ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಕಾರ್ಪೊರೇಟ್‌ ಜಗತ್ತಿನಲ್ಲಿ ಐದು ಮೆಟ್ಟಿಲುಗಳ ಜಿಗಿಯುವಿರಿ. ಮಕ್ಕಳು ಮಿತಿಮೀರುತ್ತಿದ್ದಾರೆ. ಸ್ವಲ್ಪ ಬುದ್ಧಿ ಮಾತು ಹೇಳಿ.

ವೃಷಭ : ಆರೋಗ್ಯದ್ದೇ ಸಮಸ್ಯೆ. ಪೀಕಲಾಟದಲ್ಲಿರುವ ಗೆಳೆಯನ ಹೊರೆಗೆ ಭುಜ ಕೊಡಲೇಬೇಕು. ಈ ನಡುವೆ ನಿಮ್ಮ ಕೆಲಸವೆಲ್ಲಾ ಗೋತಾ ಆಗಲಿದೆ.

ಮಿಥುನ : ಇಲೆಕ್ಟ್ರಾನಿಕ್‌ ಅಂಗಡಿಯವರ ವ್ಯಾಪಾರ ಠುಸ್ಸು. ಇಲ್ಲ ಸಲ್ಲದ ಗುಲ್ಲುಗಳಿಗೆ ಕಿವಿಗೊಡದೆ, ಮದುವೆಯ ಬಗೆಗೆ ನೀವೇ ಖುದ್ದು ತೀರ್ಮಾನ ತೆಗೆದುಕೊಳ್ಳಿ.

ಕಟಕ : ಹೃದಯಕ್ಕೆ ಹತ್ತಿರಾದವರ ಜೊತೆ ಸಣ್ಣ ವಿಷಯಕ್ಕೆ ಮನಸ್ತಾಪ ಮಾಡಿಕೊಂಡಿದ್ದೀರಿ. ಏನೂ ಮುಚ್ಚಿಡದೆ, ವ್ಯವಧಾನದಿಂದ ಮಾತನಾಡಿ ಸಮಸ್ಯೆ ಬಗೆಹರಿಸಿಕೊಳ್ಳಿ. ಇಲ್ಲವಾದರೆ ಅದು ದೊಡ್ಡದಾದೀತು.

ಸಿಂಹ : ಕಾಮನ್‌ ಸೆನ್ಸ್‌ ಪರೀಕ್ಷೆ. ನಿಮ್ಮ ಮಿದುಳಿಗೆ ತುಂಬಾ ಕೆಲಸ. ಛಲ ಬಿಡಬೇಡಿ. ಇಷ್ಟು ಮಾಡಿದಲ್ಲಿ ದಿ ಡೇ ವಿಲ್‌ ಬಿ ಯುವರ್ಸ್‌.

ಕನ್ಯಾ :ತೀರಾ ಮುಖ್ಯವಾದ ನಿರ್ಣಯ ಕೈಗೊಳ್ಳುವ ವಿಷಯದಲ್ಲಿ ತೊಳಲಾಟಕ್ಕೆ ಸಿಲುಕುವಿರಿ. ನಂಬಿಕಸ್ಥರ ಸಲಹೆ ಪಡೆಯೋದು ಒಳ್ಳೆಯದು.

ತುಲಾ : ಬೆಟ್ಟದಷ್ಟು ಆಸೆ ಬೇಡ. ಒಮ್ಮೆಲೇ ಜಿಗಿಯೋದಕ್ಕಿಂತ ಮೆಟ್ಟಿಲು ಮೆಟ್ಟಿಲಾಗಿ ಮೇಲೇರೋದೇ ಒಳಿತು. ಚಿನ್ನದ ಮೊಟ್ಟೆ ಇಡೋ ಕೊಳೀನ ಕುಯ್ಯೋ ಅತ್ಯಾಸೆ ಸಲ್ಲ.

ವೃಶ್ಚಿಕ : ಮರೀಚಿಕೆಯ ಹಿಂದೆ ಓಡುತ್ತಿದ್ದೀರಿ. ಓದು ಬರಹದಲ್ಲಿ ಮುಂದಿದ್ದೀರಲ್ಲ. ಅಷ್ಟು ಸಾಕು. ಮಿಕ್ಕೆಲ್ಲಾ ಕೆಲಸಕ್ಕೆ ಬಾರದ ವಿಷಯಗಳನ್ನು ಬದಿಗೊತ್ತಿ.

ಧನಸ್ಸು : ಬೆಳಗ್ಗೆ ಬಿಮ್ಮೆನ್ನುವ ಮನಸ್ಸು ಸಂಜೆ ಹೊತ್ತಿಗೆ ಹಾಯ್‌ ಎನ್ನುತ್ತದೆ. ಮನಸಲಿ ಮನೆ ಮಾಡಿರುವವರು ಕಣ್ಣ ಮುಂದೆ ಬರುತ್ತಾರೆ.

ಮಕರ : ದುಡ್ಡು ಕಾಸಿನ ವಿಷಯದಲ್ಲಿ ಸ್ನೇಹಿತನೊಂದಿಗೆ ಜಗಳವಾಗೋ ಸಾಧ್ಯತೆಯಿದೆ. ಅದನ್ನು ಅವಾಯ್ಡ್‌ ಮಾಡಿ. ಉಳಿದ ಯಾವ ತಲೆನೋವೂ ನಿಮಗಿಲ್ಲ.

ಕುಂಭ : ನೀವು ಆರಂಭ ಶೂರರೆನಿಸಿಕೊಳ್ಳುತ್ತೀರಿ. ದೊಡ್ಡ ಗಲಾಟೆ ಮಾಡುವ ಹುಮ್ಮಸ್ಸಿನಲ್ಲಿ ಸಣ್ಣ ಪುಟ್ಟ ಮುಖ್ಯ ವಿಷಯಗಳನ್ನು ಮರೆಯುವ ಸಾಧ್ಯತೆ ಇದೆ. ದೈವಾನುಗ್ರಹವಿರುವುದರಿಂದ ಅಂತಹ ತೊಂದರೆಯೇನೂ ಆಗದು.

ಮೀನ : ಆಡಿದಂತೆ ನಡೆಯದ್ದಕ್ಕೆ ನೀವು ಕೊಡುವ ಸಬೂಬಿಗೆ ಯಾರೂ ಕಿವಿಗೊಡರು. ಅದನ್ನು ಅರುಹುವ ಬದಲು ಸ್ಟೋರ್‌ ಮಾಡಿಟ್ಟುಕೊಳ್ಳಿ. ಮುಂದೆ ಕೆಲಸಕ್ಕೆ ಬಂದೀತು. ಒಲ್ಲದವರೊಡನೆ ನೀವೇ ರಾಜಿಯಾಗಬೇಕು. ಇಲ್ಲ ಮನೋರೋಗಿಯಾಗಬೇಕು.