ನಿತ್ಯ ಭವಿಷ್ಯ

Posted By:
Subscribe to Oneindia Kannada

*ಜಾನುಕೊಂಡ ಶಾಮಾ ಶಾಸ್ತ್ರೀ

ಮೇಷ : ಜೋರು ಮಳೆಯ ನಂತರದ ಮೌನದಂತೆ ನಿಮ್ಮ ಮನಸ್ಸೀಗ ನಿರಾಳವಾಗಿದ್ದೀತು. ಗ್ರಹಗತಿಗಳೆಲ್ಲಾ ನಿಮ್ಮ ಪರವಾಗೇ ಇವೆ. ಹೀಗಿದ್ದೂ ಎಡವಟ್ಟಾಯಿತೆಂದರೆ ಅದಕ್ಕೆ ನಿಮ್ಮ ದುಡುಕೇ ಕಾರಣ.

ವೃಷಭ : : ಅದೇ ಆಫೀಸು. ಅದೇ ಮುಖಗಳು ಅನ್ನುವ ಬೇಜಾರು ಕೊನೆಯಾಗಲಿದೆ. ಅಂದರೆ ನಿಮಗೀಗ ಪ್ರಯಾಣ ಯೋಗ. ಟ್ರಿಪ್ಪು ಗಮ್ಮತ್ತಾಗಿರುವಾಗ ಜೇಬು ಸಣ್ಣಗಾಗುತ್ತಿರುವುದರ ಬಗ್ಗೆ ಹೆಚ್ಚಿನ ಗಮನ ಕೊಡಬೇಡಿ.

ಮಿಥುನ : ನಿಮ್ಮದು ಮದ್ದಾಯನಕನಹಳ್ಳಿ ಬಂಡೆಯಂಥಾ ಮನಸ್ಸು . ನಾಜೂಕು ಎಂದು ನೀವಂದುಕೊಂಡರೂ, ಅದರ ಕಠಿಣತೆ ಗೊತ್ತಾಗುವುದು ಎದುರಿನವರಿಗೆ. ನಾನಿರುವುದೇ ಹಾಗೆ ಅನ್ನುವುದು ಅಷ್ಟೇನೂ ಒಳ್ಳೆಯ ಲಕ್ಷಣ ಅಲ್ಲ.

ಕಟಕ : ಬಿಸಿಯಾಗಿದ್ದಾಗಲೇ ಕಬ್ಬಿಣವನ್ನು ಬಗ್ಗಿಸಬೇಕು. ನಿಮಗಿದು ಗೊತ್ತಿಲ್ಲದ್ದೇನೂ ಅಲ್ಲ . ಆದರೆ, ಸರಿಯಾದ ಸುತ್ತಿಗೆಯನ್ನೇ ಬಳಸಿ. ಶ್ರಮವಾಗಬಾರದು, ಲಾಭವಾಗಬೇಕು. ಹಿಂಜರಿಕೆ ಬಿಟ್ಟು ಒಮ್ಮನದಿಂದ ಪ್ರಯತ್ನಿಸಿದರೆ ಗೆಲುವು ನಿಮ್ಮದೇ.

ಸಿಂಹ : ಹೊಸ ಅವಕಾಶಗಳು ನಿಮ್ಮ ಕಾಲಿಗೇ ಎಡತಾಕುತ್ತಿವೆ. ಒಪ್ಪಿಕೊಳ್ಳುವ ಮುನ್ನ ಈ ಮೊದಲಿನ ಅನುಭವ ನೆನಪಿನಲ್ಲಿರಲಿ. ದುಡುಕಿ ಪಶ್ಚಾತಾಪ ಪಡುವ ಸಂಕಟ ನಿಮ್ಮದಾಗುವುದು ಬೇಡ.

ಕನ್ಯಾ : ಅಬ್ಬಾ ! ಆಗಲೇ ಕೆಂಪಾಗಿದ್ದೀರಿ. ಗೆಳೆಯರು, ಸಹೋದ್ಯೋಗಿಗಳು ಅಸೂಯೆ ಪಡುವಂಥ ಅದೃಷ್ಟ ನಿಮ್ಮದು.


