ವೀರಪ್ಪನ್‌ ಶಿಕಾರಿ ಪಡೆಗಳಿಗೆ ನೆರವು ನೀಡಲು 50 ಅರಣ್ಯ ಸಿಬ್ಬಂದಿ

ಕೊಯಮತ್ತೂರು : ವೀರಪ್ಪನ್‌ ಶಿಕಾರಿಯಲ್ಲಿ ತೊಡಗಿರುವ ಎಸ್‌ಟಿಎಫ್‌ ಹಾಗೂ ಗಡಿಭದ್ರತಾ ಪಡೆಗೆ ಸಹಕರಿಸಲು ತಮಿಳುನಾಡು ಸರ್ಕಾರ 50 ಅರಣ್ಯ ಅಧಿಕಾರಿಗಳನ್ನು ನಿಯೋಜಿಸಿದೆ ಎಂದು ತಮಿಳುನಾಡು ಸರ್ಕಾರದ ಅರಣ್ಯ ಹಾಗೂ ಲೋಕೋಪಯೋಗಿ ಖಾತೆ ಸಚಿವ ದೊರೈ ಮುರುಗನ್‌ ಮಂಗಳವಾರ ಇಲ್ಲಿ ತಿಳಿಸಿದ್ದಾರೆ.

ವೀರಪ್ಪನ್‌ ಶಿಕಾರಿಯಲ್ಲಿ ತೊಡಗಿರುವ ಕಾರ್ಯಪಡೆಗಳಿಗೆ ನಿಯೋಜಿತ ಅರಣ್ಯ ಸಿಬ್ಬಂದಿ ಕಾಡಿನಲ್ಲಿ ಮಾರ್ಗದರ್ಶನ ನೀಡುವರು. ಕಾರ್ಯಾಚರಣೆಯಲ್ಲಿ ತೊಡಗಿರುವ ಪೊಲೀಸರಿಗೆ ಕಲ್ಪಿಸಲಾಗಿರುವ ಗಂಡಾಂತರ ಭತ್ಯ ಸೇರಿದಂತೆ ಎಲ್ಲಾ ಭತ್ಯೆಗಳನ್ನೂ ಅರಣ್ಯ ಸಿಬ್ಬಂದಿಗೂ ನೀಡಲಾಗುವುದು ಎಂದು ಮುರುಗನ್‌ ಹೇಳಿದರು.

ಎಸ್‌ಟಿಎಫ್‌ ಹಾಗೂ ಬಿಎಸ್‌ಎಫ್‌ ಪಡೆಗಳು 55 ಅರಣ್ಯ ಸಿಬ್ಬಂದಿಯ ನೆರವನ್ನು ಒದಗಿಸುವಂತೆ ಕೋರಿದ್ದವು. ನಾವು ಒದಗಿಸಿದ 70 ಸಿಬ್ಬಂದಿಯಲ್ಲಿ ಅವರು 50 ಸಿಬ್ಬಂದಿಯನ್ನು ಮಾತ್ರ ಆರಿಸಿಕೊಂಡಿದ್ದಾರೆ ಎಂದು ಸಚಿವರು ಹೇಳಿದರು.

ಕೊನೆಸಿಡಿ : ವೀರಪ್ಪನ್‌ ಶಿಕಾರಿಯಲ್ಲಿ ತೊಡಗಿರುವ ಪಡೆಗಳಿಗೆ ಸಹಾಯ ಮಾಡಲು 50 ಅರಣ್ಯ ಸಿಬ್ಬಂದಿ ಬದಲುಗೋಪಾಲ್‌ರನ್ನು ಕಳಿಸುವುದು ಹೆಚ್ಚು ಸೂಕ್ತವಾಗುತ್ತಿತ್ತೇನೋ.

(ಯುಎನ್‌ಐ)