ಶಿವಮೊಗ್ಗವನ್ನು ಹಿಂದೆ ಹಾಕಿದ ಗುಲ್ಬರ್ಗಾ

ಬೆಂಗಳೂರು : ರಾಜ್ಯದಲ್ಲಿ ಮತ್ತೆ ಒಣ ಹವೆ ಮುಂದುವರಿದಿದೆ. ಇದೇನಿದು ಒಣಹವೆ ಎಂದು ನೀವೂ ಪ್ರಶ್ನಿಸಬಹುದು. ನಮಗೆ ಜಿಯೋಗ್ರಫಿ ಮೆಸ್ಟ್ರು ಹೇಳಿದ ನೆನಪು. ಒಣಹವೆ ಎಂದ್ರೆ ಡ್ರೆೃ ವೆದರ್‌. ಅದು ಹೆಚ್ಚೂ ಕಮ್ಮಿ ಡ್ರೆೃ ಕಾಫ್‌ ತರಾನೆ.

ಡ್ರೆೃ ಕಾಫ್‌ ಬಂದ್ರಂತೂ, ಬರೀ ಕೆಮ್ಮು ಬರ್ತಾನೇ ಇರತ್ತೆ, ಆದ್ರೆ ಕಫಾನೇ ಬರಲ್ಲ. ಕೆಮ್ಮಿ ಕೆಮ್ಮಿ , ಗಂಟಲೆಲ್ಲಾ ಒಣಗಿ, ಎದೆ ನೋವಾಗಿ, ಸಂಕಟ ಆಗೋ ರೀತೀನೆ, ಈ ಡ್ರೆೃ ವೆದರ್‌ ಕೂಡ, ಬೆವರೂ ಹರಿಸದೆ, ಚಳಿಯ ನಡುಕವನ್ನೂ ಹೆಚ್ಚಾಗಿ ತಾರದೆ, ಒಳಗೊಳಗೇ ಸಂಕಟ ಪಡೋ ಹಾಗೆ ಮಾಡತ್ತೇ ಅಂತ. ಅವರು ಅಂದು ಅದನ್ನು ತಮಾಷೆಗೆ ಹೇಳಿದ್ದರಾದ್ರೂ, ಇವತ್ತಿನ ಹವೆ ಮಾತ್ರ ಹಾಗೇ ಇದೆ. ಶರೀರದ ಒಳಗೆ ಅರಿವಿಲ್ಲದ ಹಾಗೆ ಮತ್ತು ಹೊರಗೆ ವ್ಯಕ್ತ ಪಡಿಸಲಾಗದ ಸಂಕಟ ತರ್ತಾ ಇದೆ.

ಈ ಮಧ್ಯೆ ರಾಜ್ಯದ ಕರಾವಳಿ, ಉತ್ತರ ಒಳನಾಡಿನಲ್ಲಿ ಕನಿಷ್ಠ ತಾಪಮಾನ ಕುಸಿದಿದೆ. ನಿನ್ನೆ ಶಿವಮೊಗ್ಗಕ್ಕೆ ಕನಿಷ್ಠ ತಾಪಮಾನದ ರೇಸ್‌ನಲ್ಲಿ ಸೋತಿದ್ದ ಗುಲ್ಬರ್ಗಾ ಮತ್ತೆ ಇಂದು ತನ್ನ ಲೀಡ್‌ ಕಾಪಾಡಿಕೊಂಡಿದೆ. ಅಲ್ಲಿ 11ಡಿಗ್ರಿ ಸೆಲ್ಸಿಯಸ್‌ ತಾಪಮಾನ ದಾಖಲಾಗಿದೆ.

ದಕ್ಷಿಣ ಒಳನಾಡಿನ ಕೆಲವು ಕಡೆ ತಾಪಮಾನ ಸಾಮಾನ್ಯ ಮಟ್ಟಕ್ಕಿಂತಲೂ ಕಡಿಮೆ ಇತ್ತು. ಮುನ್ಸೂಚನೆಯ ರೀತ್ಯ ಭಾನುವಾರ ಬೆಳಗ್ಗೆ ವರೆಗೆ ರಾಜ್ಯದಲ್ಲಿ ಒಣಹವೆ ಅರ್ಥಾತ್‌ ಡ್ರೆೃ ವೆದರ್‌ ಮುಂದುವರಿಯಲಿದೆ. ಬೆಂಗಳೂರು ಹಾಗೂ ಸುತ್ತ ಮುತ್ತಲ ಪ್ರದೇಶಗಳಲ್ಲಿ ಸಾಮಾನ್ಯವಾಗಿ ನಿರ್ಮಲ ಆಕಾಶ ಇದ್ದು, ಕನಿಷ್ಠ ತಾಪಮಾನ 14 ಡಿಗ್ರಿಯ ಆಸುಪಾಸಿನಲ್ಲಿ ಇರುತ್ತದೆ ಎಂದು ಹವಾಮಾನ ವೀಕ್ಷಣಾಲಯದ ವರದಿ ಹೇಳಿದೆ.