ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಜೀವನವೆಂಬ ರಸ್ತೆಯ ಬಹುತೇಕ ಹೊಂಡಗಳು ಮುಚ್ಚಲಿರುವ ಸುದಿನ. ಪ್ರೇಯಸಿಯ ಮೊಂಡು ಮುರಿಯಲಿದೆ. ನಿಮ್ಮ ದಿನದ ಕೆಲ ನಿಮಿಷಗಳನ್ನು ಆಕೆಗೇ ಮೀಸಲಿಡಿ. ನೀವು ಬಯಸಿರುವ ಗೌರವಾದರಗಳು ಅಂದುಕೊಂಡಷ್ಟು ಯಾರಿಂದಲೂ ಸಿಗದು.

ವೃಷಭ : ಯಾವುದೋ ಕೋಪವನ್ನ ಆಫೀಸಿನ ನಿಮ್ಮ ಜೊತೆಗಾರರ ಮೇಲೆ ತೀರಿಸುವ ಅಪಾಯವಿದೆ. ಎಚ್ಚರ, ಹಾಗೆ ಮಾಡದಿರಿ. ಅದು ನಿಮ್ಮ ಕೆರಿಯರಿಗೇ ಕೊಡಲಿ ಏಟು ಕೊಟ್ಟೀತು.

ಮಿಥುನ : ಜೀವನದ ಗುರಿ ಸಾಧಿಸಲು ನೆಚ್ಚಿರುವ ನಿಮ್ಮವರು ಇವತ್ತು ಎಳ್ಳಷ್ಟೂ ಸೋಮಾರಿತನ ತೋರುವಂತಿಲ್ಲ. ಅವರ ಮನ ನೋಯಿಸದಂತೆ ಎಚ್ಚರ ವಹಿಸಿ. ಮನದನ್ನೆ ಹೃದಯಕ್ಕೆ ಹತ್ತಿರಾಗುತ್ತಾಳೆ, ಕೆಲ ಕ್ಷಣಗಳಷ್ಟೇ. ಅಷ್ಟರಲ್ಲೇ ಆಕೆಯನ್ನು ಹಿಡಿದಿಟ್ಟುಕೊಳ್ಳುವುದು ಒಳ್ಳೆಯದು.

ಕಟಕ : ಪ್ರೀತಿಪಾತ್ರರು ಕೊಡುವ ಹೊಸ ಸಲಹೆ ಮಿಲಿಯನ್‌ ಡಾಲರ್‌ ಐಡಿಯಾ ಆಗಿರುತ್ತದೆ. ಅದನ್ನು ಚಾಚೂ ತಪ್ಪದೆ ಅಳವಡಿಸಿಕೊಳ್ಳಿ. ಗೆಳೆಯರೊಡನೆ ಜಗಳ ಮಾತ್ರ ಕಾಯಕೂಡದು. ಕಾದಿರೋ, ಕೆಟ್ಟಿರಿ.

ಸಿಂಹ : ಇವತ್ತಿನ ಮಟ್ಟಿಗೆ ನೀವು ಅತಿ ಭಾವುಕರು. ರಕ್ತ ಹೆಚ್ಚು ಕುದಿಯುವ ದಿನ. ಬಾಯಿಗೆ ಬಂದದ್ದನ್ನ ಆಡೀರಾ ಜೋಕೆ. ಕ್ಷಣ ಚಿತ್ತ ಕ್ಷಣ ಪಿತ್ತ ಸ್ಥಿತಿ ಇವತ್ತು ಇದ್ದದ್ದೇ. ಆದರೂ ಕಡಿವಾಣ, ತಾಳ್ಮೆ ಕಾಯ್ದುಕೊಳ್ಳುವುದು ಅತಿ ಮುಖ್ಯ.

ಕನ್ಯಾ : ವಾವ್‌ ! ಅಂದುಕೊಂಡಿದ್ದು ಸಿಗೋ ದಿನ. ನಿಮ್ಮ ಸಿಕ್ಸ್‌ತ್‌ ಸೆನ್ಸ್‌ ಕರೆಗೆ ಓಗೊಡಿ. ಅದು ಭ್ರಮೆಯಲ್ಲ, ಭವಿಷ್ಯವಾಣಿ. ಪ್ರೀತಿ ಪ್ರೇಮ ಅಂತ ಮುಖ್ಯ ಕೆಲಸ ಮರೆತೀರಾ, ಹುಷಾರು.

