ಬೆಂಗಳೂರು ಎಂಜಿ ರಸ್ತೆಯಲ್ಲಿ ಭಾರತ ಇಂಟರ್‌ನೆಟ್‌ ಯುಗದ ಕುಬೇರ

ಲಂಡನ್‌ : ಭಾರತದಲ್ಲಿ ಶ್ರೀಮಂತರೆಂದರೆ ಕೆಲವೇ ವರ್ಷಗಳ ಹಿಂದೆ ಕೇಳಿಬರುತ್ತಿದ್ದ ಹೆಸರು. ಕೇವಲ ಟಾಟಾ, ಬಿರ್ಲಾರದು. ಈಗ ಆ ಶಕೆ ಮುಗಿದಿದೆ. ಮಾಹಿತಿ, ತಂತ್ರಜ್ಞಾನ ಮತ್ತು ಆಧುನಿಕ ವಿಜ್ಞಾನದ ಬೆನ್ನುಹತ್ತಿ ನಾಗಾಲೋಟದಿಂದ ಸಾಗುತ್ತಿರುವ ಸಾಹಸಿಗರು ಇಂದು ವಿಶ್ವದ ಘನ ಶ್ರೀಮಂತರ ಸಾಲಿನಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗುತ್ತಿದ್ದಾರೆ.

ಫೋರ್ಬ್ಸೊ ಕೋಟ್ಯಧಿಪತಿ - 2000, ಪ್ರಕಟಣೆಯ ರೀತ್ಯ ಭಾರತದ ಸಾಫ್ಟ್‌ವೇರ್‌ ಸುಲ್ತಾನ್‌ ಎಂದೇ ಖ್ಯಾತರಾಗಿರುವ ವಿಪ್ರೋ ಮಾಲಿಕ ಅಜೀಮ್‌ ಪ್ರೇಮ್‌ಜೀ ಹಾಗೂ ಕೈಗಾರಿಕೋದ್ಯಮಿ ಧೀರೂಬಾಯಿ ಅಂಬಾನಿ ಅವರು ವಿಶ್ವದ ಐವತ್ತು ಮಂದಿ ಘನ ಸಿರಿವಂತರ ಸಾಲಿನಲ್ಲಿ ಸ್ಥಾನ ಪಡೆದಿದ್ದಾರೆ.

ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಸಾಧನೆಗಳ ಮೆಟ್ಟಿಲುಗಳನ್ನೇರುತ್ತಿರುವ ಅಜೀಮ್‌ ಪ್ರೇಮ್‌ಜೀ 6.9 ಬಿಲಿಯನ್‌ ಡಾಲರ್‌ ಸಂಪತ್ತಿನೊಂದಿಗೆ ಜಗತ್ತಿನ ಘನ ಶ್ರೀಮಂತರ ಸಾಲಿನಲ್ಲಿ 43ನೇ ಸ್ಥಾನವನ್ನೂ, ಪೆಟ್ರೋಕೆಮಿಕಲ್ಸ್‌ ಮೇಜರ್‌, ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌ನ ಮಾಲಿಕ ಧೀರೂಬಾಯಿ ಅಂಬಾನಿ ಅಂಡ್‌ ಫ್ಯಾಮಿಲಿ 6.6 ಬಿಲಿಯನ್‌ ಡಾಲರ್‌ ಸಂಪತ್ತಿನೊಂದಿಗೆ 45ನೇ ಸ್ಥಾನವನ್ನೂ ಗಳಿಸಿದ್ದಾರೆ.

1999ರ ಸಾಲಿನಲ್ಲಿ ಪ್ರಥಮ ಸ್ಥಾನಗಳಿಸಿದ್ದ ಮೈಕ್ರೋಸಾಫ್ಟ್‌ ಸಂಸ್ಥೆಯ ಬಿಲ್‌ಗೇಟ್ಸ್‌ ಈ ಸಾಲಿನಲ್ಲೂ ತಮ್ಮ ಸಿರಿವಂತಿಕೆಯ ಮುನ್ನಡೆ ಸಾಧಿಸಿದ್ದಾರೆ.

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...