• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಭರವಸೆ ಹುಟ್ಟಿಸಿದ ಬದಾನಿಗೆ ಟೋನಿ ಗ್ರೇಗ್‌ ಶಹಭಾಷ್‌ಗಿರಿ

By Staff
|

ಕಟಕ್‌ : ‘ನಾನೇನಾದರೂ ಭಾರತ ಕ್ರಿಕೆಟ್‌ ತಂಡವನ್ನು ಆಯ್ಕೆ ಮಾಡುವವನಾದರೆ ಹೇಮಾಂಗ್‌ ಬದಾನಿ ಮತ್ತು ಯುವರಾಜ್‌ ಸಿಂಗ್‌ನನ್ನು ಯಾವುದೇ ಕಾರಣಕ್ಕೂ ಡ್ರಾಪ್‌ ಮಾಡೋಲ್ಲ’. ಕ್ರಿಕೆಟ್‌ ರಂಗದಲ್ಲಿ ನಿರ್ದಾಕ್ಷಿಣ್ಯ, ನೇರ ಮಾತುಗಳಿಗೆ ಹೆಸರುವಾಸಿಯಾಗಿರುವ ಪಂದ್ಯ ವೀಕ್ಷಕ ವಿವರಣೆಗಾರ ಟೋನಿ ಗ್ರೇಗ್‌ ಹೇಳಿರುವ ಮಾತಿದು. ಸಂದರ್ಭ, ಶನಿವಾರದ ಜಿಂಬಾಬ್ವೆ ವಿರುದ್ಧದ ಭಾರತದ ಪಂದ್ಯ.

ಸಚಿನ್‌, ಗಂಗೂಲಿ 100ಕ್ಕೂ ಹೆಚ್ಚು ರನ್‌ಗಳ ಜೊತೆಯಾಟ ಆಡಿ ಕೊಟ್ಟರೂ ನಂತರದ ಅಗ್ರ ಕ್ರಮಾಂಕದ ಒಂದಿಬ್ಬರು ಅಗ್ಗವಾಗೇನಾದರೂ ಔಟಾದರೆ ಅಲ್ಲಿಗೆ ಭಾರತದ ಕತೆ ಮುಗಿಯಿತು ಎಂಬ ಸಂಪ್ರದಾಯವನ್ನು ಹೊಸಬರು ಅಳಿಸಿ ಹಾಕಿದ್ದಾರೆ.

ಆಡುವ ಮೊದಲ ಎಸೆತವನ್ನೇ ಬೌಂಡರಿಗಟ್ಟುವ ಬಲಶಾಲಿ ಯುವರಾಜ್‌, ಒಂದೆಡೆ ವಿಕೆಟ್‌ಗಳು ತುಪು ತುಪು ಉದುರುತ್ತಿದ್ದರೂ ತಾಳ್ಮೆ ಕಾಯ್ದುಕೊಂಡು ಅಗತ್ಯಕ್ಕೆ ತಕ್ಕ ಆಟ ಆಡುವ ಬದಾನಿ, ಭಾರತದ ವಿಕೆಟ್‌ ಕೀಪರ್‌ಗಳು ಉತ್ತಮ ಬ್ಯಾಟ್ಸ್‌ಮನ್‌ಗಳಲ್ಲ ಅನ್ನುವ ಹಣೆಪಟ್ಟಿ ಕಿತ್ತೆಸೆದಿರುವ ವಿಜಯ್‌ ದಹಿಯಾ, ಸ್ಲಾಗ್‌ ಓವರ್‌ಗಳಲ್ಲಿ ಅಗತ್ಯ ಬೌಂಡರಿ ಹೊಡೆಯುವ ಸಾಮರ್ಥ್ಯವಿರುವ ಜೋಷಿ ಹಾಗೂ ಅಗರ್ಕರ್‌ ಭಾರತ ಕ್ರಿಕೆಟ್‌ ತಂಡದ ಹೊಸ ಭರವಸೆಗಳು.