ತುಲಾ : ಹೊಸ ಐಡಿಯಾಗಳು ಈ ಹೊತ್ತು ನಿಮ್ಮದಾಗಲಿವೆ. ನಿಮ್ಮ ಸೃಜನಶೀಲತೆಗೆ ಕಚೇರಿಯಲ್ಲಿ ಮನ್ನಣೆ ದೊರೆಯಲಿದೆ. ವೈಯಕ್ತಿಕ ಬದುಕಿನಲ್ಲೂ ಬಡ್ತಿಯ ಸಂಭವವಿದೆ.

ವೃಶ್ಚಿಕ : ಹುಷಾರಾಗಿರಿ. ಅಪಘಾತಗಳು ಹತ್ತಿರದಲ್ಲೇ ಇವೆ. ಮನಸ್ಸು, ದೇಹ ಎರಡಕ್ಕೂ ಕಡಿವಾಣ ಹಾಕಿ. ಇಂದಲ್ಲದಿದ್ದರೆ ನಾಳೆ ಅನ್ನುವ ಸಮಾಧಾನದ ಮಂತ್ರ ಪಠಿಸದೆ ಗತ್ಯಂತರವಿಲ್ಲ.

ಧನಸ್ಸು :ಕನಸು ಕಾಣಲಿಕ್ಕೆ ಹೇಳಿ ಮಾಡಿಸಿದಂಥಾ ದಿನ. ನಿಮ್ಮ ಸ್ವಭಾವವೂ ಅದೇ ಅಲ್ಲವೇ. ತಮಾಷೆ ನೋಡಿ, ವಾತಾವರಣವೂ ನಿಮ್ಮ ಪರವಾಗಿಯೇ ಇದೆ. ಎದುರು ನೋಡಿರದ ಸೋಜಿಗವೊಂದು ಎದುರಾಗುವ ನಿರೀಕ್ಷೆಯಿದೆ. ಅದನ್ನೂ ಕನಸೆಂದುಕೊಂಡರೆ ಮುಟ್ಟಾಳರಾಗುತ್ತೀರಿ.

ಮಕರ : ನಿಮ್ಮನ್ನು ನೀವು ಏನೆಂದುಕೊಂಡಿದ್ದೀರಿ. ಜಗತ್ತಿನಲ್ಲಿ ನೀವೊಬ್ಬರೆ ಒಳ್ಳೆಯವರೇನೂ ಅಲ್ಲ . ಬಾವಿಯಲ್ಲಿನ ಕಪ್ಪೆಯಂತೆ ಬದುಕುವುದನ್ನು ಬಿಟ್ಟು ಬೆಳಕಿಗೆ ಬನ್ನಿ .

ಕುಂಭ : ಕಠೋರ ವಾಸ್ತವಕ್ಕೇ ಜೋತು ಬೀಳುವ ಮನೋಭಾವ ನಿಮ್ಮದಾಗಿರುವುದರಿಂದ ಈ ದಿನ ನಿಮ್ಮದಲ್ಲ ಎಂದರೆ ನೀವೇನೂ ಬೇಜಾರು ಮಾಡಿಕೊಳ್ಳುವುದಿಲ್ಲ . ನಿಮ್ಮ ಕೆಲಸವೇ ನಿಮ್ಮನ್ನು ಕಾಯುವುದು.

ಮೀನ : ಇದೀಗ ತಾನೆ ಹುಟ್ಟಿದಂತೆ ಕಾಣುತ್ತಿದ್ದೀರಿ. ಈ ನಡುವೆ ಹುಚ್ಚುಚ್ಚಾಟ ಬೇಡಿರಪ್ಪ . ದೊಡ್ಡವರ ಮಾತಿಗೆ ಕಿವಿಕೊಡಿ. ನಿಮ್ಮ ಒಳ್ಳೆಯದಕ್ಕೇ ಹೇಳುತ್ತಿದ್ದಾರೆ ಅನ್ನುವುದನ್ನು ನೀವು ಬೇಗ ಅರ್ಥ ಮಾಡಿಕೊಳ್ಳುವುದು ಒಳ್ಳೆಯದು.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more