ತುಲಾ : ಅವಳ(ನ)ನ್ನು ಒಲಿಸಿಕೊಳ್ಳುವ ದಿನ. ಎಲ್ಲಾ ಜಗಳ, ವೈಮನಸ್ಯಕ್ಕೆ ಇತಿಶ್ರೀ. ಮುನಿಸಿ ತವರಿಗೆ ತೆರಳಿರುವ ಮಡದಿಯೂ ಕರಗುವ ದಿನ. ಕಚೇರಿಯಲ್ಲಿ ಮಾತ್ರ ಸ್ವಲ್ಪ ಕಿರಿಕಿರಿ. ಪ್ರಾಜೆಕ್ಟಿನ ಕೆಲಸದಲ್ಲಿ ವಿಳಂಬ.

ವೃಶ್ಚಿಕ : ದೊಡ್ಡ ಬಂಡೆ ಒಡೆಯೋ ಕೆಲಸಕ್ಕೆ ಕೈಹಾಕಿರುವ ನೀವು ನಿಮ್ಮ ಮೇಲೆ ಹಾರುವ ಪುಡಿಗಲ್ಲುಗಳಿಗೆ ತಲೆ ಕೆಡಿಸಿಕೊಳ್ಳಬೇಡಿ. ಅದೇನೂ ಅವೆಲಾಂಚ್‌ ಅಲ್ಲ.

ಧನಸ್ಸು : ಮನೆಯನ್ನು ಆಲ್ಟರ್‌ ಮಾಡೋ ಯೋಚನೆಯಲ್ಲಿ ಮುಳುಗಿದ್ದೀರಿ. ನಾಲ್ಕು ಒಳ್ಳೆ ಜನರ ಸಲಹೆ ಪಡೆಯೋದು ಒಳಿತು. ಕೈಯಲ್ಲಿ ದುಡ್ಡಿದೆ ಅಂತ ಅದನ್ನು ನೀರಿನಂತೆ ಸುರಿಯೋದು ಒಳ್ಳೇದಲ್ಲ.

ಮಕರ : ನಿಮ್ಮ ಯೋಚನೆಗಳಿಗೆ ಸ್ಪಂದಿಸುವವರಿಗಿಂತ ಪ್ರತಿರೋಧ ಒಡ್ಡುವವರೇ ಹೆಚ್ಚು. ನೀವೇ ಸರಿ. ತುಂಬಾ ಜನ ಹೇಳ್ತಿದಾರೆ ಅಂತ ಕಿವಿಗೊಡಬೇಡಿ. ಮನಸ್ಸಿದ್ದಂತೆ ಮಹದೇವ.

ಕುಂಭ : ಬರಬೇಕಾಗಿರೋ ದುಡ್ಡು ಬರೋದು ಗ್ಯಾರಂಟಿ. ಟೂರು ಟ್ರಿಪ್ಪು ಅಂತ ಏನಾದ್ರೂ ಕಾರ್ಯಕ್ರಮಗಳಿದ್ದರೆ ಹಾಕಿಕೊಳ್ಳಿ. ಏನೂ ತೊಂದರೆಯಿಲ್ಲ.

ಮೀನ : ಬ್ರೂಟಸ್‌ಗಳ ಭಯವಿದೆ. ಹುಷಾರಾಗಿರಿ. ಕೆರಿಯರ್ರಿನಲ್ಲಿ ಮೇಲೇರುವ ಅವಕಾಶಕ್ಕೆ ಇನ್ನು ಕೆಲವೇ ಗೇಣು. ದುಡ್ಡೇ ಮುಖ್ಯವಲ್ಲ. ಕಾನ್ಫಿಡೆನ್ಷಿಯಲ್‌ ವಿಷಯಗಳನ್ನು ಹರಕು ಬಾಯಿ ಮಿತ್ರರ ಹತ್ತಿರ ಒದರೀರಾ, ಜೋಕೆ.