ಶನಿವಾರದ ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಸಚಿನ್‌- ಗಂಗೂಲಿ ಜೋಡಿ ಉತ್ತಮ ಆರಂಭ ಒದಗಿಸಿಕೊಟ್ಟರೂ, ನಂತರ ಕೆಟ್ಟ ಹೊಡೆತಗಳಿಗೆ ಬೆಲೆ ತೆತ್ತರು. ರನ್ನಿಂಗ್‌ ಬಿಟ್ವೀನ್‌ ದಿ ವಿಕೆಟ್ಸ್‌ನಲ್ಲಿ ಸದಾ ಕುಂಟುವ ಭಾರತ ದ್ರಾವಿಡ್‌ ಹಾಗೂ ಹೊಸಬ ರಿತಿಂದರ್‌ ಸಿಂಗ್‌ ಸೋದಿ ವಿಕೆಟ್‌ ಕಳೆದುಕೊಂಡದ್ದೂ ತನ್ನ ಈ ಹಳೆ ಚಾಳಿಯಿಂದಲೇ. ಯುವರಾಜ್‌ ಆತ್ಮವಿಶ್ವಾಸದಿಂದ ಆಟ ಶುರು ಮಾಡಿದರೂ, ತೀರಾ ಕೆಳಗೆ ಬಂದ ಚೆಂಡು ಅವರನ್ನು ಎಲ್‌ಬಿಡಬ್ಲ್ಯು ಬಲೆಗೆ ಸಿಲುಕಿಸಿತು. 150 ಕ್ಕೆ 5 ವಿಕೆಟ್‌ ಕಳೆದುಕೊಂಡಿದ್ದ ಭಾರತದ ಕತೆ ಮುಗಿಯಿತೆಂದು ವೀಕ್ಷಕರು ಮನೆಗೆ ಹೋಗಲು ಪ್ರಾರಂಭಿಸಿದರು.

ಆಗ ಗೆದ್ದದ್ದು ಪಂದ್ಯ ಪುರುಷೋತ್ತಮರಾದ ಬದಾನಿ ತಾಳ್ಮೆ (ಅಜೇಯ 55). ದಹಿಯಾ ಆಕ್ರಮಣ (35 ಎಸೆತಗಳಿಗೆ 35). ಕೊನೆಗ, 7 ಬಾರಿ ಒಂದೇ ಸಮ ಶೂನ್ಯ ಸಂಪಾದನೆ ಮಾಡಿರುವ ನಂಬಲಿಕ್ಕೇ ಲಾಯಕ್ಕಲ್ಲದ ಅಜಿತ್‌ ಅಗರ್ಕರ್‌(3 ಬೌಂಡರಿಗಳಿದ್ದ ಅಜೇಯ 19 ) ಅವರ ಅಗತ್ಯಕ್ಕೆ ತಕ್ಕ ಆಟ. ಪರಿಣಾಮ ಜಿಂಬಾಬ್ವೆಯ 254 ರನ್‌ಗಳ ಸವಾಲಿಗೆ ಭಾರತದ 255 ರನ್‌ಗಳ ಅನಿರೀಕ್ಷಿತ ಜವಾಬು. ಭಾರತಕ್ಕೆ 3 ವಿಕೆಟ್‌ಗಳ ಜಯ.

ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡ ಜಿಂಬಾಬ್ವೆ, ಕಾರ್ಲೈಲ್‌ (ಅಜೇಯ 91) ಹಾಗೂ ಕ್ಯಾಂಪ್‌ಬೆಲ್‌ (69) ಆಟದ ನೆರವಿನಿಂದ 50 ಓವರ್‌ಗಳಲ್ಲಿ 7 ವಿಕೆಟ್‌ಗೆ 253 ರನ್‌ ಕಲೆ ಹಾಕಿತು. ಬೌಲ್‌ ಮಾಡಲು ಹೆಚ್ಚು ಸಮಯ ತೆಗೆದುಕೊಂಡ ಭಾರತ 49 ಓವರ್‌ಗಳಲ್ಲೇ ಗುರಿ ಮುಟ್ಟಬೇಕಾಯಿತು. ಶನಿವಾರ ಬೌಲರ್‌ಗಳ ದಿನವಾಗಿರಲಿಲ್ಲ. ಭಾರತದ ಪರ ವೆಂಕಿ ಹಾಗೂ ಅಗರ್ಕರ್‌ ತಲಾ 2, ಜಿಂಬಾಬ್ವೆ ಪರ ಮರ್ಫಿ ಹಾಗೂ ವಿಜಾನ್‌ ತಲಾ 2 ವಿಕೆಟ್‌ ಗಳಿಸಿದರು.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಆಟದ ಅಂಗಳ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more