ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಹೊಸ ಸಂಬಂಧಗಳಿಗಾಗಿ ಹಂಬಲಿಸುತ್ತಿದ್ದೀರಿ. ಹೆಚ್ಚೆಚ್ಚು ಭಾವನಾತ್ಮಕವಾಗುವುದು ನೋವಿಗೆ ಕಾರಣವಾದುದರಿಂದ ಸಂಬಂಧಗಳ ವಿಶ್ಲೇಷಣೆಯಲ್ಲಿ ತುಸು ಜಾಗರೂಕರಾಗಿರಿ.

ವೃಷಭ :ಈ ನಡುವೆ ದೊಡ್ಡದಾಗಿರುವ ಜೇಬಿನ ತೂತಿಗೆ ಹೊಲಿಗೆ ಹಾಕುವ ಯೋಚನೆಯಲ್ಲಿದ್ದೀರಿ. ನೀವು ಅಂದುಕೊಳ್ಳುತ್ತಿರುವ ಹೆಚ್ಚುವರಿ ಆದಾಯದ ಮೂಲಗಳು ಹತ್ತಿರದಲ್ಲೇ ಇವೆ.

ಮಿಥುನ : ಯಾರಿಗೆ ಯಾರುಂಟು.. ಎಂದು ಕೊರಗುತ್ತಿದ್ದೀರಿ. ಆದರೆ, ದೊಡ್ಡ ಜವಾಬ್ದಾರಿ ನಿಮ್ಮ ಮೇಲಿರುವುದರಿಂದ ನಾಳಿನ ಹುಮ್ಮಸ್ಸಿಗೆ ಎದ್ದು ನಿಲ್ಲಲೇಬೇಕು.

ಕಟಕ : ಸುಮಾರು ದಿನದಿಂದ ಮುಂದೂಡುತ್ತಿರುವ ಪ್ರಯಾಣ ಕೂಡಿಬಂದಿದೆ. ಧೋ ಅನ್ನುವ ನಿಮ್ಮ ಲಹರಿಯಂತೆಯೇ ವಾತಾವರಣವೂ ಇದೆ. ಖುಷಿಯ ದಿನ.

ಸಿಂಹ : ಸಂಜೆಯ ರಂಗಿನ ಪಾರ್ಟಿಗೆ ಹಳೆಯ ಗೆಳೆಯರು ಜೊತೆಯಾಗುತ್ತಾರೆ. ನಿಮಗೆ ಲಾಭವೆನ್ನಿಸುವ ಸಲಹೆಗಳು ಪುಕ್ಕಟೆಯಾಗಿ ಸಿಗುವ ಅವಕಾಶಗಳನ್ನು ಬಳಸಿಕೊಳ್ಳಿ.

ಕನ್ಯಾ : ಲಾಟರಿ, ಸಟ್ಟಾ ವ್ಯವಹಾರಗಳಲ್ಲಿ ಜಯ. ನೀವು ಬಾಲ ಹಿಡಿಯುವ ಕುದುರೆಯೇ ಇಂದು ಮುಂದೆ. ಏನಪ್ಪಾ ಎಡವಟ್ಟು ಅಂದರೆ... ಮನೆಯಲ್ಲಿ ಕಿರಿಕಿರಿ.

ತುಲಾ : ನಿಮ್ಮ ಪ್ರಸ್ತಾವನೆಗಳನ್ನು ಇಂದು ಯಾರೂ ಸುಲಭವಾಗಿ ತಳ್ಳಿ ಹಾಕಲಾರರು. ಮನಸ್ಸಿನಲ್ಲೇ ಮಂಡಿಗೆ ತಿನ್ನುತ್ತಿರುವ ವಿಷಯವನ್ನು ಪ್ರಕಟಿಸಲು ಇದಕ್ಕಿಂಥಾ ಸುಮುಹೂರ್ತ ಬೇಕೆ?

ವೃಶ್ಚಿಕ : ಗೆಳೆಯರ ಸಂಕಟದ ದಿನಗಳಲ್ಲಿ ಜೊತೆಯಾಗಲು ಸಾಧ್ಯವಿಲ್ಲ ಎನ್ನುವ ಕೊರಗು ಬೇಡ. ನಿಮ್ಮ ತುರ್ತನ್ನು ಅವರು ಅರ್ಥ ಮಾಡಿಕೊಳ್ಳುತ್ತಾರೆ.

ಧನಸ್ಸು : ತೀರಾ ವ್ಯವಹಾರಸ್ಥರಾದರೆ ಸಂಬಂಧಗಳು ದಕ್ಕುವುದಿಲ್ಲ . ನೀವು ಅನುಭವಿಸುತ್ತಿರುವುದೂ ಇದನ್ನೇ. ಒಮ್ಮೆ ಮಳೆಯಂತೆ ಭೋರ್ಗರೆದು ಬಿಡಿ. ಆಮೇಲಿನ ಗಮಲಿಗೆ ಹುಚ್ಚೆದ್ದು ಹೋಗುತ್ತೀರಿ.

ಮಕರ : ದಿನವನ್ನು ನೀವು ಆಲೋಚಿಸಿರಲಿಕ್ಕೇ ಇಲ್ಲ . ಇಂಥಾ ಸಂದರ್ಭಗಳೇ ವ್ಯಕ್ತಿತ್ವವನ್ನು ಗಟ್ಟಿಗೊಳಿಸುತ್ತವೆ. ನೀವು ಸಾಗಬೇಕಾದ ಹಾದಿ ಇನ್ನೂ ದೀರ್ಘವಾಗಿದೆ.

ಕುಂಭ : ಇರುವುದೆಲ್ಲವ ಬಿಟ್ಟು ಮನೆಯಲ್ಲಿ ಮಂಕಾಗಿದ್ದೀರಿ. ಇದು ನಿಮ್ಮದೇ ದುಡುಕು. ಕುಲದೇವರನ್ನು ಪ್ರಾರ್ಥಿಸಿ. ಸೂರ್ಯ ಮತ್ತೆ ಮೂಡುತ್ತಾನೆ.

ಮೀನ : ಕುಟುಂಬ ಸೌಖ್ಯ. ಪ್ರಣಯ ಲಾಭ. ಸೃಜನಶೀಲ ಕಾರ್ಯಗಳಲ್ಲಿ ಪ್ರಗತಿ. ಇಷ್ಟಿದ್ದೂ ನಿಮಗೆ ನೆಮ್ಮದಿಯಿಲ್ಲದಿದ್ದರೆ ಅದಕ್ಕೆ ನಿಮ್ಮ ಚಿತ್ತ ಚಾಂಚಲ್ಯವೇ ಕಾರಣ.