ನಿತ್ಯ ಭವಿಷ್ಯ

ಜಾನುಕೊಂಡ ಶಾಮಾ ಶಾಸ್ತ್ರೀ

ಬಹಳ ದಿನಗಳ ನಂತರ ನಿಮ್ಮ ಇಷ್ಟದ ಗೆಳೆಯರು ರಜೆ ದಿನದ ಈ ಸಂಜೆ ನಿಮಗೆ ಜೊತೆಯಾಗುತ್ತಾರೆ. ಖುಷಿ ಗಳಿಗೆಗಳಲ್ಲಿ ನೀವು ರಸ್ತೆ ಸುತ್ತುತ್ತಿದ್ದ ದಿನಗಳ ನೆನಪು ಕಚಗುಳಿಯಿಡುತ್ತದೆ.

ವೃಷಭ : ಲಾಟರಿ, ಜೂಜು ಎಂದು ಹಣ ಹಾಳು ಮಾಡಿಕೊಳ್ಳಬೇಡಿ. ಸದ್ಯಕ್ಕೆ ನಿಮ್ಮ ಅದೃಷ್ಟದ ಗೆರೆ ಅಂಥಾ ಉಜ್ವಲವಾಗೇನೂ ಇಲ್ಲ . ಇಷ್ಟಕ್ಕೂ ನಿಮಗೆ ಹೇಳಿಕೊಳ್ಳುವಂತಹ ಹಣಕಾಸಿನ ಸಮಸ್ಯೆಗಳೇನೂ ಇಲ್ಲವಲ್ಲ .

ಮಿಥುನ : ಇದ್ದದ್ದೆಲ್ಲಾ ಮರೆತು ಚೆನ್ನಾಗಿರಲು ನಿರ್ಧರಿಸಿರುವುದು ಒಳ್ಳೆದು . ಇಂದು ಶುಭ ದಿನ.

ಕಟಕ : ಆರೋಗ್ಯದಲ್ಲಿ ಏರು ಪೇರು. ಕುಟುಂಬದಲ್ಲಿ ಕಲಹ. ಒಟ್ಟಿನಲ್ಲಿ ಭಾನುವಾರದ ರಜೆ ನಿಮ್ಮ ಪಾಲಿಗೆ ನೆಮ್ಮದಿ ತರುವಂಥದ್ದೇನೂ ಅಲ್ಲ .

ಸಿಂಹ : ಸಾಲದು ಎನ್ನುವುದು ಬೇಕು ಎನ್ನುವುದಕ್ಕೆ ತಾಯಿ ಅನ್ನುವುದು ನಿಜವಾದರೂ, ಸದಾ ನಿಮ್ಮ ಕುದುರೆಯೇ ರೇಸಿನಲ್ಲಿ ಗೆಲ್ಲುವುದು ಸಾಧ್ಯವಿಲ್ಲ . ಅವರು ಗೆದ್ದಲ್ಲಿ ಅವರ ಆನಂದದಲ್ಲಿ ನೀವೂ ಭಾಗಿಯಾದರಾಯಿತು.

ಕನ್ಯಾ : ಮತ್ತೆ ಹೊಸ ನೀರು ಕುಡಿಯುವ ಎಲ್ಲಾ ಸಾಧ್ಯತೆಗಳಿವೆ. ಇರುವ ಜಾಗೆ ಬಿಡುವುದು ಕಷ್ಟವಾದರೂ, ಭವಿಷ್ಯದ ದೃಷ್ಟಿಯಿಂದ ಸದ್ಯಕ್ಕೆ ಗಂಟು ಮೂಟೆ ಕಟ್ಟುವುದು ಕ್ಷೇಮ.

ತುಲಾ : ಹಿತವಾದ ಚಳಿಗೆ ಹಿತುಗಿದ ಅವರೆ ಭಾಳಾ ರುಚಿಕಟ್ಟು . ಜೊತೆಗೆ ರಾಗಿಮುದ್ದೆ, ಚಪಾತಿ, ದೋಸೆ ಏನಾದರೂ ಆದೀತು. ನಿಮ್ಮ ನಾಲಗೆಗೆ ಇವತ್ತು ಬಿಡುವೆಂಬುದೇ ಇಲ್ಲ .

ವೃಶ್ಚಿಕ : ಆಕಾಶದಲ್ಲಿ ಚುಕ್ಕಿಗಳೆಲ್ಲಾ ನೇರ ರೇಖೆಯಲ್ಲಿಲ್ಲ ಅನ್ನೋದು ಗೊತ್ತಾಗಲು ನಿಮಗೆ ಇಷ್ಟು ಕಾಲ ಬೇಕಾಯಿತಲ್ಲ . ಎಲ್ಲವೂ ಮೂಗಿನ ನೇರಕ್ಕೆ ನಡೆಯಬೇಕು ಎನ್ನುವ ಭಂಡತನ ಬೇಡ.

ಧನಸ್ಸು: ಹೋದ ಬಾಣವ ಮರಳಿ ತೊಡದಿರು ಅನ್ನುವ ಮಾತು ನಿಮಗೆ ಚೆಂದಾಗಿ ಅನ್ವಯಿಸುತ್ತದೆ. ಇಷ್ಟಕ್ಕೂ ಹಳತನ್ನೇ ಕೆತ್ತುತ್ತಾ ಕೂರುವಷ್ಟು ಸಮಯವೂ ನಿಮ್ಮಲ್ಲಿಲ್ಲ . ಹೊಸತನ್ನು ಯೋಚಿಸಿ.

ಮಕರ : ಆರಾಮ್‌ಸೇ ರಜೆ ಕಳೆಯುವುದಕ್ಕಿಂತ ಖುಷಿ ಇನ್ನೇನಿದೆ ? ಕೆಲಸಗಳು, ಖರ್ಚು, ಆಫೀಸಿನಲ್ಲಿ ಬದಲಾವಣೆಗಳು ಎಲ್ಲವೂ ನಿಮ್ಮ ಕಾಯುತ್ತಿವೆ. ಇವತ್ತಿಡೀ ಲೆಕ್ಕಾಚಾರದಲ್ಲಿಯೇ ಮುಳುಗಿರುತ್ತೀರಿ.

ಕುಂಭ : ಅನಿರೀಕ್ಷಿತ ಧನಲಾಭ ನಿಮ್ಮ ಪಾಲಿಗಿದೆ. ಕೆಲಸ ಮಾಡುತ್ತಿರುವ ಕ್ಷೇತ್ರದಲ್ಲಿ ಯಶಸ್ಸೂ ಇದೆ. ಎಲ್ಲವೂ ಈ ದಿನ ಶುಭವೇ.

ಮೀನ : ಮನೆ ಮಕ್ಕಳೊಂದಿಗೆ ಮೋಜು . ಉಲ್ಲಾಸದಾಯಕ ಪ್ರವಾಸ. ಈ ಆನಂದದಲ್ಲಿ ತಿಂಗಳ ಕೊನೆಯೆಂಬುದು ನಿಮ್ಮ ಪಾಲಿಗೆ (ಜೇಬಿಗೆ) ಅಷ್ಟು ಮುಖ್ಯವಾಗಬಾರದು.