• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸದ್ದು ! ಅಧಿಕಾರಿಗಳು ಫ್ಯಾಷನ್‌ ಟಿವಿ ಅಧ್ಯಯನ ಮಾಡುತ್ತಿದ್ದಾರೆ!

By Staff
|

ನವದೆಹಲಿ : ಕೇಂದ್ರ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವಾಲಯದ ಅಧಿಕಾರಿಗಳು ಈಗೇನು ಮಾಡುತ್ತಿದ್ದಾರೆ? ಪ್ರಶ್ನೆಗೆ ಉತ್ತರಿಸುವಷ್ಟು ಪುರುಸೊತ್ತು ಸಚಿವಾಲಯದ ಕಚೇರಿಯಲ್ಲಿ ಯಾರಿಗೂ ಇಲ್ಲ . ಎಲ್ಲರೂ ಫ್ಯಾಷನ್‌ ಟಿವಿ (ಎಫ್‌ಟಿವಿ) ಕಾರ್ಯಕ್ರಮಗಳನ್ನು ನೋಡುವುದರಲ್ಲಿ ಬಿಜಿ.

ನೀವು ಸಚಿವಾಲಯದ ಕಚೇರಿಗೆ ಹೊದರೆ, ಎಫ್‌ಟಿವಿ ನೋಡುತ್ತಿರುವ ಅಧಿಕಾರಿಗಳೊಂದಿಗೆ ಕೆಲವೊಮ್ಮೆ ಸಂಸದರನ್ನೂ ಕಾಣಬಹುದು. ಇವರೆಲ್ಲರಿಗೆ ಎಫ್‌ಟಿವಿ ನೋಡುವ ಕೆಲಸವನ್ನು ಹಚ್ಚಿರುವುದು ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವೆ ಸುಷ್ಮಾ ಸ್ವರಾಜ್‌. ಭಾರತದಲ್ಲಿ ಎಫ್‌ಟಿವಿ ಪ್ರಸಾರವನ್ನು ರದ್ದು ಮಾಡುವ ಇರಾದೆಯಲ್ಲಿರುವ ಅವರು, ಅದಕ್ಕಾಗಿ ಅಧಿಕಾರಿಗಳ ಅಭಿಪ್ರಾಯವನ್ನು ಕೇಳುತ್ತಿದ್ದಾರೆ. ಎಫ್‌ಟಿವಿ ನೋಡಲೆಂದೇ ಕೆಲವು ಅಧಿಕಾರಿಗಳು ನಿಯೋಜಿತರಾಗಿದ್ದಾರೆ.

ಎಫ್‌ಟಿವಿ ಕಾರ್ಯಕ್ರಮಗಳನ್ನು ನಿಕಟವಾಗಿ ವೀಕ್ಷಿಸುತ್ತಿರುವ ಅಧಿಕಾರಿಗಳು, ಕಾರ್ಯಕ್ರಮದ ನಡುವೆ ಬಿತ್ತರವಾಗಬಹುದಾದ ಅಶ್ಲೀಲ (ನಮ್ಮ ಸಂಸ್ಕೃತಿಗೆ ಹೊಂದದ) ದೃಶ್ಯಗಳ ತಲಾಷಿನಲ್ಲಿದ್ದಾರೆ. ಅಂಥಾ ದೃಶ್ಯಗಳನ್ನು ಯಥಾವತ್ತಾಗಿ ಚಿತ್ರೀಕರಿಸುತ್ತಿದ್ದಾರೆ. ಇವುಗಳ ಆಧಾರದ ಮೇಲೆ ಸಚಿವೆ ಒಂದು ನಿರ್ಣಯಕ್ಕೆ ಬರುತ್ತಾರಂತೆ. ಅದಕ್ಕೆ ಮುನ್ನ ಆಯ್ದ ದೃಶ್ಯಗಳ ಚಿತ್ರೀಕರಣವನ್ನು ಸಂಸದರ ಸಮೂಹವೊಂದಕ್ಕೆ ತೋರಿಸಲಾಗುವುದು. ಅವರು ಆ ದೃಶ್ಯಗಳು ಎಷ್ಟರ ಮಟ್ಟಿಗೆ ಭಾರತೀಯರ ಮನಸ್ಸು - ಸಂಸ್ಕೃತಿಯನ್ನು ಘಾಸಿಗೊಳಿಸಬಲ್ಲವು ಅನ್ನುವುದನ್ನು ವಿಶ್ಲೇಷಿಸುವರು.

ಸುಷ್ಮಾ ಅವರಿಗೆ ಮುನ್ನ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವರಾಗಿದ್ದ ಅರುಣ್‌ ಜೇಟ್ಲಿ ಅವರು ರಾತ್ರಿ ಹೊತ್ತು ಅಶ್ಲೀಲ ಸಿನಿಮಾಗಳನ್ನು ಪ್ರದರ್ಶಿಸುತ್ತದೆನ್ನುವ ಆರೋಪದ ಮೇರೆಗೆ ರಷ್ಯನ್‌ ವಾಹಿನಿಯಾಂದರ ಪ್ರಸಾರಕ್ಕೆ ನಿಷೇಧ ಹೇರಿದ್ದರು. ಹಿರಿಯಣ್ಣನ ಚಾಳಿ ಅನುಸರಿಸಲು ಹೊರಟಿರುವ ಸುಷ್ಮಾ ಫ್ರೆಂಚ್‌ ಚಾನಲ್‌ನತ್ತ ತಮ್ಮ ದೃಷ್ಟಿ ಹರಿಸಿದ್ದಾರೆ. ಎಫ್‌ಟಿವಿ ನಂತರದ ಅವರ ಮುಂದಿನ ಗುರಿ ಸದ್ಯಕ್ಕೆ ಸ್ಪಷ್ಟವಾಗಿಲ್ಲ .

(ಇನ್ಫೋ ವಾರ್ತೆ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more