ಹತ್ತು ಅಮೆರಿಕನ್‌ ಮಿಷನರಿಗಳಿಗೆ ದೇಶ ಬಿಟ್ಟುಹೋಗಲು ಸೂಚನೆ

ಮಧುರೈ : ರಾಮೇಶ್ವರ ದ್ವೀಪದಲ್ಲಿ ವಾಸಿಸುತ್ತಿರುವ 10 ಅಮೆರಿಕನ್‌ ಮಿಷನರಿಗಳನ್ನು ಭಾನುವಾರದೊಳಗೆ ಭಾರತ ಬಿಟ್ಟು ಹೋಗುವಂತೆ ಕೇಂದ್ರ ಗೃಹ ಸಚಿವಾಲಯ ತಿಳಿಸಿದೆ ಎಂದು ಅಧಿಕೃತ ಮೂಲಗಳು ಶುಕ್ರವಾರ ತಿಳಿಸಿವೆ.

ಹತ್ತು ವರ್ಷಗಳ ವೀಸಾದ ಮೇಲೆ ಭಾರತಕ್ಕೆ ಬಂದಿರುವ ಮಿಷನರಿಗಳು ರಾಮೇಶ್ವರದಲ್ಲಿನ ಮೆಯ್ಯಾಂಪುಲ್‌ ಚರ್ಚಿನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರು. ಆರು ತಿಂಗಳಿಗೊಮ್ಮೆ ವೀಸಾ ನವೀಕರಿಸಬೇಕಾಗಿದ್ದರೂ, ಕಳೆದ ಆರು ತಿಂಗಳಿಂದ ವೀಸಾ ನವೀಕರಣ ಮಾಡದಿರುವುದರಿಂದ ಮಿಷನರಿಗಳಿಗೆ ದೇಶ ಬಿಟ್ಟು ಹೋಗಲು ತಿಳಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.

(ಪಿಟಿಐ)