ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ವ್ಯವಹಾರದಲ್ಲಿ ಉತ್ಸಾಹ ಉಲ್ಲಾಸವಿದೆ. ವಿಚಲಿತರಾಗದೆ ಬರುವುದನ್ನು ಧೈರ್ಯವಾಗಿ ಎದುರಿಸಿ, ಜಗಳವಾಡುವ ಪ್ರಸಂಗ ಬಂದೀತು, ನೀವೇ ಸೋತು ಬಿಡಿ.

ವೃಷಭ : ನಿಮ್ಮ ವರ್ತನೆ ಏಕೋ ಹದ್ದು ಮೀರಿದೆ ಎಂದು ನಿಮಗೆ ಅನ್ನಿಸುತ್ತಿದೆ. ಮನಸ್ಸನ್ನು ನಿಯಂತ್ರಣದಲ್ಲಿದೆ. ನಿಮ್ಮನ್ನು ನೀವು ಗೆದ್ದರೆ, ಜಗವೇ ನಿಮ್ಮ ಅಧೀನ. ಕಠಿಣ ಸಮಸ್ಯೆಗಳಿಗೆ ಪರಿಹಾರ ದೊರಕಲಿದೆ.

ಮಿಥುನ : ಅಷ್ಟಮ ಸ್ಥಾನದಲ್ಲಿ ಶುಕ್ರ ನಿಮಗೆ ಅಸಂತೋಷ ತರಲಿದ್ದಾನೆ. ದೈವಾನುಗ್ರಹ ನಿಮ್ಮಲ್ಲಿರುವುದರಿಂದ ಸಹಾಯವೂ ದೊರಕಲಿದೆ. ಮನೆದೇವರನ್ನು ನಂಬಿ ಹೆಜ್ಜೆ ಇಡಿ.

ಕಟಕ : ನಿಮ್ಮ ಮನೆಗೆ ಹೊಸ ಅತಿಥಿಯ ಆಗಮನವಾಗಲಿದೆ. ನಿಮ್ಮ ಕುಟುಂಬಕ್ಕೆ ಹೊಸ ಸದಸ್ಯನ ಸೇರ್ಪಡೆಯೂ ಆದೀತು. ಬದುಕಲ್ಲಿ ಪ್ರಗತಿ ಇದೆ. ಮನಸ್ಸಿಗೆ ನೆಮ್ಮದಿ ಇದೆ. ವಿಶ್ರಾಂತಿಗೆ ಸುದಿನ.

ಸಿಂಹ : ಬಲವುಳ್ಳ ಗ್ರಹಗಳ ಪ್ರಭಾವದಿಂದ ನೀವು ಪುರುಷ ಸಿಂಹರೇ ಆಗಿದ್ದೀರಿ. ಹಾಗೆಂದು ಸ್ವರ್ಗಕ್ಕೆ ಸೋಪಾನ ಕಟ್ಟಬೇಡಿ. ಸತ್ಪುರುಷರ ದರ್ಶದಿಂದ ನಿಮಗೆ ಲಾಭವಿದೆ. ಆರೋಗ್ಯದ ಬಗ್ಗೆ ಕೊಂಚ ಕಾಳಜಿ ಅಗತ್ಯ.

ಕನ್ಯಾ : ಪ್ರಗತಿಯ ಹೊಸ ಮೆಟ್ಟಿಲುಗಳನ್ನು ಏರುತ್ತಿದ್ದೀರಿ. ಹತ್ತುವ ಏಣಿಯ ಕಾಲುಗಳೇ ಅಲುಗಾಡುತ್ತಿವೆ. ಎಚ್ಚರಿಕೆಯಿಂದ ಹೆಜ್ಜೆಯಿಡಿ. ಮನಸ್ಸಿನ ದ್ವಂದ್ವಗಳಿಂದ ಹೊರಬರಲು ಧ್ಯಾನವೇ ಆಧಾರ.

