• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸರಣಿ ಜೀವಂತವಾಗುಳಿಸಿದ ರೋಚಕ ಪಂದ್ಯದಲ್ಲಿ ನ ಜಿಂಬಾಬ್ವೆ ಗೆಲುವು

By Staff
|

ಜೋಧ್‌ಪುರ್‌ : ಇಲ್ಲಿನ ಬರ್ಕತುಲ್ಲಾ ಖಾನ್‌ ಮೈದಾನದಲ್ಲಿ ಶುಕ್ರವಾರ ನಡೆದ ರೋಮಾಂಚಕಾರಿ ಪಂದ್ಯದಲ್ಲಿ ಇನ್ನೊಂದು ಚೆಂಡು ಬಾಕಿ ಇರುವಂತೆ ಗೆಲುವಿನ ರನ್ನನ್ನು ದಾಖಲಿಸಿದ ಜಿಂಬಾಬ್ವೆ ಸರಣಿಯನ್ನು ಜೀವಂತವಾಗಿರಿಸಿತು.

ಭಾರತದ 283 ರನ್‌ಗಳನ್ನು ಬೆನ್ನತ್ತಿದ ಜಿಂಬಾಬ್ವೆ ಆರಂಭದಲ್ಲಿಯೇ ಮೂರು ವಿಕೆಟ್‌ಗಳನ್ನು ಕಳೆದುಕೊಂಡಿತು. ನಾಲ್ಕನೇ ವಿಕೆಟ್‌ ಜೊತೆಯಾಟಕ್ಕೆ ಫ್ಲ್ಲಾವರ್‌ ಸೋದರರ 158 ರನ್‌ ಜೊತೆಯಾಟದಿಂದ ಜಿಂಬಾಬ್ವೆ ಗೆಲುವು ಸುಲಭ ಸಾಧ್ಯವಾಗಿದ್ದ ಸಂದರ್ಭದಲ್ಲಿ ಅನಿರೀಕ್ಷಿತ 3 ವಿಕೆಟ್‌ಗಳ ಪತನದಿಂದ ಭಾರತದ ಗೆಲುವಿನ ಆಸೆ ಮತ್ತೆ ಚಿಗುರಿತು. ಆದರೆ, ದಿಟ್ಟ ಆಟ ಪ್ರದರ್ಶಿಸಿದ ಬಾಲಂಗೋಚಿಗಳು ಭಾರತಕ್ಕೆ ಗೆಲುವನ್ನು ನಿರಾಕರಿಸಿದರು. ಅದ್ಭುತ ಆಟವಾಡಿದ ಕಾಲಾ 27 ಚೆಂಡುಗಳಲ್ಲಿ 1 ಸಿಕ್ಸರ್‌(ಜೋಶಿಗೆ) ಹಾಗೂ 4 ಬೌಂಡರಿಗಳಿದ್ದ 36 ರನ್‌ ಚಚ್ಚಿದರೆ, ನಾಯಕ ಹೀತ್‌ಸ್ಟ್ರೀಕ್‌ 17 ಚೆಂಡುಗಳಲ್ಲಿ 23 ರನ್‌ ಗಳಿಸಿದರು. ಇದರಿಂದಾಗಿ ಜಿಂಬಾಬ್ವೆ 49.5 ಓವರ್‌ಗಳಲ್ಲಿ 9 ವಿಕೆಟ್‌ ನಷ್ಟಕ್ಕೆ 284 ರನ್‌ ಗಳಿಸಿತು.

