• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನೆಗಡಿ ಎಂದು ಈ ಔಷಧಿ ತಗೊಂಡರೆ ಜೀವ ಕಳಕೊಂಡೀರಿ!

By Staff
|

ನವದೆಹಲಿ : ನೆಗಡಿ- ತಲೆ ಸಿಡಿತ, ಮೂಗು ಕಟ್ಟಿದೆ. ಯಾವುದೋ ಮೆಡಿಕಲ್‌ ಶಾಪ್‌ಗೆ ಹೋಗಿ ಒಂದು ಡಜನ್ನು ಮಾತ್ರೆ ಕೇಳಿ ತಂದು ನುಂಗುತ್ತೀರಿ. ಆದರೆ ಆ ಮಾತ್ರೆಯಲ್ಲೇನೇನಿದೆ ಅಂತ ಗಮನಿಸೋರು ಎಲ್ಲೋ ಅಲ್ಲೊಬ್ಬರು ಇಲ್ಲೊಬ್ಬರು. ಇನ್ನು ಮುಂದೆ ಅದನ್ನು ನೀವೂ ಖಂಡಿತ ಗಮನಿಸಿ. ಇಲ್ಲವಾದರೆ ಜೀವ ಹೋದೀತು! ನೀವು ಉಪಯೋಗಿಸೋ ಮಾತ್ರೆಯಲ್ಲಿ ಫೀನೈಲ್‌ ಪ್ರೊಪೊನಾಲಮೈನ್‌ (ಪಿಪಿಎ) ಬಳಕೆಯಾಗಿದ್ದರೆ ಈ ಕ್ಷಣವೇ ಅದನ್ನು ಬಿಸುಟಿಬಿಡಿ. ಯಾಕೆ ಅಂದಿರಾ? ಇಲ್ಲೋದಿ...

ಅಮೆರಿಕೆಯ ಯಾಲೆ ವೈದ್ಯಕೀಯ ವಿಶ್ವ ವಿದ್ಯಾಲಯ ‘ಹಿಮೊರ್ಯಾಜಿಕ್‌ ಸ್ಟ್ರೋಕ್‌’ ಎಂಬ 5 ವರ್ಷ ಕಾಲದ ಅಧ್ಯಯನ ನಡೆಸಿದೆ. ಅಮೆರಿಕ ಔಷಧೀಯ ಆಡಳಿತ (ಯುಎಸ್‌ಎಫ್‌ಡಿಎ) ಕೂಡ ಅಧ್ಯಯನದ ಸಹಯೋಗಿ. ಇದರಿಂದ ಸ್ಪಷ್ಟವಾಗಿರುವುದೇನೆಂದರೆ, ಪಿಪಿಎ ಹೊಂದಿರುವ 100ಎಂಜಿ ಗಿಂತ ಹೆಚ್ಚಿನ ಯಾವುದೇ ಮಾತ್ರೆಯನ್ನು ದಿನಕ್ಕೆ 4ರಂತೆ ಸತತ 3 ದಿನಗಳ ಕಾಲ ಸೇವಿಸಿದರೆ ಜೀವಕ್ಕೇ ಸಂಚಕಾರ. ಈ ರಾಸಾಯನಿಕ ಮಿದುಳಿನಲ್ಲಿ ರಕ್ತಸ್ರಾವ ಉಂಟು ಮಾಡುತ್ತದೆ. ನಿತ್ರಾಣಕ್ಕೆ ಎಡೆ ಮಾಡಿಕೊಟ್ಟು, ಜೀವವನ್ನೇ ಬಲಿ ತೆಗೆದುಕೊಳ್ಳುವಷ್ಟು ಮಾರಕವಾಗಿದೆ ಎನ್ನುತ್ತಾರೆ ಯಾಲೆಯ ಸಂಶೋಧಕ ಡಾ. ಗುಲ್ಹಾತಿ.

ಸಾಮಾನ್ಯವಾಗಿ ಕೆಮ್ಮು- ಶೀತ ನಿವಾರಣೆಗೆ ಕೊಡುವ ಔಷಧಿಗಳಲ್ಲಿನ ರಾಸಾಯನಿಕಗಳು ಇಂತಿರುತ್ತವೆ- ಪ್ಯಾರಾಸೆಟಮೋಲ್‌ (500 ಎಂಜಿ), ಪಿಪಿಎ (25 ಎಂಜಿ) ಹಾಗೂ ಕೆಫೆನ್‌(32 ಎಂಜಿ). ಭಾರತದ ಕೆಲ ಔಷಧಿಗಳಲ್ಲಿ ಪಿಪಿಎ ಬದಲಿಗೆ ಸೂಡೋ ಎಫಿಡ್ರೆೃನ್‌ ಬಳಸುತ್ತಿದ್ದಾರೆ. ಇದು ಸ್ವಲ್ಪ ದುಬಾರಿಯಾದರೂ ಪಿಪಿಎಯಂತೆ ಹಾನಿಕಾರಕವಲ್ಲ. ಪಿಪಿಎ ಇರುವಂಥ ಔಷಧಿಗಳನ್ನು ಮಾರಕೂಡದು ಎಂದು ಯುಎಸ್‌ಫ್‌ಡಿಎ ನವೆಂಬರ್‌ 6, 2000ದಂದೇ ಒಂದು ನೋಟೀಸು ಹೊರಡಿಸಿದೆ. ಆದರೂ ಕೆಲ ವ್ಯಾಪಾರಿಗಳು ಮಾರಾಟ ನಿಲ್ಲಿಸಿಲ್ಲ.

