ಲಘು ಸಮರ ವಿಮಾನ ಪರೀಕ್ಷಾರ್ಥ ಹಾರಾಟದ ಪ್ರಚಂಡ ಯಶಸ್ಸು
ಬೆಂಗಳೂರು : ಸ್ವದೇಶೀಯವಾಗಿ ಸಿದ್ಧವಾದ ವಿಶ್ವದ ಅತಿ ಚಿಕ್ಕ ಹಾಗೂ ಅತ್ಯಂತ ಹಗುರ ಸಮರ ವಿಮಾನದ ಪರೀಕ್ಷಾರ್ಥ ಹಾರಾಟ ಯಶಸ್ವಿಯಾಗಿದೆ. ಬಿಳಿಯ ಬಣ್ಣದ ಈ ಹಗುರ ವಿಮಾನ ಇಲ್ಲಿನ ಎಚ್ಎಎಲ್ ವಿಮಾನ ನಿಲ್ದಾಣದಿಂದ ಮುಗಿಲಿನತ್ತ ಜಿಗಿದು 20 ನಿಮಿಷಗಳ ಯಶಸ್ವೀ ಹಾರಾಟದ ನಂತರ ಸುರಕ್ಷಿತವಾಗಿ ಧರೆಗಿಳಿಯಿತು.
ಈ ವಿಮಾನದೊಂದಿಗೆ ಎರಡು ಮಿರೇಜ್ 2000 ವಿಮಾನಗಳೂ ಹಾರಾಟ ನಡೆಸಿದವು. ಗುರುವಾರ ಅನುಕೂಲಕರವಾಗಿದ್ದ ಹದ ಬಿಸಿಲಿನ ವಾತಾವರಣದಲ್ಲಿ ಬೆಳಗ್ಗೆ 10.20ಕ್ಕೆ ಬಾನಿನತ್ತ ಹಾರಿದ ಈ ಲಘು ಯುದ್ಧ ವಿಮಾನ 10.40ರವರೆಗೆ ಬಾನಂಗಳದಲ್ಲಿ ಅಡ್ಡಾಡಿ ಸುರಕ್ಷಿತವಾಗಿ ಧರೆಗಿಳಿಯಿತು.
ಕೇಂದ್ರ ರಕ್ಷಣಾ ಸಚಿವ ಜಾರ್ಜ್ ಫೆರ್ನಾಂಡಿಸ್ ಅವರು ಏರ್ ಮಾರ್ಷಲ್ ಎ.ವೈ. ಪಿಫ್ನಿಸ್ ಅವರೊಂದಿಗೆ ಮಿರೇಜ್ ವಿಮಾನದಲ್ಲಿ ಕುಳಿತು ಬಹು ಹತ್ತಿರದಿಂದ ಈ ಲಘು ಸಮರ ವಿಮಾನದ ಹಾರಟವನ್ನು ವೀಕ್ಷಿಸಿದರು. ಕೇಂದ್ರ ಸರಕಾರದ ವೈಜ್ಞಾನಿಕ ಸಲಹೆಗಾರರಾದ ಡಾ. ಎ.ಪಿ.ಜೆ. ಅಬ್ದುಲ್ ಕಲಾಂ ಅವರೂ ಕೂಡ ಹಲವು ವಿಜ್ಞಾನಿಗಳೊಂದಿಗೆ ಪ್ರಪ್ರಥಮ ಲಘು ಸಮರ ವಿಮಾನದ ಹಾರಟವನ್ನು ಕಣ್ಣಾರೆ ಕಂಡರು.
ಆದರೆ, ಈ ಯೋಗ ಮಾಧ್ಯಮ ಪ್ರತಿನಿಧಿಗಳಿಗೆ ದೊರಕಲಿಲ್ಲ. ವಿಡಿಯೋ ಕ್ಯಾಮರಾಗಳನ್ನು ಹೊತ್ತ ದೂರದರ್ಶನ ಚಾನೆಲ್ಗಳ ವರದಿಗಾರರು, ಛಾಯಾಗ್ರಾಹಕರು ದೂರದಿಂದಲೇ ಈ ಸಮರ ವಿಮಾನ ವಿಶ್ವದ ಹೊಸ ಮೈಲಿಗಲ್ಲಾದ ದೃಶ್ಯವನ್ನು ಚಿತ್ರೀಕರಿಸಿಕೊಳ್ಳಬೇಕಾಯಿತು. ಸಮರ ವಿಮಾನವು ಅದ್ಭುತವಾಗಿ ಮೇಲೇರಿ ಅಷ್ಟೇ ಆಕರ್ಷಕವಾಗಿ ನೆಲಕ್ಕಿಳಿಯಿತು. ಈ ಸಾಧನೆಗೆ ರಾಷ್ಟ್ರದ ವಿವಿಧ ಕ್ಷೇತ್ರಗಳ ಗಣ್ಯರು ಅಭಿನಂದನೆ ಸಲ್ಲಿಸಿದ್ದಾರೆ.
ವಿಮಾನದ
ಬಗ್ಗೆ
:
8.2
ಮೀಟರ್
ರೆಕ್ಕೆಗಳನ್ನು
ಹೊಂದಿರುವ
ಈ
ವಿಮಾನದ
ಉದ್ದ
13.2
ಮೀಟರ್ಗಳು.
ಎತ್ತರ
4.4
ಮೀಟರ್
ಆದರೆ,
ತೂಕ
ಕೇವಲ
8.5
ಟನ್ಗಳು.
ಈ
ವಿಮಾನದ
ಶಸ್ತ್ರಾಸ್ತ್ರ
ಹೊರುವ
ಸಾಮರ್ಥ್ಯ
ನಾಲ್ಕು
ಟನ್ಗಳಷ್ಟು.
ವಿಶ್ವದಲ್ಲಿ
ಈ
ವಿಮಾನಕ್ಕೆ
ಸರಿಸಾಟಿ
ಎನ್ನುವುದಿದ್ದರೆ
ಅದು
ಸ್ವೀಡನ್ನ
ಎಸ್ಎಎಬಿ
ಮಿಲಿಟರಿಯ
ಗ್ರಿಪ್ಪಿನ್
ನಿರ್ಮಿತ
ಜೆಎಎಸ್
-39.
(ಯು.ಎನ್.ಐ)
ಮುಖಪುಟ / ಇವತ್ತು... ಈ ಹೊತ್ತು...