ಕೊನೆಯ ಎರಡು ಓವರುಗಳಲ್ಲಿ ಗೆಲುವಿಗೆ 10 ರನ್‌ಗಳು ಬೇಕಿದ್ದವು. 49 ನೆಯ ಓವರ್‌ನಲ್ಲಿ 7 ರನ್‌ ಗಳಿಸಿದ ಜಿಂಬಾಬ್ವೆ ಕೊನೆಯ ಓವರ್‌ನಲ್ಲಿ ಮೂರು ರನ್ನುಗಳನ್ನು ಸಂಪಾದಿಸುವ ತುರುಸಿನಲ್ಲಿ ಎರಡು ವಿಕೆಟ್‌ ಕಳೆದುಕೊಂಡರೂ, ಅದರ ಗೆಲುವಿಗೆ ಅಡ್ಡಿಯಾಗಲಿಲ್ಲ . ಜಿಂಬಾಬ್ವೆ ಪರ ಆ್ಯಂಡಿ ಫ್ಲವರ್‌ 108 ಚೆಂಡುಗಳಲ್ಲಿ 77 ರನ್‌ ಗಳಿಸಿದರು. ಸೋದರ ಗ್ರ್ಯಾಂಟ್‌ ಫ್ಲಾವರ್‌ 94 ಎಸೆತಗಳಲ್ಲಿ 70 ರನ್‌ ಗಳಿಸಿದರು. ಭಾರತದ ಪರ ಪ್ರಸಾದ್‌ 3 ವಿಕೆಟ್‌ ಪಡೆದರೆ, ಜಹೀರ್‌, ಜೋಶಿ, ತೆಂಡೂಲ್ಕರ್‌ ಹಾಗೂ ಅಗರ್ಕರ್‌ ತಲಾ 1 ವಿಕೆಟ್‌ ಗಳಿಸಿದರು.

ಇದಕ್ಕೆ ಮೊದಲು ಸಚಿನ್‌ ತೆಂಡೂಲ್ಕರ್‌ ತಮ್ಮ 27 ನೇ ಶತಕ ಸಿಡಿಸಿದರು. ಅವರ ಅಮೋಘ 146 (153 ಎಸೆತ, 15 ಬೌಂಡರಿ,2 ಸಿಕ್ಸರ್‌) ರನ್‌ಗಳ ನೆರವಿನಿಂದ ಭಾರತ ಉತ್ತಮ ಎನ್ನುವ ಮೊತ್ತ ಸಂಪಾದಿಸಲು ಸಾಧ್ಯವಾಯಿತು. ಕೊನೆಯ ಓವರ್‌ನಲ್ಲಿ ಜಹೀರ್‌ಖಾನ್‌ ಸಿಡಿಸಿದ 4 ಅದ್ಭುತ ಸಿಕ್ಸರ್‌ಗಳು ತಂಡದ ಮೊತ್ತವನ್ನು ಉಬ್ಬಿಸಿದವು. ಉಳಿದಂತೆ ಭಾರತದ ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳು ವಿಫಲರಾದರು. ದ್ರಾವಿಡ್‌ 30 ಗಳಿಸಿದರೆ, ಗಂಗೂಲಿ ಗಳಿಸಿದ್ದು 5ರನ್‌ ಮಾತ್ರ. ಭರವಸೆಯ ಯುವ ಆಟಗಾರ ಬದಾನಿ 1 ರನ್‌ ಗಳಿಸಿದರೆ, ಯುವರಾಜ್‌ 5 ರನ್‌ ಗಳಿಸಿದರು. ಪಿಂಚ್‌ ಹಿಟ್ಟರ್‌ ಜೋಶಿ 24 ಚೆಂಡುಗಳಲ್ಲಿ 25 ರನ್‌ ಗಳಿಸಿದರು. ಜಿಂಬಾಬ್ವೆ ಪರ ಜಿ. ಫ್ಲಾವರ್‌ 3 ವಿಕೆಟ್‌ ಗಳಿಸಿ ಯಶಸ್ವಿ ಬೌಲರ್‌ ಎನಿಸಿದರು.

ಆಲ್‌ರೌಂಡ್‌ ಪ್ರದರ್ಶನ ನೀಡಿದ ಗ್ರ್ಯಾಂಟ್‌ ಫ್ಲಾವರ್‌ ಪಂದ್ಯದ ಪುರುಷೋತ್ತಮ ಪ್ರಶಸ್ತಿ ಗಿಟ್ಟಿಸಿದರು. ಮುಂದಿನ ಪಂದ್ಯಗಳು ಡಿಸೆಂಬರ್‌ 11 ರಂದು ಕಾನ್ಪುರ್‌ನಲ್ಲಿ ಹಾಗೂ ಡಿ.14 ರಂದು ರಾಜ್‌ಕೋಟ್‌ನಲ್ಲಿ ನಡೆಯಲಿದೆ.

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more