ಬ್ಯಾಂಕ್‌ ಕಾಯ್ದೆ ತಿದ್ದುಪಡಿ ಮಸೂದೆಗೆಕೇಂದ್ರ ಮಂತ್ರಿಮಂಡಲ ಅಸ್ತು

ನವದೆಹಲಿ: ಸಾರ್ವಜನಿಕ ಬ್ಯಾಂಕಿಂಗ್‌ ವಲಯದಲ್ಲಿ ಸರಾಕರದ ಬಂಡವಾಳವನ್ನು ಶೇ. 51ರಿಂದ 33ಕ್ಕೆ ಇಳಿಸುವ ಬ್ಯಾಂಕ್‌ ಕಾಯ್ದೆ ತಿದ್ದುಪಡಿ ಮಸೂದೆಗೆ ಗುರವಾರ ಕೇಂದ್ರ ಮಂತ್ರಿ ಮಂಡಲ ಒಪ್ಪಿಗೆ ನೀಡಿದೆ.

ಈ ತಿದ್ದು ಪಡಿಯ ಪ್ರಕಾರ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಲ್ಲಿ ಯಾವುದೇ ಮಹತ್ತರ ಬದಲಾವಣೆ ಆಗುವುದಿಲ್ಲ. ಬ್ಯಾಂಕ್‌ ನಿರ್ವಹಣೆಯ ಅಧಿಕಾರವನ್ನು ಸರಕಾರವೇ ಹೊಂದಿರುತ್ತದೆ ಅಲ್ಲದೆ ಬ್ಯಾಂಕ್‌ನ ನಿರ್ದೇಶಕರು ಮತ್ತು ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿಗಳನ್ನು ಸರಕಾರವೇ ನೇಮಿಸುತ್ತದೆ.

ನವೆಂಬರ್‌ 15ರಂದು ಸಾರ್ವಜನಿಕ ವಲಯದ ಬ್ಯಾಂಕ್‌ ನೌಕರರು , ಸರಕಾರ ತನ್ನ ಪಾಲಿನ ಬಂಡವಾಳದಲ್ಲಿ ಕಡಿತ ಗೊಳಿಸುವುದನ್ನು ವಿರೋಧಿಸಿ ಮುಷ್ಕರ ಹೂಡಿದ್ದವು.

(ಇನ್ಫೋ ವಾರ್ತೆ)