ಬಿಎಚ್‌ಇಎಲ್‌ನಿಂದ ಇಟೆಲಿಗೆ ಸೌರಕೋಶಗಳ ಪ್ರಥಮ ಕಂತು ರಫ್ತು

ಬೆಂಗಳೂರು : ಭಾರತ್‌ ಹೆವಿ ಇಲೆಕ್ಟ್ರಿಕಲ್ಸ್‌ನ ಬೆಂಗಳೂರು ಘಟಕದ ಇಲೆಕ್ಟ್ರಾನಿಕ್ಸ್‌ ವಿಭಾಗವು ಸೌರ ಕೋಶಗಳ ಪ್ರಥಮ ಕಂತನ್ನು ಇಟೆಲಿಗೆ ರಫ್ತು ಮಾಡಿದೆ.

ಇಟೆಲಿಯ ಎಸ್‌ಇ ಯೋಜನೆಯ ಮೂಲಕ ಸೌರಕೋಶಗಳಿಗಾಗಿ ಪಡೆದಿರುವ ಸುಮಾರು ಮೂರು ಕೋಟಿ ರೂಪಾಯಿ ಮೌಲ್ಯದ ರಫ್ತು ಬೇಡಿಕೆಯ ಒಂದು ಭಾಗ ಇದಾಗಿರುತ್ತದೆ. ಬಿಎಚ್‌ಎಲ್‌ ಉತ್ಪಾದಿಸಿರುವ ಸಾಮಗ್ರಿಗಳಿಗಾಗಿ ಬಂದಿರುವ ಪ್ರಥಮ ಬೇಡಿಕೆ ಇದಾಗಿದ್ದು, ಭಾರತೀಯ ರಫ್ತು ಕ್ಷೇತ್ರದಲ್ಲಿ ಸಂಸ್ಥೆಯು ತನ್ನ ಸ್ಥಾನವನ್ನು ಬಲಪಡಿಸಿಕೊಳ್ಳುವಲ್ಲಿ ಇದು ಸಹಕಾರಿಯಾಗಿದೆ. ಅಲ್ಲದೆ ವಿದೇಶೀ ಮಾರುಕಟ್ಟೆಯಲ್ಲಿ ಬಿಎಚ್‌ಇಎಲ್‌ ಸಂಸ್ಥೆಯ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚಾಗುವ ನಿರೀಕ್ಷೆಯೂ ಇದೆ.

ವಿದ್ಯುನ್ಮಾನ ಕ್ಷೇತ್ರದಲ್ಲಿ ಹೆಸರು ಪಡೆದಿರುವ ಇನ್ನೊಂದು ಪ್ರಮುಖ ಸಂಸ್ಥೆ ಸಿಎಂಎಸ್‌, ಆಂಧ್ರ ಪ್ರದೇಶ ಸರಕಾರಕ್ಕೆ ಸಂಪೂರ್ಣ ವಿದ್ಯುನ್ಮಾನ ಆಡಳಿತವನ್ನು ನೀಡುವ ಪ್ರಮುಖ ಒಪ್ಪಂದವೊಂದಕ್ಕೆ ಸಹಿ ಹಾಕಿದೆ.

(ಇನ್ಫೋ ವಾರ್ತೆ)