ಯೂರೋಪು- ಅಮೆರಿಕಾದಲ್ಲಿ ನಿಷೇಧಿಸಿದ್ದು ಭಾರತದಲ್ಲಿ ಬಿಕರಿ

ಪಿಪಿಎ ಔಷಧಿ ಮಾರಾಟ ನಿಷೇಧಕ್ಕೆ ಕಾನೂನು ಕ್ರಮ ಇನ್ನೂ ಜಾರಿಯಾಗಿಲ್ಲ. ಈ ಕಾರಣ ಔಷಧಿ ಅಂಗಡಿಗಳು ಈ ಹೊತ್ತೂ ಪಿಪಿಎ ಇರುವ ಗುಳಿಗೆಗನ್ನು ಮಾರುತ್ತಿದ್ದಾರೆ. ಅಷ್ಟೇ ಅಲ್ಲ. ಯೂರೋಪ್‌ ಮತ್ತು ಅಮೆರಿಕಾದಲ್ಲಿ ನಿಷೇಧಿಸಲಾಗಿರುವ ಕೆಲ ಔಷಧಿಗಳು ಮತ್ತು ಸ್ಟಿರಾಯಿಡ್‌ಗಳು ಭಾರತದ ಮಾರುಕಟ್ಟೆಯಲ್ಲಿ ಮನಸೋ ಇಚ್ಛೆ ಬಿಕರಿಯಾಗುತ್ತಿವೆ. ಸದ್ಯಕ್ಕೆ ಜನ ಎಚ್ಚೆತ್ತುಕೊಳ್ಳಬೇಕಷ್ಟೆ ಎನ್ನುತ್ತಾರೆ ಡಾ. ಗುಲ್ಹಾತಿ.

ಮೊದಲ ಬಾರಿಗೆ ಎನ್‌ಡಿಟಿವಿ ಈ ವಿಷಯ ಹೆಕ್ಕಿ, ಕೇಂದ್ರ ಆರೋಗ್ಯ ಸಚಿವ ಡಾ.ಸಿ.ಪಿ.ಠಾಕೂರ್‌ ಅವರನ್ನು ಈ ಬಗ್ಗೆ ಸರ್ಕಾರ ಯಾವ ಕ್ರಮ ಕೈಗೊಳ್ಳುತ್ತಿದೆ ಎಂದು ಕೇಳಿದಾಗ,- ಇಂಥ 12 ವಿವಿಧ ಹೆಸರಿನ ಔಷಧಿಗಳು ಬಿಕರಿಯಾಗುತ್ತಿವೆ. ಯಾವುದು ಅಸಲಿ ಯಾವುದು ನಕಲಿ ಎಂಬುದನ್ನ ಪತ್ತೆ ಮಾಡಲು ಒಂದು ಸಮಿತಿಯನ್ನು ರಚಿಸಲಾಗುವುದು. ಪಿಪಿಎ ಇರುವ ಔಷಧಿಗಳಿಂದ ಗಂಭೀರ ಸಮಸ್ಯೆ ತಲೆದೋರುತ್ತಿದೆ. ಇದರ ಬಗೆಗೂ ಸರ್ಕಾರ ವಿಶೇಷ ಗಮನ ಕೊಡುತ್ತಿದೆ ಎಂದರು.

ನಮಗೇನು ಗೊತ್ತು ? ಒಬ್ಬೊಬ್ಬರು ಒಂದೊಂದು ಹೇಳುತ್ತಾರೆ. ಭಾರತದ ಔಷಧಿ ನಿಯಂತ್ರಕರು (ಡ್ರಗ್‌ ಕಂಟ್ರೋಲರ್‌ ಆಫ್‌ ಇಂಡಿಯಾ) ಯಾವುದನ್ನು ಮಾರಲು ಅನುಮತಿ ಕೊಡುವರೋ ಅದೇ ಮಾರುಕಟ್ಟೆಗೆ ಬರುತ್ತದೆ ಎಂಬುದು ಔಷಧಿ ಅಂಗಡಿ ವ್ಯಾಪಾರಿಗಳ ಮಾತು. ಒಟ್ಟಿನಲ್ಲಿ ಇನ್ನೂ ತಡವಾದರೆ ಎಷ್ಟೋ ಜೀವಗಳು ಹಾರಿ ಹೋಗುತ್ತವೆ. ಸರ್ಕಾರ ಮನಗಾಣಲಿ.

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more