ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಬೆಂಗಳೂರಲ್ಲಿ ಗ್ರಾಹಕ ಮೇಳ 2001 ಉದ್ಘಾಟನೆ
ಬೆಂಗಳೂರು : ಮೇಖ್ರಿ ವೃತ್ತದ ಬಳಿಯ ಅರಮನೆ ಮೈದಾನದಲ್ಲಿ ಜನವರಿ 7ನೇ ತಾರೀಖಿನವರೆಗೆ ಗ್ರಾಹಕ ವಸ್ತುಗಳ ಬೃಹತ್ ಮೇಳ ಐಸ್ 2001 ನಡೆಯಲಿದೆ. ಭಾನುವಾರ ಈ ಮೇಳವನ್ನು ಮುಖ್ಯಮಂತ್ರಿ ಎಸ್.ಎಂ. ಕೃಷ್ಣ ಬಲೂನ್ ಹಾರಿಸುವ ಮೂಲಕ ಉದ್ಘಾಟಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ವಿದ್ಯುತ್ ದರ ನಿಯಂತ್ರಣಕ್ಕಾಗಿಯೇ ಒಂದು ಪ್ರಾಧಿಕಾರ ಇದೆ. ಅದರ ಸಲಹೆಯ ಮೇರೆಗೆ ರಾಜ್ಯ ಸರಕಾರ ದರವನ್ನು ಅನುಷ್ಠಾನಕ್ಕೆ ತರುತ್ತದೆ. ಈಗಿನ ಸಂದರ್ಭದಲ್ಲಂತೂ ವಿದ್ಯುತ್ ದರ ಇಳಿಸಲು ಸಾಧ್ಯವಿಲ್ಲ ಎಂಬ ಸುಳಿವನ್ನು ನೀಡಿದರು. ಕಾರ್ಯಕ್ರಮದಲ್ಲಿ ಸಬಾಸ್ಟಿಯನ್, ಟಿ. ಇಷಿ ಮೊದಲಾದವರು ಪಾಲ್ಗೊಂಡಿದ್ದರು.
ಈ ಮೇಳದಲ್ಲಿ ಒಂದು ಸಾವಿರಕ್ಕೂ ಹೆಚ್ಚು ಮಳಿಗೆಗಳನ್ನು ತೆರೆಯಲಾಗಿದೆ. ಇ ಕಾಮರ್ಸ್ಗಾಗಿಯೇ ಪ್ರತ್ಯೇಕ ಮಳಿಗೆಗಳೂ ಇವೆ. ಗ್ರಾಹಕರಿಗೆ ಮನರಂಜನೆಯೂ ಮೇಳದಲ್ಲಿದೆ. ಸುಮಾರು 20 ಕೋಟಿ ರುಪಾಯಿಗಳ ವ್ಯವಹಾರವನ್ನು ಮೇಳ ನೀರೀಕ್ಷಿಸಿದೆ.
Comments
Story first published: Sunday, December 24, 2000, 5:30 [IST]