• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಪ್ರಕ್ಷುಬ್ಧ ಕಾಶ್ಮೀರ ಕೊಳ್ಳ : ಕಾಂದಹಾರ್‌ ಫಲ ಉಣ್ಣುತ್ತಿರುವ ಸರ್ಕಾರ

By Staff
|

ಬಿನೂ ಜೋಷಿ

ಶ್ರೀನಗರ : ಆಪ್ಘಾನಿಸ್ತಾನದ ಕಾಂದಹಾರನ್‌ನಲ್ಲಿ ಹೈಜಾಕ್‌ಗೊಳಗಾದ ಇಂಡಿಯನ್‌ ಏರ್‌ಲೈನ್ಸ್‌ನಲ್ಲಿದ್ದ ಪ್ರಯಾಣಿಕರೊಂದಿಗೆ ಮೌಲಾನ ಅಜರ್‌ ಮಸೂದ್‌ ಸೇರಿದಂತೆ ಮೂವರು ಉಗ್ರಗಾಮಿಗಳ ವಿನಿಮಯ ಮಾಡಿಕೊಂಡ ಕರಾಳ ಘಟನೆಗೆ ವರ್ಷ ಸಂದಿದೆ. ಆದರೆ, ಜಮ್ಮು ಮತ್ತು ಕಾಶ್ಮೀರದಲ್ಲಿ ಅಪರಾಧಿಗಳ ಶಿಕಾರಿ ಇನ್ನೂ ನಡೆಯುತ್ತಿದೆ.

ಭಾರತೀಯ ಸೇನಾ ಪಡೆಗಳ ಮುಖ್ಯ ಕಚೇರಿಯ ಹೊರಭಾಗದಲ್ಲಿ ಸೋಮವಾರ 9 ಜನರನ್ನು ಬಲಿ ತೆಗೆದುಕೊಂಡ ಕಾರ್‌ ಬಾಂಬ್‌ ಸ್ಫೋಟ ಉಗ್ರಗಾಮಿಗಳ ಚಟುವಟಿಕೆ ತೀವ್ರವಾಗಿರುವುದನ್ನು ಸೂಚಿಸುತ್ತದೆ. ಈ ಸ್ಫೋಟದ ಹೊಣೆಯನ್ನು ಜೈಶ್‌- ಇ- ಮೊಹಮ್ಮದ್‌ ಸಂಘಟನೆ ಹೊತ್ತು ಕೊಂಡಿದೆ. 1999 ರ ಡಿಸೆಂಬರ್‌ 31 ರಂದು ಜಮ್ಮುವಿನ ಜೈಲಿನಿಂದ ಬಿಡುಗಡೆ ಮಸೂದ್‌ ಮತ್ತು ಸಂಗಡಿಗರನ್ನು ಒಳಗೊಂಡಿರುವ ಈ ಸಂಘಟನೆ ಕಾಶ್ಮೀರ ಕೊಳ್ಳದ ಅತ್ಯಂತ ಅಪಾಯಕಾರಿ ಉಗ್ರಗಾಮಿ ಸಂಘಟನೆ ಎಂದೇ ಕುಖ್ಯಾತಿ ಪಡೆದಿದೆ.

ಕಳೆದ ವರ್ಷ ಕಾಂದಹಾರ್‌ನಲ್ಲಿ ಕೇಂದ್ರ ಸರ್ಕಾರ ಶರಣಾದ ಘಟನೆಯ ಫಲವನ್ನು ಕಾಶ್ಮೀರ ಕೊಳ್ಳ ಈಗ ಅನುಭವಿಸುತ್ತಿದೆಯೇ ? ವ್ಯಾಪಕವಾಗುತ್ತಿರುವ ಈ ಪ್ರಶ್ನೆಗೆ, ಕಳೆದ ದಶಕದಲ್ಲಿ ಉಗ್ರಗಾಮಿಗಳ ವಿರುದ್ಧ ಹೋರಾಡಿದ ಪ್ಯಾರಾ ಮಿಲಿಟರಿ ಪಡೆಯ ಅಧಿಕಾರಿಯಾಬ್ಬರು ಹೌದೆನ್ನುತ್ತಾರೆ. ಸರ್ಕಾರ ತನ್ನ ತಪ್ಪಿಗೆ ಈಗ ಬೆಲೆ ತೆರುತ್ತಿದೆ ಎಂದು ಅವರು ವಿಷಾದದಿಂದ ಹೇಳುತ್ತಾರೆ.