ತುಲಾ : ನಿಮ್ಮ ಮನಸ್ಸೂ ಹೆಚ್ಚು ಕಮ್ಮಿ ತಕ್ಕಡಿಯಂತೆಯೇ ತೂಗಾಡುತ್ತಿದೆ. ಇದೆಲ್ಲಾ ಕ್ಷಣಿಕ. ಸಾವಧಾನದಿಂದ ಚಿಂತಿಸಿದರೆ, ಪ್ರಗತಿ, ಅತುರಪಟ್ಟರೆ ಕೇಡು. ಅತಿಯಾಸೆ ಪಟ್ಟರಂತೂ ಮುಗಿದೇ ಹೋಯಿತು. ಮರೆಯಬೇಡಿ.

ವೃಶ್ಚಿಕ : ಚೇಳಿನಂತೆಯೇ ಇತರರಿಗೆ ಕುಟುಕುವ ಸ್ವಭಾವ ನಿಮ್ಮದು. ನಿಮ್ಮ ಅತಿ ಬುದ್ಧಿವಂತಿಕೆಯ ಸಲಹೆಗಳು, ಕುಹಕದ ನುಡಿಗಳು ಇತರರಿಗೆ ನೋವು ಮಾಡುತ್ತವೆ ಎನ್ನುವುದನ್ನು ಮರೆಯಬೇಡಿ. ಯಾರನ್ನೂ ಕಡೆಗಣಿಸಬೇಡಿ. ಒಂದು ಹುಲ್ಲೂ ನೆರವಿಗೆ ಬರುತ್ತದೆ.

ಧನಸ್ಸು : ಪ್ರೀತಿ, ಪ್ರೇಮ, ಸರಸಕ್ಕೆ ಬೇರೆಯೇ ವೇದಿಕೆ ಇದೆ. ಎಲ್ಲರ ಕಣ್ಣುಗಳೂ ನಿಮ್ಮ ಮೇಲೆ ಇದ್ದಾಗಲಾದರೂ ಕೊಂಚ ಅಂಜಿಕೆ ಇರಲಿ. ಗುರು - ಶನಿಗಳ ಅಸಹಕಾರವಿದ್ದಾಗ್ಯೂ ಮಂಗಳನ ಬಲದಿಂದ ಲಾಭವಿದೆ. ವ್ಯಾಪಾರದಲ್ಲಿ ಜಯವಿದೆ.

ಮಕರ : ಪ್ರಯಾಣದ ಯೋಚನೆ ಬಿಡಿ. ನಿಮಗೆ ಅಗತ್ಯವಾಗಿ ಬೇಕಿರುವುದು ನೆಮ್ಮದಿ, ವಿಶ್ರಾಂತಿ. ಶುಕ್ರನ ಉತ್ತಮ ಸಹಕಾರ ಇದೆ. ಭಾಗ್ಯದ ಬಾಗಿಲು ತೆರೆಯುತ್ತದೆ. ಸ್ಥಳ ಬದಲಾವಣೆಯ ಸೂಚನೆ ಬರುತ್ತದೆ. ಮಾನಸಿಕವಾಗಿ ಸಿದ್ಧರಾಗಿ.

ಕುಂಭ : ಇಷ್ಟು ದಿನ ಇದ್ದ ದುಗುಡ, ಸಮಸ್ಯೆ ಪರಿಹಾರವಾಗುತ್ತದೆ. ನಿಮ್ಮ ಪ್ರತಿಷ್ಠೆಗೆ ಕುಂದಾಗದಂತೆ ಕೆಲಸ ಮಾಡಿ. ಒತ್ತಡದ ಪರಿಸ್ಥಿತಿಗೆ ಮನಸ್ಸನ್ನು ಒಗ್ಗಿಸಿಕೊಳ್ಳಿ.

ಮೀನ : ಅನಂತ ಹಸ್ತದಿಂದ ಶುಭಫಲಗಳಿವೆ. ಮುಂದಾಲೋಚನೆಯಿಂದ ನಿಮ್ಮದೇ ಸಾಮ್ರಾಜ್ಯ ನೀವು ಕಟ್ಟುತ್ತೀರಿ. ಕುತ್ಸಿತ ಮನಸ್ಸಿನ ಎಳೆಯರ ಮಾತು ಉಪೇಕ್ಷಿಸಿ. ನಾಯಿ ಬೊಗುಳಿದರೆ ದೇವಲೋಕ ಹಾಳಲ್ಲ.