ಅಳ್ನಾವರದಲ್ಲಿ ರಸ್ತೆ ಅಪಘಾತ : 3 ಸಾವು

ಹುಬ್ಬಳ್ಳಿ : ಟೆಂಪೋ ಟ್ರ್ಯಾಕ್ಸೊಂದು ರಸ್ತೆ ಬದಿಯ ಮರಕ್ಕೆ ಗುದ್ದಿದ ಪರಿಣಾಮ ಇಬ್ಬರು ಮಹಿಳೆಯರು ಸೇರಿದಂತೆ ಮೂವರು ಸ್ಥಳದಲ್ಲೇ ಮೃತರಾಗಿದ್ದಾರೆ. ಧಾರವಾಡ ಜಿಲ್ಲೆಯ ಅಳ್ನಾವರ ಬಳಿಯ ಹೊಳತಿಕೋಟೆಯಲ್ಲಿ ಮಂಗಳವಾರ ರಾತ್ರಿ ಈ ದುರ್ಘಟನೆ ಸಂಭವಿಸಿದೆ.

ಟೆಂಪೋ ಟ್ರ್ಯಾಕ್ಸ್‌ ಚಾಲಕ ಫಾಲಾಕ್ಷ (28), ಶಾಂತವ್ವ ತಲಗಮಠ (32) ಹಾಗೂ ಶಾಂತವ್ವ ಮಟ್ಟೂರ್‌ ಮಠ (50) ಘಟನೆಯಲ್ಲಿ ಮೃತ ಪಟ್ಟಿದ್ದಾರೆ. ಮತ್ತೊಬ್ಬರಿಗೆ ತೀವ್ರ ಸ್ವರೂಪದ ಗಾಯಗಳಾಗಿದ್ದು, ಅಳ್ನಾವರದ ಆಸ್ಪತ್ರೆಯಾಂದರಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ.

ಬೆಂಕಿ ಅವಘಡದಲ್ಲಿ 1.25 ಲಕ್ಷ ರು. ಮರ ಮುಟ್ಟು ಬೂದಿ

ಮಂಗಳವಾರ ರಾತ್ರಿ ಹುಬ್ಬಳ್ಳಿ ಜಿಲ್ಲೆಯ ಗರಡ ಗ್ರಾಮದಲ್ಲಿ ಸಂಭವಿಸಿದ ಬೆಂಕಿ ಆಕಸ್ಮಿಕದಲ್ಲಿ ಸುಮಾರು 1.25 ಲಕ್ಷ ರುಪಾಯಿ ಮೌಲ್ಯದ ಮರ ಮುಟ್ಟು ಹಾಗೂ ಒಣಗಿದ ಹುಲ್ಲು ಸುಟ್ಟು ಬೂದಿಯಾಗಿದೆ. ಯಾವುದೇ ಜೀವ ಹಾನಿಯಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

(ಯುಎನ್‌ಐ)