ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಲಕ್ಷ್ಮೀ ಬಾರಮ್ಮ ಎಂದು ಈಸು ಕಾಲ ನೀವು ಹಾಡುತ್ತಿದ್ದ ಪ್ರಾರ್ಥನೆ ಮುಟ್ಟ ಬೇಕಾದವರಿಗೆ ಮುಟ್ಟಿದೆ. ಲಕ್ಷ್ಮಿ ಇಂದು ಮನೆ ತುಂಬಲಿದ್ದಾಳೆ. ಮನ ತುಂಬಬೇಕಾದ ಲಕ್ಷ್ಮಿಯ ಪ್ರವೇಶಕ್ಕೆ ನೀವೇ ಮನಸ್ಸು ಮಾಡುತ್ತಿಲ್ಲ.

ವೃಷಭ : ನೀವು ಆರಂಭಿಸಿರುವ ದೀರ್ಘ ಹೋರಾಟದ ಮೊದಲನೇ ಹಂತದ ಸೋಲು ನಿಮ್ಮದೇ. ಅಂದ ಮಾತ್ರಕ್ಕೆ ಎದೆಗುಂದುವುದು ಬೇಡ. ಸತ್ಯದ ಪಕ್ಷದಲ್ಲಿ ನೀವಿರುವುದರಿಂದ ನಾಳಿನ ಗೆಲುವು ನಿಮ್ಮದು.

ಮಿಥುನ : ಮನೆದೇವರನ್ನು ಪೂಜಿಸಿ. ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ. ಇಷ್ಟ ಪಾತ್ರರನ್ನು ಭೇಟಿಯಾಗುವ ಹಾಗೂ ಉಳಿದವರನ್ನು ಮರೆಯುವ ಕಾಲ ಹತ್ತಿರದಲ್ಲೇ ಇದೆ.

ಕಟಕ : ಮನೆಯಲ್ಲಿನ ಕಿರಿಕಿರಿ ಇಂದು ಆಫೀಸಿಗೆ ವರ್ಗಾವಣೆಯಾಗಲಿದೆ. ಈ ಬಿಸಿಯಲ್ಲಿ ತಾಳ್ಮೆ ಕಳೆದುಕೊಂಡರೆ ಸಂಜೆಯ ನಿಯೋಜಿತ ಕಾರ್ಯಗಳಲ್ಲಿ ಸಾಕಷ್ಟು ಹಣ ಕೈ ಬಿಡುತ್ತದೆ.

ಸಿಂಹ : ಪ್ರಭಾವಿ ವ್ಯಕ್ತಿಗಳು ನಿಮ್ಮ ಬಾಳಿನಲ್ಲಿ ಪ್ರವೇಶಿಸಲಿದ್ದಾರೆ. ಅವರಿಂದ ನಿಮ್ಮ ಬದುಕಿಗೆ ತಿರುವು ಸಿಗುವ ಸಾಧ್ಯತೆಯೂ ಇದೆ.

ಕನ್ಯಾ : ನಿಮ್ಮ ಸೇವೆಗೆ ಅವರು ಪ್ರಸನ್ನರಾಗಿದ್ದಾರೆ. ಅಂದುಕೊಂಡಿದ್ದೆಲ್ಲಾ ನಿಮ್ಮದಾಗುತ್ತದೆನ್ನುವ ಸ್ಪಷ್ಟ ಸೂಚನೆ ನಿಮಗಿಂದು ಸಿಗಲಿದೆ. ಸುಮ್ಮನೆ ಆತಂಕ ಯಾಕೆ ?

