದಲ್ಲಿ ಅಸಹಿಷ್ಣುತೆಯ ವಾತಾವರಣ ಹುಟ್ಟಿಕೊಳ್ಳುತ್ತದೆ, ಇದು ದುರಂತ ಎಂದು ಸೇನ್‌ ಹೇಳಿದರು.

(ಐಎಎನ್‌ಎಸ್‌)