ಧಾರ್ಮಿಕ ದಾಖಲೆಗಳ ಸಂರಕ್ಷಣೆಗಾಗಿ ಟಿಟಿಡಿಯಿಂದ ಡಿಜಿಟಲ್‌ ಲೈಬ್ರರಿ

ತಿರುಪತಿ : ಅತ್ಯಮೂಲ್ಯ ದಾಖಲೆಗಳು ಹಾಗೂ ಧಾರ್ಮಿಕ ಸಾಹಿತ್ಯವನ್ನು ಸಂರಕ್ಷಿಸುವ ಉದ್ದೇಶದಿಂದ ತಿರುಮಲ ತಿರುಪತಿ ದೇವಸ್ಥಾನದ ಆಡಳಿತ ಮಂಡಳಿ(ಟಿಟಿಡಿ) ಡಿಜಿಟಲ್‌ ಲೈಬ್ರರಿ ಪ್ರಾರಂಭಿಸಲು ಉದ್ದೇಶಿಸಿದೆ.

ಡಿಜಿಟಲ್‌ ಲೈಬ್ರರಿಯು ಕನಿಷ್ಠ 10 ಸಾವಿರ ದಾಖಲೆ/ಬರಹಗಳನ್ನು ಹೊಂದಿರುತ್ತದೆ. ಈಗಾಗಲೇ ಸಾವಿರ ಪುಟಗಳ ಕಂಪ್ಯೂಟರೀಕೃತ ದತ್ತಾಂಶವನ್ನು ಪಡೆದಿದ್ದೇವೆ ಎಂದು ಟಿಟಿಡಿಯ ಕಾರ್ಯ ನಿರ್ವಾಹಕ ಅಧಿಕಾರಿ ಪಿ. ಕೃಷ್ಣಯ್ಯ ಸುದ್ದಿಗಾರರಿಗೆ ತಿಳಿಸಿದ್ದಾರೆ. ಈ ಲೈಬ್ರರಿಯು ಟಿಟಿಡಿ ಪ್ರಕಟಣೆಗಳನ್ನೂ ಒಳಗೊಂಡಿರುತ್ತದೆ.

ಮತ್ತೊಂದು ಮಹತ್ವದ ನಿರ್ಧಾರದಲ್ಲಿ ಐವರು ಸಂಶೋಧಕರಿಗೆ ಸ್ಕಾಲರ್‌ಶಿಪ್‌ ನೀಡಲು ಟಿಟಿಡಿ ತೀರ್ಮಾನಿಸಿದೆ. ಶ್ರೀ ವೆಂಕಟೇಶ್ವರ ಭಕ್ತಿ , ವೇದ ವಾಙ್ಮಯಂ, ಹಿಂದೂ ತತ್ವಜ್ಞಾನ, ತಿರುಮಲ ದೇವಸ್ಥಾನದ ಪ್ರಾಚೀನ ಇತಿಹಾಸಕ್ಕೆ ಸಂಬಂಧಿಸಿದಂತೆ ತೆಲುಗು ಅಥವಾ ಸಂಸ್ಕೃತ ಸಾಹಿತ್ಯ ಈ ವಿಷಯಗಳಲ್ಲಿ ಅಧ್ಯಯನ ನಡೆಸುವ ಸಂಶೋಧಕರನ್ನು ಗುರ್ತಿಸಿ ಸ್ಕಾಲರ್‌ಶಿಪ್‌ ನೀಡಲಾಗುವುದು.

(ಯುಎನ್‌ಐ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...