ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಮಿಂಚಿಹೋದ ಕಾರ್ಯಕ್ಕೆ ಚಿಂತಿಸಿ ಫಲವಿಲ್ಲ. ಮುಂದೇನಾಗಬೇಕೆಂದು ನೋಡಿ. ಧೈರ್ಯವೇ ಸರ್ವತ್ರ ಸಾಧನ.

ವೃಷಭ : ಆಪ್ತೇಷ್ಟರಿಂದ ಹಾಗೂ ಸಹೋದ್ಯೋಗಿಗಳಿಂದ ಪ್ರಶಂಸೆ ಕಾದಿದೆ. ನಿಮ್ಮ ಬದುಕು ಈಗ ಮಹತ್ವದ ತಿರುವಿನಲ್ಲಿದೆ. ಅನಿರೀಕ್ಷಿತ ಸಂಪತ್ತು ನಿಮ್ಮನ್ನು ಹುಡುಕಿಕೊಂಡು ಬರುತ್ತದೆ.

ಮಿಥುನ : ತೀರ್ಥಯಾತ್ರೆ ಮಾಡುವ ಬಹುದಿನಗಳ ಬಯಕೆ ಈಡೇರುತ್ತದೆ. ಉದ್ಯೋಗದಲ್ಲಿ ಪ್ರಗತಿ ಇದೆ. ಸೋದರಿ ನಿಮ್ಮ ನೆರವು ಬಯಸುತ್ತಾಳೆ.

ಕಟಕ : ನಿಮ್ಮ ಆತ್ಮೀಯರು ಇಂದು ದೂರವಾಗಿದ್ದಾರೆ. ಅಗಲಿಕೆಯ ವೇದನೆ ನಿಮ್ಮನ್ನು ಕಾಡುತ್ತಿದೆ. ಇದು ಕ್ಷಣಿಕ. ಮನಸ್ಸು ಹರಿ ಬಿಡದೆ ಕೆಲಸದಲ್ಲಿ ಶ್ರದ್ಧೆ ಇಡಿ. ಇದುವೆ ಭವಿಷ್ಯದ ಸೋಪಾನ.

ಸಿಂಹ : ಮಂಗಳಕಾರ್ಯದಲ್ಲಿ ಮುನ್ನಡೆ ಇದೆ. ವೇದಾಂತಿಗಳಿಗೆ ಭಾಗ್ಯೋದಯ. ಅಕಾಲ ಭೋಜನದಿಂದ ಅನಾರೋಗ್ಯ. ನಿಮ್ಮ ಬದುಕಿನ ರೀತಿ ತಿದ್ದಿಕೊಳ್ಳಿ.

ಕನ್ಯಾ : ನನಗಿಂತ ಯಾರಿಲ್ಲ ಎಂದು ತಿಳಿಯಬೇಡಿ. ಅಹಂಭಾವದಿಂದ ಕಾರ್ಯ ಹಾನಿ. ಜೂಜಿಗೆ ಮನಸೋತರೆ, ಮನೆ -ಮನ ಎರಡೂ ಹಾಳು ಎಚ್ಚರಿಕೆ.

ತುಲಾ : ಗೃಹ ನಿರ್ಮಾಣ ಕಾರ್ಯದಲ್ಲಿ ಪ್ರಗತಿ ಇದೆ. ವ್ಯಾಪಾರದಲ್ಲೂ ಅನುಕೂಲ ಇದೆ. ತಂತ್ರಜ್ಞಾನ ಕ್ಷೇತ್ರದಲ್ಲಿರುವವರಿಗೆ ಅನಿರೀಕ್ಷಿತ ಯಶಸ್ಸು ದೊರಕಲಿದೆ.

ವೃಶ್ಚಿಕ : ಎಲ್ಲರೂ ನಿಮ್ಮನ್ನೇ ಗಮನಿಸುತ್ತಿದ್ದಾರೆ. ನಿಮ್ಮ ಚಟುವಟಿಕೆಯೇ ಹಾಗಿದೆ. ಇತರರನ್ನು ಹಳಿಯಲು ಹೋಗಬೇಡಿ. ಅವರು ಹಗೆ ಇಟ್ಟರೆ ನಿಮಗೇ ಕೇಡು.

ಧನಸ್ಸು : ಆರೋಗ್ಯ ಹದಗೆಟ್ಟಿದೆ. ಅಪಕೀರ್ತಿಯೂ ಬೆನ್ನುಹತ್ತಿದೆ. ದೇವತಾರ್ಚನೆಯಿಂದ ದೋಷ ಪರಿಹಾರ. ಮೇಲಧಿಕಾರಿಗಳ ಸಲಹೆಯೇ ನಿಮಗೆ ಶ್ರೀರಕ್ಷೆ.

ಮಕರ : ಆರೋಗ್ಯ ಈಗ ಕೊಂಚ ಉತ್ತಮವಾಗಿದೆ. ಮನಸ್ಸೂ ನೆಮ್ಮದಿ ಬಯಸಿದೆ. ವ್ಯವಹಾರದಲ್ಲಿ ಜಯ. ಆಪ್ತ ಮಿತ್ರರಿಂದ ಅನುಕೂಲ ಇದೆ.

ಕುಂಭ : ಬಂಧುಗಳೊಂದಿಗೆ ಮನಸ್ತಾಪ ಬೇಡ. ಎಲ್ಲರೂ ಸುಖವಾಗಿರಲಿ ಎಂದು ಹಾರೈಸಿ. ಹಿತ ಶತ್ರುಗಳ ಬಗ್ಗೆ ಎಚ್ಚರಿಕೆಯಿಂದಿರಿ, ಜಯ ಎಂದಿಗೂ ನಿಮ್ಮದೆ.

ಮೀನ : ವಾಕ್‌ ಚಾತುರ್ಯದಿಂದ ಲಾಭವಿದೆ. ಹೊಸ ಹೊಸ ಯೋಜನೆಗಳಲ್ಲಿ ಯಶಸ್ಸಿದೆ. ದೇವರನ್ನು ನಂಬಿ ಕೆಟ್ಟವರಿಲ್ಲ. ಕುಲದೇವರನ್ನೇ ನಂಬಿ ಮುಂದಡಿ ಇಡಿ.