ಗುಲ್ಬರ್ಗಾ : ಏಪ್ರಿಲ್ನಲ್ಲಿ 45, ನವಂಬರ್ನಲ್ಲಿ 15
ಭಾನುವಾರದ ರಜೆಯ ಗುಂಗಿನಲ್ಲಿ ಮೋಡ ಮುಸುಕು ಹೊದ್ದುಕೊಂಡು ಬೆಂಗಳೂರು ಮಲಗಿದೆ. ಈ ಕ್ಲೌಡೀ ವೆದರಿಗೆ ಹೊರಗೆ ಹೋಗಲು ಮನಸ್ಸಿಲ್ಲ ಎನ್ನುವುದು ಒಂದಾದರೆ, ಮ್ಯಾಚ್ ನೋಡುತ್ತಾ ಈ ಸಂಡೇ ಕಳೆದರಾಯ್ತು ಎಂಬ ಇನ್ನೊಂದು ಸಮಜಾಯಿಷಿಯಾಂದಿಗೆ ಬೆಂಗಳೂರಿನ ರಸ್ತೆಗಳಲ್ಲಿ ವಾಹನಗಳು ಮಾಯವಾಗಿವೆ. ಒಂದಷ್ಟು ಬಿಟಿಎಸ್ ಬಸ್ಗಳು, ಲಾರಿಗಳು, ಏನೋ ಅರ್ಜೆಂಟಲ್ಲಿ ಓಡುವ ಕಾರ್ಗಳು, ಕ್ಯಾಶುವಲ್ ಡ್ರೆಸ್ನಲ್ಲಿ ಬೈಕಿನ ಹ್ಯಾಂಡಲ್ಗೆ ಪ್ಲಾಸ್ಟಿಕ್ ಕವರ್ ತಗುಲಿಸಿಕೊಂಡು ಮಾರ್ಕೆಟ್ ಕಡೆ ಧೌಡಾಯಿಸುವ ಹುಡುಗ ಹುಡುಗಿಯರು...
ರಾಜ್ಯವನ್ನು ಹಗಲು ಒಣ ಹವೆ, ರಾತ್ರಿ ಮೂಳೆ ಸವರುವ ಚಳಿ ತಬ್ಪಿಕೊಂಡು ಬಿಟ್ಟಿದೆ. ಡಿಸೆಂಬರ್ ಚಳಿಯ ಖ್ಯಾತಿಯನ್ನು ನವೆಂಬರ್ ತೆಗೆದುಕೊಳ್ಳಲಿದೆಯೇನೋ ಎಂಬಷ್ಟು ಚಳಿಯ ಚಿಗುರುತ್ಸಾಹ ಸಂಜೆಯೆಲ್ಲಾ ಹರಿದಾಡುತ್ತದೆ. ಮಳೆಯ ಸುಳಿವಿಲ್ಲ. ಏಪ್ರಿಲ್ನಲ್ಲಿ ಹೊತ್ತಿ ಉರಿಯುತ್ತಿದ್ದ ಗುಲ್ಬರ್ಗದಲ್ಲಿ ಕಡಿಮೆ ಉಷ್ಣಾಂಶ 15 ಡಿಗ್ರಿ ದಾಖಲಾಗಿದೆ. ಸೋಮವಾರ ಬೆಂಗಳೂರು, ಮೈಸೂರು , ಮಡಿಕೇರಿಗಳಲ್ಲಿ ಒಂದೆರಡು ನಿಮಿಷ ಮಳೆ ಹನಿ ಚಿಮುಕಿಸಬಹುದು ಎಂದು ಹವಾಮಾನ ಇಲಾಖೆ ಹೇಳಿದೆ. ಮತ್ತೆಲ್ಲಾ ಒಣ ಹವೆಯದೇ ಕಾರುಬಾರು. ಅದೇ, ಕೋಲ್ಡ್ ಕ್ರೀಮ್, ಕೊಬ್ಬರಿ ಎಣ್ಣೆ, ವ್ಯಾಸಲೀನ್ಗಳ ಆಡಳಿತ.