ತುಲಾ : ಹೊಸ ಉದ್ಯಮಕ್ಕೆ ಕೈ ಹಾಕುವುದಾದರೆ ಸ್ನೇಹಿತರ ಸಹಕಾರ ಭಾಗ್ಯವಿದೆ. ಹಳೆಯ ಕ್ಷೇತ್ರವನ್ನು ನಿರ್ಲಕ್ಷಿಸಿದರೆ, ತುಸು ಕಷ್ಟ ಒದಗಬಹುದು. ಹೆಂಡತಿಯಾಡನೆ ಕಟಿಪಿಟಿ ಇರಬಹುದು. ಅದರಿಂದ ಅಂತಹ ತೊಂದರೆಯೇನಿಲ್ಲ.

ವೃಶ್ಚಿಕ : ಎಲ್ಲ ಉತ್ತಮ ಭವಿಷ್ಯ ವಾಣಿಗಳನ್ನು ಓದುತ್ತಾ ಕೈ ಕಟ್ಟಿ ಕುಳಿತರಾಗದು. ನಿಮ್ಮ ನೌಕರಿಯ ಮೇಜಿಗಿಂತ ದೂರದಲ್ಲಿದೆ ಯಶಸ್ಸು. ಕಾರ್ಯಕ್ರಮಗಳು ನಿಮಗೋಸ್ಕರ ಕಾಯುತ್ತಿವೆ. ಪ್ರೀತಿ ಪ್ರೇಮಗಳ ವಿಷಯದಲ್ಲಿ ನಿಮ್ಮ ಯೋಚನೆಗೆ ವ್ಯತಿರಿಕ್ತವಾಗಿ ಘಟನೆಗಳು ನಡೆದರೆ ಬೇಸರ ಬೇಡ.

ಧನಸ್ಸು : ಕಲ್ಪನೆ, ಸೃಜನ ಶೀಲತೆ ನಿಮ್ಮ ಬಳಿ ಇದ್ದರೆ ಇದು ನಿಮಗೆ ಉತ್ತಮ ದಿನ. ಸೌಂದರ್ಯೋಪಾಸನಾ ಯೋಗವಿದೆ ಯಾದ್ದರಿಂದ ಹ್ಯಾಪಿ ಡೇ.

ಮಕರ : ಹಾಕಿದ ಬಂಡವಾಳ ವಾಪಾಸ್ಸು ಬರಬೇಕಿದ್ದರೆ, ಇವತ್ತು ನೀವು ನಿಮ್ಮ ಸ್ನೇಹಿತನಿಗೆ ನೆರವಾಗಬೇಕು. ಎಲ್ಲ ವಿಷಯದಲ್ಲಿಯೂ ಕಮರ್ಷಿಯಲ್‌ ಯೋಚನೆಗಳಿದ್ದರೆ ಕೆಲಸ ಕೈಗೂಡುವುದಿಲ್ಲ.

ಕುಂಭ : ಆದರ್ಶಗಳು ಮಾತಿಗಿಂತ ಹೆಚ್ಚಾಗಿ ನಡತೆಯಲ್ಲಿ ಕಾಣಬೇಕಲ್ಲವೇ. ಸೋಲುತ್ತಿದ್ದೀರಿ ನೀವು. ಬುದ್ಧಿ ವಾದ ಹೇಳುವವರನ್ನು ತಿರಸ್ಕರಿಸಿದುದರ ಫಲ ಇವತ್ತು ನಿಮಗೆ ಕಾದಿದೆ.

ಮೀನ : ಹಿರಿಯ ಅಧಿಕಾರಿಗಳ ಕೃಪೆ ನಿಮ್ಮ ಮೇಲಿದೆ ಎಂದು ಇತರರನ್ನು ಟೀಕಿಸುವುದು ಹೆಚ್ಚು ದಿನ ನಡೆಯದು. ಅದರಿಂದ ನೀವು ದೊಡ್ಡವರಾಗುವುದುಂಟೇ ? ನಿಮ್ಮ ಸಣ್ಣ ಪುಟ್ಟ ಸಮಸ್ಯೆಗಳಿಗೆ ಇಂದು ಉತ್ತರ ಸಿಗುತ್ತದೆ.