ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಹೀಗೂ ಆಗುತ್ತಾ ಎಂದು ಯೋಚಿಸುತ್ತೀರಿ. ಒಗರಿನ ಜೊತೆಗೆ ಖುಷಿಯ ಸಿಹಿ ನಿಮ್ಮ ನ್ನು ಎದುರು ನೋಡುತ್ತಿದೆ. ಬಾಂಧವರನ್ನು ನೋಡುವ ಯೋಗ ಇದೆ.

ವೃಷಭ : ನೀವಂದು ಕೊಂಡಂತೆ ಆಗಬೇಕಿದ್ದರೆ ಪ್ರಯತ್ನ ಇನ್ನಷ್ಟು ಬೇಕು. ಬಿಸಿನೆಸ್‌ ಫೀಲ್ಡ್‌ನ ಆಕರ್ಷಣೆ ಉತ್ತಮವಾದದ್ದೇ.

ಮಿಥುನ : ಗೊಂದಲ ನಿಮಗಂಟಿಕೊಂಡದ್ದು ಎಂದು ಬೇಜಾರು ಬೇಡ. ಕಾಲ ಉತ್ತರಿಸುತ್ತದೆ. ಪರೀಕ್ಷೆಗಳು ಹತ್ತಿರದಲ್ಲೇ ಇದೆ ಆದ್ದರಿಂದ ಸಿದ್ಧರಾಗಿ.

ಕಟಕ : ಹತ್ತಿರದವರಿಗಾಗಿ ಕಾಯುತ್ತಿದ್ದೀರಿ. ಆದರೆ ನಿಮಗೆ ನಿರಾಶೆ ಕಾದಿದೆ. ಅವರನ್ನು ಬರ ಮಾಡಿಕೊಳ್ಳುವ ಯೋಗ ಮುಂದೂಡಲ್ಪಟ್ಟಿದೆ.

ಸಿಂಹ : ಕಲ್ಲು ಹೊಡೆದು ನೋಡುವ ಬುದ್ಧಿ ಎಲ್ಲದರಲ್ಲೂ ಫಲಿಸುವುದಿಲ್ಲ. ನಿಮ್ಮಷ್ಟೇ ನಿಮ್ಮ ಗೆಳೆಯರೂ ಚತುರರು. ಆದ್ದರಿಂದ ಗೆಳೆತನ ಉಳಿಸಿಕೊಳ್ಳುವತ್ತ ಗಮನ ಹರಿಸಿ.

ಕನ್ಯಾ : ಷೇರು ಕೊಂಡು ಕೊಳ್ಳಬೇಕೆಂದಿದ್ದರೆ, ತಡ ಬೇಡ. ಇದು ಒಳ್ಳೆಯ ಸಮಯ. ಮನೆದೇವರನ್ನು ಮರೆಯಬೇಡಿ.

ತುಲಾ : ಸ್ನೇಹಿತರ ಭೇಟಿ. ಮನೆಯಲ್ಲಿ ಕಿರಿಕಿರಿ. ಬಾಸ್‌ನಿಂದ ಹೊಗಳಿಕೆ. ಎಲ್ಲ ಅನಿರೀಕ್ಷಿತ ಎಂದು ಕಕ್ಕಾ ಬಿಕ್ಕಿಯಾಗುವುದಿಲ್ಲ ವಷ್ಟೇ !

ವೃಶ್ಚಿಕ : ಎಲ್ಲರೂ ಎಲ್ಲಾ ಸಮಯದಲ್ಲಿಯೂ ಸಲಹೆ ನೀಡುವುದಿಲ್ಲ, ನಿಮಗೆ ಕಷ್ಟ ಎಂದು ಪಾಪ ಪುಣ್ಯ ತೋರಿಸುವುದಿಲ್ಲ. ಸ್ವಲ್ಪ ಗಂಭೀರ ವಾಗಿರುವುದನ್ನು ಕಲಿತುಕೋಬೇಕು.

ಧನಸ್ಸು : ಅವಳು ಸಿಟ್ಟುಗೊಂಡಳೆಂದು ನೀವೂ ಸಿಟ್ಟುಗೊಳ್ಳುವುದಲ್ಲ. ರಮಿಸಿ. ಖುಷಿಯ ದಿನ ತಕ್ಷಣ ನಿಮ್ಮ ಮುಂದೆ ನಿಂತು ಬಿಡುತ್ತದೆ.

ಮಕರ : ಶುಭ ಸುದ್ದಿಗೆ ಕಾಯುತ್ತಿದ್ದುದು ಸಾರ್ಥಕವಾಗುತ್ತದೆ. ಮೇಲಧಿಕಾರಿಗಳಿಂದ ಹೊಗಳಿಸಿಕೊಳ್ಳುತ್ತೀರಿ. ಸಣ್ಣ ಪುಟ್ಟ ಜಗಳಗಳಿಗೆ ಮುನಿಸೇಕೆ ?

ಕುಂಭ : ಐಶಾರಾಮದ ಮಹಲು ಮುಂದಿರುವಾಗ ಎರಡು ಕ್ಷಣ ಕಾಯುವ ತಾಕತ್ತು ಇಲ್ಲವೇ... ? ಜೀವನದಲ್ಲಿ ಜಿಗುಪ್ಸೆ ಎಂದು ವರಾತ ಮಾಡುವುದರಿಂದ ಇಮೇಜು ಹಾಳು ಮಾಡಿಕೊಳ್ಳುತ್ತೀರಿ.

ಮೀನ : ನಿಮ್ಮ ಕೆಲಸವನ್ನು ಗಮನಿಸುತ್ತಿರುವವರ ಬಳಿಯೇ ಸುಳ್ಳು ಹೇಳುವ ಸಾಹಸ ಬೇಡ. ಅವಕಾಶಗಳು ಮುಚ್ಚಿಹೋಗುತ್ತವೆ ಎಂದೂ ಹೆದರಬೇಡಿ. ಒಟ್ಟಿನಲ್ಲಿ ಬೆಸ್ಟ್‌ ಆಫ್‌ ಲಕ್‌.