ಮಸೂದ್‌ನ ಬಿಡುಗಡೆ ಸೈನಿಕರ ನೈತಿಕ ಸ್ಥೈರ್ಯವನ್ನು ಕುಂದಿಸಿದೆ. ಕಾಂದಹಾರ್‌ ಘಟನೆಯ ನಂತರ ಕೊಳ್ಳದಲ್ಲಿ ಸಂಭವಿಸುವ ನರಮೇಧದ ಘಟನೆಗಳೂ ಹೆಚ್ಚಿವೆ ಎಂದು ಹೆಸರು ಬಹಿರಂಗ ಪಡಿಸ ಬಯಸದ ಆ ಅಧಿಕಾರಿ ಅಭಿಪ್ರಾಯ ಪಡುತ್ತಾರೆ.

ಕದನ ವಿರಾಮವೂ ಹಾಗೂ ಅಮಾಯಕ ನಾಗರಿಕರ ಪ್ರಾಣ ಹರಣವೂ ..

ಅಧಿಕೃತ ಮೂಲಗಳ ಪ್ರಕಾರ, ಪ್ರಸಕ್ತ ವರ್ಷದಲ್ಲಿ ಉಗ್ರಗಾಮಿಗಳಿಂದ 31 ಧಾರ್ಮಿಕ ದಾಳಿಗಳು(ಫಿದಾಯಿನ್‌ ಅಟ್ಯಾಕ್ಸ್‌) ನಡೆದಿವೆ. ಇವುಗಳಲ್ಲಿ 9 ದಾಳಿಗಳು ರಂಜಾನ್‌ ಮಾಸದ ಕದನ ವಿರಾಮವನ್ನು ಘೋಷಿಸಿದ ನಂತರ ನಡೆದಿರುವುದು ಗಮನಾರ್ಹ. ಪ್ರಸ್ತುತ ಕದನ ವಿರಾಮದ ಅವಧಿಯನ್ನು ಮತ್ತೂ ಒಂದು ತಿಂಗಳು ವಿಸ್ತರಿಸಲಾಗಿದೆ.

ಸಾಮೂಹಿಕ ನರಮೇಧಗಳೂ ವಿವಾದಿತ ಪ್ರದೇಶದಲ್ಲಿ ಕಾಂದಹಾರ್‌ ಘಟನೆಯ ನಂತರ ಗಾಬರಿ ಹುಟ್ಟಿಸುವ ಪ್ರಮಾಣದಲ್ಲಿ ಹೆಚ್ಚುತ್ತಿವೆ. ಮಾಚ್‌ 20 ರಂದು 35 ಸಿಖ್ಖರ ಕಗ್ಗೊಲೆ, ಆಗಸ್ಟ್‌ 1 ರಂದು 34 ಯಾತ್ರಿಗಳು ಸೇರಿದಂತೆ ನೂರು ಜನರ ಕೊಲೆಗಳ ದುರಂತ ಇನ್ನೂ ಜನಮನದಿಂದ ಮಾಸಿಲ್ಲ .

ಇತ್ತೀಚೆಗೆ ದೆಹಲಿಯ ಕೆಂಪುಕೋಟೆಯಲ್ಲಿ ಪಾಕಿಸ್ತಾನ ಬೆಂಬಲಿತ ಉಗ್ರಗಾಮಿಗಳು ನಡೆಸಿದ ಗುಂಡಿನ ದಾಳಿ ಕೂಡ ಉಗ್ರಗಾಮಿಗಳ ಪ್ರಾಬಲ್ಯವನ್ನು ಸ್ಪಷ್ಟ ಪಡಿಸುತ್ತದೆ. ಒಟ್ಟಾರೆ, ಈ ಎಲ್ಲಾ ಘಟನೆಗಳು ಕಾಶ್ಮೀರದ ಸಾಮಾನ್ಯ ನಾಗರಿಕನ ಮರಣ ಭಯವನ್ನು ಮತ್ತಷ್ಟು ಹೆಚ್ಚಿಸಿವೆ. ಸರ್ಕಾರದ ಕದನ ವಿರಾಮ ಘೋಷಣೆಯಿಂದ ಆತ ತತ್ತರಿಸುವಂತಾಗಿದೆ. ಕದನ ವಿರಾಮ ಘೋಷಿಸಿದ ದಿನದಿಂದ ಈವರೆಗೆ 75 ನಾಗರಿಕರು ಕೊಲೆಗೀಡಾಗಿದ್ದಾರೆ. ಸರ್ಕಾರ ಮಾತ್ರ ಏನೂ ಸಂಭವಿಸಿಲ್ಲ ಅನ್ನುವಂತೆ ಕದನ ವಿರಾಮವನ್ನು ವಿಸ್ತರಿಸುತ್ತದೆ. ಪ್ರಧಾನಿ ಕೇರಳದಲ್ಲಿ ದೋಣಿ ವಿಹಾರದಲ್ಲಿ ವ್ಯಸ್ತರಾಗಿದ್ದಾರೆ.

(ಐಎಎನ್‌ಎಸ್‌)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more