ನಾಗರಬಸ್ತಿಕೆರೆಯಲ್ಲಿ 1 ಕೋಟಿ ರು. ಅಫೀಮು ವಶ

ನಾಗರಬಸ್ತಿ ಕೆರೆ : ಸುಮಾರು ಒಂದು ಕೋಟಿ ಬೆಲೆ ಬಾಳುವ 800 ಕೆ.ಜಿ. ಅಫೀಮನ್ನು ನಾಗರಬಸ್ತಿ ಕೆರೆಯಲ್ಲಿ ಅರಣ್ಯಾಧಿಕಾರಿಗಳು ಇತ್ತೀಚೆಗೆ ವಶ ಪಡಿಸಿಕೊಂಡಿದ್ದಾರೆ.

ಹೊನ್ನಾವರದ ಅರಣ್ಯ ಇಲಾಖೆಯ ಸಹ ಸಂರಕ್ಷಣಾಧಿಕಾರಿ ಕೆ.ವಿ.ನಾಯಕ್‌ ಮಾಧ್ಯಮಗೋಷ್ಠಿಯಲ್ಲಿ ಶುಕ್ರವಾರ ಈ ವಿಷಯ ತಿಳಿಸಿದರು. ದುಷ್ಕರ್ಮಿಗಳು ದಟ್ಟ ಕಾಡಿನ ನಡುವಿನ 2 ಎಕರೆ ಜಾಗೆಯಲ್ಲಿ ಅಫೀಮು ಬೆಳೆದಿದ್ದಾರೆ. ಇದಕ್ಕಾಗಿ ಸುಮಾರು 20- 30 ಬೆಲೆ ಬಾಳುವ ಮರಗಳನ್ನು ಕಡಿದಿದ್ದಾರೆ. ಗೇರುಸೊಪ್ಪ ಅರಣ್ಯ ಪ್ರದೇಶದಲ್ಲೂ ದಾಸ್ತಾನು ಮಾಡಲಾಗಿದ್ದ ಅಫೀಮನ್ನು ವಶಪಡಿಸಿಕೊಳ್ಳಲಾಗಿದೆ. ಆದರೆ ಆರೋಪಿಗಳು ಕೈಗೆ ಸಿಗಲಿಲ್ಲ ಎಂದರು.

(ಯುಎನ್‌ಐ)