ರಾಜ್ಯ ಮುಖ್ಯ ಕಾರ್ಯದರ್ಶಿಯಾಗಿ ಗಂಡನ ಜಾಗೆಗೆ ತೆರೆಸಾ ಆಯ್ಕೆ

ಬೆಂಗಳೂರು : ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಬಿ.ಕೆ. ಭಟ್ಟಾಚಾರ್ಯ ಅವರ ಜಾಗೆಗೆ 1965ರ ಐಎಎಸ್‌ ತಂಡದ ತೆರೆಸಾ ಭಟ್ಟಾಚಾರ್ಯ ನೇಮಕಗೊಂಡಿದ್ದಾರೆ. ಶುಕ್ರವಾರ ಮಂತ್ರಿಮಂಡಲ ಅವರನ್ನು ನೇಮಿಸಿದ್ದು, ಈ ಹುದ್ದೆ ಅಲಂಕರಿಸಲಿರುವ ಪ್ರಥಮ ಮಹಿಳಾ ಐಎಎಸ್‌ ಅಧಿಕಾರಿ ಎಂಬ ಹೆಗ್ಗಳಿಗೆ ಅವರದು.

ಡಿಸೆಂಬರ್‌ 31ರಂದು ಬಿ.ಕೆ. ಭಟ್ಟಾಚಾರ್ಯ ನಿವೃತ್ತಿಯಾಗಲಿದ್ದು, ಅವರ ಸ್ಥಾನಕ್ಕೆ ಅವರ ಪತ್ನಿಯೇ ಆಯ್ಕೆಯಾಗಿರುವುದು ಇನ್ನೊಂದು ವಿಶೇಷ. ತೆರೆಸಾ ಅವರು 2002, ಡಿಸೆಂಬರ್‌ 31ರವರೆಗೆ ರಾಜ್ಯ ಸರ್ಕಾರದ 24ನೇ ಮುಖ್ಯ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಲಿದ್ದಾರೆ. ಅವರು ಈ ಮುನ್ನ ರಾಜ್ಯ ಸರ್ಕಾರದ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದರು.

ಕೇರಳ ಮೂಲದ ತೆರೆಸಾ ಭಟ್ಟಾಚಾರ್ಯ ಹುಟ್ಟಿದ್ದು 1942. 1965ರಲ್ಲಿ ಅವರು ಐಎಎಸ್‌ ಮಾಡಿದರು. ಮುಖ್ಯ ಕಾಯದರ್ಶಿ ಹುದ್ದೆ ನೇಮಕಕ್ಕೆ ಕೇಳಿ ಬರುತ್ತಿದ್ದ ಮತ್ತೊಂದು ಹೆಸರು ಅಚಲಾ ಮೌಲಿಕ್‌. ತೆರೆಸಾ ಅವರಿಗಿಂತ ಸೇವೆಯಲ್ಲಿ ಒಂದು ವಷ ರ್ಹೆಚ್ಚು ಅನುಭವವಿರುವ ಅವರು ಪ್ರಸ್ತುತ ಕೇಂದ್ರ ಸರ್ಕಾರದ ಮಾನವ ಸಂಪನ್ಮೂಲ ಸಚಿವಾಲಯದ ಪ್ರಾಥಮಿಕ ಶಿಕ್ಷಣ ಹಾಗೂ ಸಾಕ್ಷರತೆ ಇಲಾಖೆಯ ಕಾಯದರ್ಶಿಯಾಗಿದ್ದಾರೆ. ಮುಂದಿನ ಜುಲೈವರೆಗೆ ಅವರು ಸೇವೆಯಲ್ಲಿರುತ್ತಾರೆ. ಅವರೇ ಖುದ್ದು ಮುಖ್ಯ ಕಾರ್ಯದರ್ಶಿ ಸ್ಥಾನಕ್ಕೆ ಒಲ್ಲೆ ಎಂದಿದ್ದ ಕಾರಣ, ಆ ಸ್ಥಾನಕ್ಕೆ ತೆರೆಸಾ ಆಯ್ಕೆಯಾಗಿದ್ದಾರೆ.

ಇದು ಸ್ತ್ರೀ ಸಾಮ್ರಾಜ್ಯ : ರಾಜ್ಯಪಾಲರು, ಮೇಯರ್‌. ಈಗ ಮುಖ್ಯ ಕಾರ್ಯದರ್ಶಿ ಸ್ಥಾನಕ್ಕೆ ಕೂಡ ಒಬ್ಬ ಮಹಿಳೆ ಆಯ್ಕೆಯಾಗಿರುವುದು ಒಂದು ವಿಶೇಷ.

(ಇನ್ಫೋ ವಾರ್ತೆ)